வடமத்திய மாகாணத்தில் உள்ள அனைத்து அரச பாடசாலைகளிலும் தரம் 11இற்கான தவணைப் பரீட்சை மறு அறிவித்தல் வரை இடைநிறுத்தப்பட்டுள்ளது.

வினாத்தாள் கசிந்த சம்பவத்தையடுத்து இந்த நடவடிக்கையை எடுத்துள்ளதாக மாகாணக் கல்வி அமைச்சின் செயலாளர் அறிவித்துள்ளார்.

தவணைப் பரீட்சை தொடர்பான சிங்கள இலக்கிய வினாத்தாள் சமூக ஊடகங்கள் ஊடாக வெளியாகியுள்ளமை உறுதிப்படுத்தப்பட்ட நிலையில் இந்த தீர்மானம் மேற்கொள்ளப்பட்டுள்ளது.

The post வடமத்திய மாகாணத்தில் 11 ஆம் தர பரீட்சைகள் இடைநிறுத்தம் appeared first on V MEDIA.

யாழ்ப்பாணத்தைச் சேர்ந்த சொல்லிசை(Rap) கலைஞரும், பாடகருமான அத்விக் உதயகுமார் உள்ளிட்ட குழுவினர், இந்தியாவில் சென்னை, வேளச்சேரியில் நடைபெற்ற வீதி நிகழ்ச்சியொன்றில் (Street Event) முதன் முறையாக கலந்துகொண்டுள்ளனர்.

பொது மக்கள் முன்னிலையில் பாடல் பாடி அசத்திய அத்விக் உதயகுமார் உள்ளிட்ட குழுவினருக்கு, அங்கிருந்த நபர்கள் பெரும் ஆரவாரத்துடன் கூடிய கைத்தட்டல்களை வழங்கியிருந்தனர்.

காணொளி: https://web.facebook.com/share/v/gTqKZUvrLdZUt3Mk

The post சென்னை வீதி நிகழ்ச்சியில் அசத்திய இலங்கை கலைஞர்கள் appeared first on V MEDIA.

கடந்த சில மாதங்களுக்கு முன்பு இலங்கையில் வெளியாகிய பிரபல சிங்கள திரைப்படமான ‘சிங்கபாகு’ திரைப்படத்தை, காணொளியாக பதிவு செய்து யூடியூப்பில் வெளியிட்ட குற்றச்சாட்டில் 24 வயதுடைய இளைஞன் கைது செய்யப்பட்டுள்ளார்.

கண்டி, கட்டுகஸ்தோட்டை சீகிரி திரையரங்கில் குறித்த திரைப்படத்தை காணொளியாக பதிவு செய்த  சந்தேக நபர், பொலிஸ் கணினி குற்றப் புலனாய்வுப் பிரிவினரால் கடந்த 11ம் திகதி கைது செய்யப்பட்டுள்ளார்.

சந்தேகநபர் கண்டி பிரதான நீதவான் முன்னிலையில் ஆஜர்படுத்தப்பட்டதன் பின்னர் எதிர்வரும் 24ம் திகதி வரை விளக்கமறியலில் வைக்கப்பட்டுள்ளார்.

The post ‘சிங்கபாகு’ திரைப்படத்தை யூடியூப்பில் வெளியிட்ட நபர் கைது  appeared first on V MEDIA.

இலங்கையின் பிரபல இளம் பாடகியான யோஹானி, மேற்கிந்திய தீவுகளை சேர்ந்த பிரபல பாடகர்களான ஷான் பால்(Sean Paul) மற்றும் கெஸ்(Kes) உடன் இணைந்து டி20 உலகக் கிண்ணத்தில் இலங்கை அணிக்கான உத்தியோகபூர்வ பாடலை வெளியிட்டுள்ளார்.   

இந்தப் பாடல் இலங்கை கிரிக்கெட் அணிக்காக அர்ப்பணிக்கப்பட்டுள்ளதுடன், டி20 உலகக் கிண்ணத் தொடரில் இலங்கை அணியையும் மக்களையும் ஊக்குவிக்கும் விதமாக வடிவமைக்கப்பட்டுள்ளது. 

இலங்கை கிரிக்கெட்டினையும், நாட்டின் கலாச்சாரம் மற்றும் பாரம்பரியத்தையும் உள்ளடக்கியுள்ள இந்த பாடலுக்கான பாடல் வரிகளை, இலங்கை பாடல் ஆசிரியர்களான முர்ஷாத் ஹுவைஸ்(Murshad Huvais), லக்கி லக்மின(Lucky Lakmina), டிலாஞ்சன் செனவிரத்ன( Dilanjan Seneviratne) ஆகியோர் எழுதியுள்ளனர். 

The post சர்வதேச கலைஞர்களுடன் கைக்கோர்த்த யோஹானி  appeared first on V MEDIA.

இலங்கை படைப்பாளர்களால் தயாரிக்கப்பட்ட ‘தொட்டி மீன்கள்’ என்ற குறும்படம் படம் 7TH SOUTH ASIAN SHORT FILM FESTIVAL (SASFF)’ க்கு தெரிவாகியுள்ளதாக
மணிவாணன் மற்றும் படக்குழுவினர் அறிவித்துள்ளனர்.

அந்த அறிவிப்பில் இவ்வாறு குறிப்பிடப்பட்டுள்ளது.

“எமது ‘தொட்டி மீன்கள்’ குறும்படம் ‘7TH SOUTH ASIAN SHORT FILM FESTIVAL (SASFF)’ க்கு தெரிவாகியுள்ளது என்பதை மகிழ்ச்சியுடன் தெரிவித்துக் கொள்கின்றோம்.

எமது கனவுகளுக்காக உழைத்த படக்குழுவினருக்கும், இந்தக் கடினமான சினிமா பயணத்தில் நீண்ட நாட்களாக நேர்மையான உள்ளத்துடன்,
உடன் பயணிக்கும் எமது குழுவினருக்கும் நன்றிகள்.

இந்தப் படைப்புக்கு ஒரு சர்வதேச அங்கிகாரம் கிடைக்கும் என்ற நம்பிக்கை எனக்கும் என் உடன் பயணித்த எனது குழுவினருக்கும் இருந்தது,
அந்த அங்கிகாரத்தை ஒரு அந்தஸ்து மிக்க திரைப்பட விழா கொடுத்திருப்பது என்பது பெரும் மகிழ்ச்சி.

திரைப்பட விழா ஜூலை மாதம் 07- 13 கொல்கத்தாவில் நடபெறவுள்ளது.

மேலதிக விபரங்களுக்கு

இதுவரை நீங்கள் கொடுத்த அன்புக்கும் ஆதரவுக்கும் எமது மனமார்ந்த நன்றிகளைத் தெரிவித்துக் கொள்கின்றோம்”

The post இலங்கை படைப்பாளர்களால் தயாரிக்கப்பட்ட குறும்படத்திற்கு சர்வதேச அங்கிகாரம் appeared first on V MEDIA.

இலங்கையின் பிரபல நடிகைகளில் ஒருவரான தமிதா அபேரத்ன மற்றும் அவரது கணவர், குற்றப் புலனாய்வுப் பிரிவினரால் கைது செய்யப்பட்டுள்ளனர்.

நிதி மோசடி குற்றச்சாட்டு தொடர்பில் இவர்கள் கைது செய்ப்பட்டுள்ளதாக தெரிவிக்கப்படுகின்றது. 

தமிதா அபேரத்னவும் அவரது கணவரும் கோட்டை நீதவான் நீதிமன்றத்திற்கு இன்று (04) வருகை தந்திருந்த போது, குற்றப் புலனாய்வுப் பிரிவினர் இருவரையும் கைதுசெய்துள்ளனர். 

The post பிரபல நடிகை கைது appeared first on V MEDIA.

DIRECTOR – Shiyam prasadh
STARTING – Kumaran .G | Kisho .G | Gobi | Crownson | Yogeshwaran | Jeckey |
SOUNDS – Yadhu
CINEMATOGRAPHY- K P R Photography

Share , Like And Comment Your Words

The post P A R A D O X – Earth Number 203 | Shortflim appeared first on V MEDIA.

“ஐயோ சாமி நீ எனக்கு வேணாம்” பாடல் புகழ் பாடலாசிரியர் பொத்துவில் அஸ்மினின் எழுதிய புதிய பாடல் “போய் வாறோம் தாயே” உலகத்தமிழர்களை உள்ளங்களை உலுக்க ஆரம்பித்துள்ளது.

ஜேர்மனியை சேர்ந்த இயக்குனர் சிபோ சிவகுமாரன் இயக்கியுள்ள “நாளைய மாற்றம்” திரைப்படத்தில் இப்பாடல் இடம்பெற்றுள்ளது.

பாடலுக்கு பிரபாளினி பிரபாகரன் இசையமைக்க தென்னிந்திய பின்னணிப்பாடகர் ஸ்ரீநிவாஸ் பாடியுள்ளார். இப்பாடல் கேட்போரை கண்கலங்க வைக்கிறது. பாடலைக்கேட்டு கவலை தாங்கமுடியாமல் பலரும் அழுவதாக சமூக வலைத்தளங்களில் கருத்துக்களை எழுதிவருகின்றனர்.

பாடல் பற்றிய அனுபவத்தை தென்னிந்திய பாடலாசிரியர் பொத்துவில் அஸ்மின் எம்மிடம் இவ்வாறு பகிர்ந்து கொண்டார்.

“தாயைப்பிரிவதும் தாய் மண்ணைப்பிரிவதும் ஒன்று.

தாயை, தாய்நாட்டை பிரியும்போது ஏற்படும் மரணவலியை நான் பாடலாக்கியுள்ளேன்.

கடைசிப்போரின் கந்தகப்பொழுதுகளை…

முள்ளிவாய்க்காலின் சொல்லில்லடங்கா நிமிசங்களை..

நாலைந்து வரிகளுக்குள் நறுக்கிவைத்துள்ளேன்…

ஈழத்தமிழர்களின் வாழ்வியல் வலியை பாடலின் ஊடாக பதிவு செய்ய வேண்டும் என்ற எனது நீண்ட நாள் கனவு இதன்மூலம் நிறைவேறியிருக்கிறது.

ஈழத்தமிழர்கள் மட்டுமல்ல உலகத்தமிழர்களே பாடலைக்கேட்டு கண்கலங்க ஆரம்பித்துள்ளனர்.பாடலை எனது பாடலாசிரியர் அஸ்மின் முகநூலிலும் YouTube தளத்தில் Poai Varom Thaye என்று தேடுவதினுடாக ரசிகர்கள் பார்வையிடலாம்.

அமெரிக்காவில் வாழும் இசையமைப்பாளர் பிரபாளினி பிரபாகரன் இசையில், இயக்குனர் சிபோ சிவகுமாரன் இயக்கத்தில் வெளிவரவுள்ள புதிய படத்துக்காகத்தான் இப்பாடலினை நான் எழுதியுள்ளேன்.

மரணவலி தரும் இப்பாடலினை பிரபல பின்னணிப்பாடகர் ஸ்ரீநிவாஸ் பாடியுள்ளார்.

தமிழ்,கன்னடம், மலையாளம், தெலுங்கு மொழிகளில் 2000 அதிகமான பாடல்களை பாடியிருக்கும் திரைப்படப் பாடகர். இளையராஜா, தேவா, ஏ. ஆர். ரகுமான், வித்யாசாகர் போன்றவர்களின் இசையில் தென்னிந்திய மொழிகளிலும் இந்தியிலும் திரைப்பாடல்கள் பாடியவர். தமிழக அரசின் சிறந்த பாடகருக்கான விருதினை பெற்றவர் திரு.ஸ்ரீநிவாஸ் அவர் என்பாடலைப்பாடுவது நான் பெற்ற பேறு.

பாடலை உருக்கமாக அவர் பாடும்போதே கண்கள் கலங்கி நின்றதை கண்ணுற்றேன்.பாடல் மிகவும் அருமையாக வந்துள்ளது.

இப்பாடல் என் பாடல் பணியில் முக்கிய பாடலாக இருப்பது உறுதி என அவர் தெரிவித்துள்ளார்.

The post “போய்வாறோம் தாயே…” கண்கலங்க வைக்கும் கவிஞர் அஸ்மினின் பாடல்! appeared first on V MEDIA.

இலங்கையின் கவிஞர் அஸ்மின், திரும்பிப்பார் என்ற திரைப்படத்திற்காக “கண்ணத்தொறந்ததும்சாமி” என்ற பாடலை எழுதியுள்ளார்.

பவிவித்யா புரடக்சன் கிரி தயாரிப்பில் கொம்பு பட இயக்குனர் ஈ.இப்ராஹீம் இயக்கத்தில் தேவ்குரு இசையமைப்பில் உருவாகியுள்ள இந்த பாடலை, பாடகர் வேல்முருகன் பாடியுள்ளார்.

குறித்த பாடலானது சரிகமதமிழ் YouTube தளத்தில் உத்தியோகபூர்வமாக வெளியிடப்பட்டுள்ளது.

இப்பாடலை தமிழ் திரையுலக நட்சத்திரங்கள், பிரபலங்கள், தமது சமூக வலைத்தளங்களின் ஊடாக வெளியிட்டுள்ளனர்.

The post நம்நாட்டு கலைஞர் எழுதிய “கண்ணத் தொறந்ததும் சாமி” பாடல்! appeared first on V MEDIA.

இலங்கை திரைப்படமான சொப்பன சுந்தரிக்கு அத தெரண ஊடகம் நடாத்திய திரைப்பட விழாவில் கெளரவம் வழங்கப்பட்டுள்ளது. நேற்றைய தினம்(08.09) அத தெரண திரைப்பட விழா நடைபெற்றது.

இந்த விழாவில் சொப்பன சுந்தரி இயக்குனரும் நடிகருமான மாதவன், தயாரிப்பாளரும் நடிகருமான கஜானன் ஆகியோரோடு திரைப்படக் குழுவினரும் அழைக்கப்பட்டிருந்தனர்.

இவ்வாறான திரைப்பட நிகழ்வுக்கு சொப்பன சுந்தரி திரைப்படக்குழுவினர் அழைக்கப்பட்டமையே தமக்கு கிடைத்த கெளரவம் என கஜானன் வி மீடியாவுக்கு தெரிவித்தார்.

சொப்பன சுந்தரி இலங்கையில் தயாரிக்கப்பட்ட முழு நீள நகைச்சுவை கலந்த திரில்லர் திரைப்படம் ஆகும். இந்த திரைப்படம் தொடர்பில் பலரும் தங்கள் நல்ல கருத்துக்களை வெளியிட்டு வருகின்றனர். சிங்கள திரைப்பட பக்கமாகவும் இதற்கு நல்ல வரவேற்பு கிடைத்துள்ளது. இவ்வாறன நிலையில் இந்த திரைப்டப விழாவில் சொப்பன சுந்தரிக்கு வழங்கப்பட்ட கெளரவம் அவர்களுக்கான மேலும் ஒரு அங்கீகாரமே.

கொழும்பை மையப்படுத்தி எடுக்கப்பட்ட இந்த திரைப்படம் இலங்கை முழுவதும் நல்ல வரவேற்பை பெற்ற அதேவேளை, திரையரங்குகளிலும் பலர் பார்வையிட்டு வருகின்றனர்.

The post சொப்பன சுந்தரிக்கு கிடைத்த கெளரவம் appeared first on V MEDIA.