நாட்டின் படகு ஏற்றுமதித் துறைக்கு  புத்துயிர் : பேருவளை புதிய படகு இறங்குத்துறையின் செயல்பாடுகளை கடற்றொழில் துறைமுகக் கூட்டுத்தாபனத்திடம் ஒப்படைக்க இணக்கம் – பிரதி அமைச்சர் ரத்ன கமகேவின் பங்கேற்புடன் விசேட கலந்துரையாடல்

இலங்கையின் ஏற்றுமதி வருமானத்தை அதிகரிக்கும் நோக்கில், கைத்தொழில் அமைச்சு மற்றும் கடற்றொழில் அமைச்சு ஆகியன இணைந்து செயல்படுத்தும் விசேட வேலைத்திட்டம் குறித்த தீர்க்கமான கலந்துரையாடல் ஒன்று, கடற்றொழில், நீரியல் மற்றும் கடல் வளங்கள் பிரதி அமைச்சர் ரத்ன கமகே அவர்களின் தலைமையில் இன்று (09) கடற்றொழில் அமைச்சில் நடைபெற்றது.

உள்நாட்டு படகு மற்றும் படகு சார்ந்த உற்பத்தித் துறையானது தற்போது நாட்டிற்கு 53 மில்லியன் அமெரிக்க டொலர்களுக்கும் அதிக ஏற்றுமதி வருமானத்தை ஈட்டித் தரும் ஒரு முக்கிய தொழில்துறையாகும். எனினும், உற்பத்தி செய்யப்படும் பெரிய படகுகளை பாதுகாப்பாக கடலில் இறக்குவதற்கு முறையான வசதிகள் இல்லாததால், உற்பத்தியாளர்களும் வெளிநாட்டு கொள்வனவாளர்களும் பெரும் அசௌகரியங்களை எதிர்கொண்டனர். இதற்கு உடனடி தீர்வாக, கைத்தொழில் மற்றும் தொழில்முயற்சியாண்மை அபிவிருத்தி அமைச்சின் முன்முயற்சியில், 76 மில்லியன் ரூபாய் முதலீட்டில் பேருவளை கடற்றொழில் துறைமுக வளாகத்தில் புதிய “படகு இறங்குத்துறை ஒன்று நிர்மாணிக்கப்பட்டுள்ளது.

கைத்தொழில் அமைச்சர் சுனில் ஹந்துன்நெத்தி மற்றும் கடற்றொழில் அமைச்சர் இராமலிங்கம் சந்திரசேகர் ஆகியோரால் சமர்ப்பிக்கப்படவுள்ள கூட்டு அமைச்சரவைப் பத்திரத்திற்கு அமைவாக இன்று நடைபெற்ற இந்தக் கலந்துரையாடலில், குறித்த படகு இறங்குத்துறையின் நிர்வாகம் மற்றும் பராமரிப்புப் பணிகளை ‘இலங்கை கடற்றொழில் துறைமுகக் கூட்டுத்தாபனத்திடம்’ (CFHC) உத்தியோகபூர்வமாக ஒப்படைப்பதற்கு அனைத்து தரப்பினரும் முழுமையான இணக்கப்பாட்டைத் தெரிவித்தனர்.
 
இதன்போது கருத்துத் தெரிவித்த பிரதி அமைச்சர் ரத்ன கமகே, நாட்டின் பொருளாதாரத்தைக் கட்டியெழுப்புவதில் அமைச்சுகள் தனித்தனியாகச் செயல்படாமல், இவ்வாறு ஒன்றிணைந்து செயல்படுவது காலத்தின் தேவையாகும் என விசேடமாக வலியுறுத்தினார். இந்தத் திட்டத்தை மகத்தான வெற்றியாக மாற்றுவதற்கு கடற்றொழில் அமைச்சு, கைத்தொழில் அமைச்சு, கடற்றொழில் துறைமுகக் கூட்டுத்தாபனம், இலங்கை கடல்சார் தொழில்துறை சம்மேளனம் மற்றும் பேருவளை பலநாள் படகு உரிமையாளர்கள் சங்கம் ஆகிய அனைத்து தரப்பினரும் ஒரே தேசிய நோக்கத்திற்காக கைகோர்த்து செயல்பட வேண்டும் என அறிவுறுத்தினார்.

இந்தக் கலந்துரையாடலில் கடற்றொழில் அமைச்சின் செயலாளர் கலாநிதி பி.கே. கோலித கமல் ஜினதாச, இலங்கை கடற்றொழில் துறைமுகக் கூட்டுத்தாபனத்தின் தலைவர் பி.ஏ.பி. கபில பமுனுஆராச்சி உட்பட கடற்றொழில் அமைச்சு, கைத்தொழில் அமைச்சு மற்றும் கடற்றொழில் துறைமுகக் கூட்டுத்தாபனத்தை பிரதிநிதித்துவப்படுத்தும் சிரேஷ்ட அதிகாரிகள் உள்ளிட்ட குழுவினர் கலந்துகொண்டனர்.

The post பேருவளை புதிய படகு இறங்குத்துறையின் செயற்பாடுகள் கடற்றொழில் துறைமுகக் கூட்டுத்தாபனத்திடம் appeared first on V MEDIA.

நாவலப்பிட்டி, மாப்பகந்த தெற்கு பகுதியில் இன்று இடம்பெற்ற விபத்தில் தாய், மகன் மற்றும் மேலும் ஒரு பெண் உட்பட மூவர் உயிரிழந்துள்ளனர் குறித்த பிரதேசத்தில் பயணித்துக்கொண்டிருந்த முச்சக்கரவண்டி மீது திடீரென பெரிய மரமொன்று முறிந்து விழுந்ததன் காரணமாக இந்த அனர்த்தம் ஏற்பட்டதாக தெரிவிக்கப்படுகிறது.

விபத்தில் முச்சக்கரவண்டியில் பயணித்த மூவர் சம்பவ இடத்திலேயே உயிரிழந்துள்ளதாகவும், காயமடைந்த முச்சக்கரவண்டி சாரதி வைத்தியசாலையில் அனுமதிக்கப்பட்டு சிகிச்சை பெற்று வருவதாகவும் வைத்தியசாலை வட்டாரங்கள் தெரிவித்துள்ளன.

சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றன

The post முச்சக்கரவண்டி மீது மரம் விழுந்ததில் மூவர் உயிரிழப்பு appeared first on V MEDIA.

14 வயது சிறுமி ஒருவரை பாலியல் துன்புறுத்தலுக்கு உட்படுத்தியதாகக் கூறப்படும் சம்பவத்தின் பிரதான சந்தேகநபரான எரகம பகுதியைச் சேர்ந்த மௌலவி ஒருவர் அம்பாறை நீதவான் நீதிமன்றத்தில் சரணடைந்ததைத் தொடர்ந்து விளக்கமறியலில் வைக்கப்பட்டுள்ளார்.

சம்பவத்திற்குப் பின்னர் தலைமறைவாக இருந்த அவர், சட்டத்தரணி ஊடாக நீதிமன்றத்தில் முன்னிலையாகிய நிலையில், அவரை ஜூன் 3ஆம் திகதி வரை விளக்கமறியலில் வைக்க நீதிமன்றம் உத்தரவிட்டது.

இதற்கிடையில், சந்தேகநபருக்கு உதவியதாகக் கூறப்படும் 21 வயதுடைய மற்றொரு மௌலவியும் ஏற்கனவே கைது செய்யப்பட்டு விளக்கமறியலில் வைக்கப்பட்டுள்ளதாக பொலிஸார் தெரிவித்துள்ளனர்.

சம்பவம் தொடர்பான மேலதிக விசாரணைகளை எரகம பொலிஸார் மேற்கொண்டு வருகின்றனர்.

The post 14 வயது சிறுமியை பாலியல் துன்புறுத்தலுக்கு உட்படுத்திய மௌலவி கைது! appeared first on V MEDIA.

மீகொட பகுதியில் நடைபெற்ற வேசாக் தானசாலைக்குள் ஒரு வாடகை கார் (கேப்) மோதி விபத்துக்குள்ளானதில், 15 வயது சிறுமி உட்பட 6 பேர் உயிரிழந்துள்ளனர். மேலும் 7 பேர் காயமடைந்துள்ளனர்.

42 வயதுடைய கார் சாரதி மதுபோதையில் வாகனம் ஓட்டியதாக சந்தேகிக்கப்படுவதாக பொலிஸார் தெரிவித்துள்ளனர்.

விபத்திற்குப் பிறகு அவர் சம்பவ இடத்திலிருந்து தப்பிச் சென்றிருந்தாலும், பின்னர் பொதுமக்கள் மற்றும் பொலிஸாரால் துரத்திச் சென்று கைது செய்யப்பட்டுள்ளார்.

அவிசாவலையிலிருந்து கொழும்பு நோக்கிப் பயணித்த குறித்த வாடகை கார் மக்கள் கூட்டத்தின் மீது மோதியதில், வரிசையிலிருந்த 15, 32 மற்றும் 56 வயதுடைய மூன்று பெண்களும், 35 மற்றும் 38 வயதுடைய மூன்று ஆண்களும் உயிரிழந்துள்ளனர்.

The post வெசாக் தானசாலையில் துயரச் சம்பவம் – 6 பேர் பலி! appeared first on V MEDIA.

மொனராகல – சியம்பலாண்டுவ பிரதான சாலையில் பயணித்துக்கொண்டிருந்த இலங்கை போக்குவரத்து சபைக்கு சொந்தமான பேருந்து ஒன்று இன்று (29.05) வீதியை விட்டு விலகி விபத்துக்குள்ளாகியுள்ளது.

குறித்த பேருந்தில் பயணித்த 26 பயணிகள் காயமடைந்துள்ளதுடன், அவர்கள் மருத்துவமனையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.

இந்த விபத்து தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.

The post மொனராகல – சியம்பலாண்டுவ பகுதியில் பேருந்து கவிழ்ந்து விபத்து! appeared first on V MEDIA.

அம்பாறை பொலிஸ் பிரிவுக்குட்பட்ட டிராக்டர் சந்தி பகுதியில் இடம்பெற்ற கோர விபத்தில் இரு இளைஞர்கள் உயிரிழந்துள்ளனர்.

புத்தங்கல பகுதியில் இருந்து ஹோல்மங்கல நோக்கி பயணித்த டிப்பர் லொறி ஒன்று, பாலிகா சுற்றுவட்டப் பகுதியில் இருந்து அம்பாறை பொது வைத்தியசாலை நோக்கிச் சென்ற முச்சக்கர வண்டியுடன் நேற்று இரவு மோதியதாக தெரிவிக்கப்படுகிறது.

இந்த விபத்தில் முச்சக்கர வண்டியில் பயணித்தவர்கள் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர். அவர்களில் ஒருவர் சிகிச்சை பலனின்றி உயிரிழந்ததாக பொலிஸார் தெரிவித்தனர்.

சம்பவத்துடன் தொடர்புடைய டிப்பர் லொறி சாரதி கைது செய்யப்பட்டுள்ளதுடன், மேலதிக விசாரணைகளை பொலிஸார் முன்னெடுத்து வருகின்றனர்.

The post அம்பாறையில் கோர விபத்து இருவர் பலி! appeared first on V MEDIA.

ஹட்டன் – டிக்கோயா பகுதியில் இடம்பெற்ற வயோதிப தம்பதியினர் கொலைச் சம்பவம் தொடர்பில் கைது செய்யப்பட்ட பிரதான சந்தேகநபரை எதிர்வரும் ஜூன் 2ம் திகதி வரை விளக்கமறியலில் வைக்க நீதிமன்றம் உத்தரவிட்டுள்ளது.

சந்தேகநபர் இன்று (24.05) ஹட்டன் மாவட்ட நீதவான் நீதிமன்றில் முன்னிலைப்படுத்தப்பட்டதைத் தொடர்ந்து இந்த உத்தரவு பிறப்பிக்கப்பட்டது.

டிக்கோயா பிரதான வீதியில் அமைந்துள்ள வர்த்தக நிலையம் ஒன்றில் கடந்த வியாழக்கிழமை (21.05) 85 வயதுடைய எஸ். காளிமுத்து சத்திவேல் மற்றும் அவரது மனைவி 82 வயதுடைய சகுந்தலாதேவி ஆகியோர் கொலை செய்யப்பட்டிருந்தனர். இந்த இரட்டைக் கொலைச் சம்பவம் நாடு முழுவதும் பெரும் பரபரப்பை ஏற்படுத்தியிருந்தது.

சம்பவத்தையடுத்து, குறித்த வர்த்தக நிலையத்திற்கு அருகில் பொருத்தப்பட்டிருந்த சிசிடிவி கமரா காட்சிகளை அடிப்படையாகக் கொண்டு பொலிஸார் விசாரணைகளை தீவிரப்படுத்தினர்.

அதன் பின்னர், சம்பவத்துடன் தொடர்புடையதாகக் கருதப்படும் பிரதான சந்தேகநபர், பொகவந்தலாவ – பெற்றசோ பகுதியில் உள்ள வீடொன்றில் மறைந்து இருந்த நிலையில் கடந்த 23 ஆம் திகதி மாலை கைது செய்யப்பட்டார்.

சம்பவம் தொடர்பான மேலதிக விசாரணைகளை பொலிஸார் தொடர்ந்து மேற்கொண்டு வருகின்றனர்.

The post வயோதிப தம்பதியினர் கொலை வழக்கில் பிரதான சந்தேகநபருக்கு விளக்கமறியல்! appeared first on V MEDIA.

நிட்டம்புவ-ருவன்வெல்ல வீதியில் நேற்று (21.05) மதியம் முச்சக்கரவண்டி கவிழ்ந்து ஏற்டபட்ட விபத்தில் கோனகல பகுதியை சேர்ந்த மூன்று மாதக் குழந்தை ஒன்று பரிதாபமாக பலியானதாக பொலிஸார் தெரிவித்துள்ளனர்.

முச்சக்கரவண்டி ஓட்டுநர் கட்டுப்பாட்டை இழந்ததால் வாகனம் கவிழ்ந்ததாக பொலிஸார் மேலும் தெரிவித்துள்ளதுடன், கவயீனமாக வாகனம் செலுத்தியதால் ஓட்டுநர் தற்போது பொலிஸாரால் கைது செய்யப்பட்டுள்ளார்.

The post முச்சக்கரவண்டி விபத்தில் மூன்று மாதக் குழந்தை பலி! appeared first on V MEDIA.

The post கொக்கடிச்சோலை – அம்பிளாந்துறை வீதி அபிவிருத்தித் திட்டப் பணிகள் ஆரம்பம்! appeared first on V MEDIA.

பலத்த மழை காரணமாக அத்தனகலு ஓயா ஆற்றின் நீர்மட்டம் உயர்ந்து, சிறிய அளவிலான வெள்ளப் பெருக்கு அபாயம் ஏற்பட்டுள்ளதாக நீர்ப்பாசனத் திணைக்களம் தெரிவித்துள்ளது.

நேற்று இரவு முதல் பெய்து வரும் கனமழையால் சில பகுதிகளில் 200 முதல் 300 மில்லிமீட்டர் வரை மழைவீழ்ச்சி பதிவாகியுள்ளது.

இதனால் கம்பஹா, கந்தானை மற்றும் வத்தளை தாழ்நிலப் பகுதிகள் வெள்ளத்தில் மூழ்கும் அபாயம் உள்ளதாக அதிகாரிகள் எச்சரித்துள்ளனர்.

பொதுமக்கள் வானிலை மற்றும் வெள்ள நிலைமைகள் குறித்து தொடர்ந்து அவதானமாக இருக்குமாறும் அறிவுறுத்தப்பட்டுள்ளது.

The post அத்தனகலு ஓயா ஆற்றின் நீர்மட்டம் உயர்வு – பொதுமக்களுக்கு அறிவுரை! appeared first on V MEDIA.