கதிர்காமம், மாணிக்க கங்கை அருகில், அரசாங்க ஒதிக்கீட்டு காணியில் அமைக்கப்பட்டுள்ள சொகுசு மாளிகை யாருடையது என பலர் மத்தியிலும் கேள்வி எழுந்துள்ளது. தற்போது கைவிடப்பட்ட நிலையில் உரிமையாளரின்றி இந்த கட்டடம் காணப்படுகிறது. குற்றப்புலனாய்வயு துறையினர் இந்த கட்டிடம் தொடர்பில் விசாரணைகளை மேற்கொண்டு வருகின்றனர்.

இந்த கட்டடத்துக்கான மின் இணைப்பு G.ராஜபக்ஷ எனும் நபரின் பெயரில் காணப்படுகிறது. இந்த நிலையில் முன்னால ஜனாதிபதி கோட்டபாய ராஜபக்ஷவிடம் விசாரணை மேற்கொண்ட வேளையில் அதனை அவர் மறுத்திருந்தார்.தற்போது யார் அந்த G.ராஜபக்ஷ என்ற கேள்வியெழுந்துள்ளது. ஆளடையாளமின்றி மின் இணைப்பு வழங்கப்பட்டுள்ளதாக என கேள்வியும் எழுகிறது.

இந்த கட்டடம் பாதுகாப்பு படையினரை வைத்து அமைக்கப்பட்டதாக தகவல்கள் கூறுகின்றன என ஊடகம் ஒன்று செய்தி வெளியிட்டுள்ளது.

The post மாணிக்க கங்கை அருகில் கைவிடப்பட்ட மாளிகை? appeared first on V MEDIA.

பழைய அரசியல்வாதிகளை மீண்டும் கொண்டு பதவிக்கு கொண்டு வருவதால் எந்தவொரு மாற்றமும் நிகழாதென தமிழர் விடுதலைக் கூட்டணியின் உப தலைவர் கணேசநாதன் சபேசன் தெரிவித்துள்ளார். அது மாற்றமில்லை எனவும் அவர் சுட்டிக்காட்டியுள்ளார்.

இன்றைய தினம் (10.11)ஞாயிற்றுக்கிழமை காலை 10.30 மணியளவில், மன்னார் தனியார் விடுதியொன்றில் இடம் பெற்ற ஊடகவியலாளர் சந்திப்பின் போதே அவர் இவ்வாறு தெரிவித்தார்.

இங்கு அவர் மேலும் தெரிவிக்கையில்,

இந்த நாட்டைக் கட்டியெழுப்புவதற்கு ஊழலற்ற ஒரு நல்ல ஜனாதிபதி எமக்குக் கிடைத்துள்ளார். ஆகவே நாமும் அவருடன் சேர்ந்து மாற்றத்துக்காக வேலை செய்யவேண்டும். அந்த வகையில் வன்னித் தேர்தல் தொகுதியில் 9 வேட்பாளர்களைக் களமிறக்கியுள்ளோம்.

“காலம் காலமாக ஒவ்வொரு பாராளுமன்றத் தேர்தலிலும் பழைய அரசியல்வாதிகள். தான் தொடர்ந்தும். வந்துகொண்டு இருக்கிறார்கள்.”இன்றைக்கு மன்னார் மாவட்டத்தை எடுத்துகொண்டால், அடைக்கலநாதன், ரிஷார்ட், போன்றோர் தொடர்ந்து 20, 30 வருடங்களாகத் தங்களுக்கே எழுதிக் கொடுத்தது போன்று மீண்டும் மீண்டும் பதவிக்கு வந்து கொண்டிருக்கிறார்கள்”.

“அவர்கள் தாங்கள் செய்யும் சட்டவிரோதத் தொழில்களைக். காப்பாற்றிக் கொள்ளத்தான் இவ்வாறு தங்கள் பதவிகளைத் தக்கவைத்துக் கொள்கிறார்களோ என்று சந்தேகிக்கத் தோன்றுகிறது.”

“இன்று சுமந்திரன், டக்ளஸ் தேவானந்தா, ரிஷார்ட் பதியுதின் ஆகியோர் தாங்கள் இந்தமுறை தேர்தலில் வென்றால், ஜனாதிபதியுடன் பேசி அமைச்சுப் பதவிகளை எடுப்போமென்று, சொல்லிக் கொள்கிறார்கள். “ஆனால், ஜனாதிபதி கடைசிவரைக்கும் அவர்களுக்கு அமைச்சுப் பதவிகளைக் கொடுக்கப் போவதில்லை.”

அவர்களுடைய பொய் வார்த்தைகளை நம்பி அவர்களுக்கு வாக்களிக்கக் கூடாதென மன்னார் மக்களிடம் கோரிக்கை வைப்பதாக தெரிவித்தார்.

இந்த ஊடக சந்திப்பில் கருத்துத் தெரிவித்த தமிழர் விடுதலைக் கூட்டணியின் செயலாளர் நாயகம் வீரசிங்கம் ஆனந்த சங்கரி,

“மீண்டும் மீண்டும் பாராளுமன்ற உறுபினர்களாக. வந்தவர்கள் மக்களுக்கு என்ன செய்தார்கள்?அவர்கள் கையும் சுத்தமில்லை. இதயமும் சுத்தமில்லை.”

“எத்தனையோ கொலைகள் கொள்ளைகள் நடந்துள்ளது.அவற்றை நான் குறிப்பிட விரும்பவில்லை. இப்போது எல்லோரும் உத்தமர்களாகி விட்டார்கள். நான் இன்றுவரை பொய் சொன்னது கிடையாது. களவெடுத்தது கிடையாது.மக்களை ஏமாற்றி லஞ்சம் வாங்கியது கிடையாது. ஆனால் என்னைத் துரோகி என்கிறார்கள்.”

“ஒவ்வொரு வேட்பாளர்களும் தங்கள் வரலாறுகளைத் திரும்பிப் பார்க்க வேண்டும். மக்களுக்குத் தெரியும் இந்த நாட்டிற்குத் துரோகம் இழைத்தவர்கள் யாரென, எனவே மக்கள் சிந்தித்தால் சரியானவர்களைத் தெரிவு செய்வார்களென்றார்.

தமிழர் விடுதலைக் கூட்டணியின் உப தலைவர் கணேசநாதன் சபேசனால் ஒழுங்கு செய்யப்பட்ட குறித்த ஊடகவியலாளர் சந்திப்பில், கட்சியின் மன்னார் மாவட்ட வேட்பாளர்கள், முத்துகிருஷ்ணன் பெருமாள், செல்வதேவா செல்ரன் மற்றும் கட்சியின் ஆதரவாளர்கள் பங்கேற்றனர்.

ரோகினி நிஷாந்தன்
மன்னார் செய்தியாளர்

The post மாற்றமென்பது பழையவர்களை மீண்டும் வெல்ல வைப்பதல்ல -தவி.கூ சபேசன். appeared first on V MEDIA.

“என்னை பற்றி எதுவேணும் என்றால் சொல்லுங்கள். என்ன பெயர் வைத்து என்னவென்றாலும் சொல்லுங்கள். அதனை நான் பார்த்துக்கொள்வேன். கணக்கெடுக்க மாட்டேன். ஆனால் நான் பிரதிநித்துவம் செய்யும் மக்களை, இனத்தை, சமூகத்தை, யாரும் அவமானபப்டுத்தினால் சும்மா இருக்க மாட்டேன். நான் பொறுத்துக்கொண்டு இருக்க மாட்டேன்” என தமிழ் முற்போக்கு கூட்டணியின் தலைவரும் பாராளுமன்ற உறுப்பினருமான மனோ கணேசன் எச்சரிக்கை விடுத்துள்ளார்.

இன்று(28.08) ஜனனநாயக மக்கள் முன்னணியின் கண்டி மாவட்ட செயற்குழு உறுப்பினர்களுக்கான நியமனக்கடிதம் வழங்கும் நிகழ்வு கொழும்பில் நடைபெற்ற வேளையில் இந்த கருத்தை அவர் வெளியிட்டார். ஜனநாயக மக்கள் முன்னணியின் கண்டி மாவட்ட பாராளுமன்ற உறுப்பினர் வேலுகுமார் ஜனாபதி ரணில் விக்ரமசிங்கவுக்கு ஆதரவு வழங்கியுள்ள நிலையில் இந்த நியமனங்கள் வழங்கப்பட்டுள்ளன.

கண்டி மாவட்ட தலைவராக விஷ்வா என அழைக்கப்படும் விக்னேஸ்வரன், செயலாளராக குலேந்திரன் கணேசன், பொருளாளராக முத்தையா கிருஷ்ணகுமார், செயற்குழு உறுப்பினராக மகாலிங்கம் கருப்பன் ஆகியோர் நியமிக்கப்பட்டனர். அத்தோடு ஜனநாயக மக்கள் முன்னணியின் செயற்குழு உறுப்பினர் சுப்பரணியம் சசிகுமார் கண்டி மாவட்ட செயற்குழுவுக்கும், கட்சி தலைமைக்குமான இணைப்பாளராக நியமிக்கப்பட்டுள்ளார். குறித்த நிகழ்வில் ஜனநாயக மக்கள் முன்னணியின் பிரச்சார செயலாளரும், ஐக்கிய மக்கள் கூட்டணியின் தெரணியகலை அமைப்பாளருமான முருகேசு பரணீதரனும் கலந்து கொண்டனர்.

“கண்டி மாவட்ட தமிழ் பாரளுமன்ற பிரதிநிதித்துவம் நாம் கடும் பாடுபட்ட போராடி பெற்ற ஒரு நியாயமான பிரதிநிதித்துவம் ஆகும். இதை எவரும் தனிப்பட்ட ரீதியில் உரிமை கொள்ள இயலாது. இது கண்டி மாவட்ட ஒட்டு மொத்த தமிழ் மக்களுக்கும் உரித்தானது. கண்டியிலுள்ள முஸ்லிம், சிங்கள நண்பர்களும் கைகொடுத்த இந்த பிரதிநிதித்துவத்தை பெற்றுக்கொடுத்தனர். 2010 ஆம் ஆண்டு நடைபெற்ற அனர்த்தம் மூலம் விழிப்படைந்து 2015 ஆம் ஆண்டு வாக்களித்து இதனை வழங்கினார்கள். கண்டி மாவட்ட தமிழ் மக்கள் வீரநடை போடுகின்றனர். எந்தவொரு சதிகார சக்தியும், விலைபோகும் சக்தியும் அதனை தடுத்து விட முடியாது. கண்டி மக்களின் சொத்து இது. கண்டி மக்கள் சார்பாக பாராளுன்றம் அடங்கலாக மாகாண சபை, உள்ளூராட்சி சபைகளில் தமிழ் மக்களின் குரல் ஓங்கி ஒலிக்க வேண்டும். கட்சியை விட்டு போனவர்கள் உருப்பட்டதாக சரித்திரமில்லை. முடிந்தவற்றை விட்டு நடக்கபோவதனை கதைப்போம்” என மனோ கணேசன் குறித்த நிகழ்வில் மேலும் கூறினார்

“ஜனாதிபதி தேர்தலில் தமிழ் முற்போக்கு கூட்டணி சஜித் பிரேமதாசாவுக்கு ஆதரவு வழங்குகிறது. நிச்சயம் அவர் வெற்றி பெறுவார். அதில் கண்டி மாவட்ட மக்களின் பிரதிநிதித்துவம் இருக்கும்” எனவும் மனோ மேலும் தெரிவித்தார்.

“இலங்கை வரலாற்றில் பல சண்டை சச்சரவுகள் இடம்பற்றுள்ளன. இனியும் நடைபெறும் என்றே எதிர்பார்க்கிறேன். பாரளுமன்றத்திலும் இவ்வாறு நடைபெற்றது. ஊடக நிகழ்வுகளிலும் நடைபெறுகின்றன. இதுவல்ல பிரச்சினை. இவற்றில் அவதானம் செலுத்த வேண்டாம். கட்சி மாறுவார்கள் பற்றி பேசவேண்டும். கட்சிக்கும், மக்களுக்கும் துரோகங்கள் செய்பவர்களை பற்றி பேசுங்கள். விலை போனவர்கள் பற்றி பேசுங்கள். இதனை திரை போட்டு அந்த விடயங்களை மறைக்காதீர்கள்” என பாராளுமன்ற உறுப்பினர்களான வேலுக்குமார்-திகாம்பரம் மோதல் தொடர்பில் மனோ கணேசன் வேண்டுகோள் விடுத்தார்.

The post எனது இனத்தை இழிவுபடுத்தினால் பார்த்துக்கொண்டு இருக்கமாட்டான் – மனோ MP appeared first on V MEDIA.

வவுனியாவில் மன்னாரிலும் வைத்தியசாலைகளில் கடமையாற்றும் வைத்தியர்கள், வெளிநாடுகளில் பட்டம் பெற்றவர்கள் என்றும், அவர்கள் இலங்கையில் உயர்தர கல்வியில் சித்தியாகவில்லை எனவும் வட மாகாண சுகாதர திணைக்களத்திடம் தகவல் அறியும் சட்டம் மூலம் பெறப்பட்ட அறிக்கையை அடிப்படையயாக வைத்து சமூக வலைத்தளங்களில் தகவல்கள் பரப்பப்பட்டு வருகின்றன. இந்த விடயம் தொடர்பில் உயர்கல்வி இராஜாங்க அமைச்சர் சுரேன் ராகவனிடம் வி மீடியா பணிப்பாளர் விமல் கருத்து கோரியிருந்தார். அதற்கு கீழ்வருமாறு அவர் பதில் வழங்கியிருந்தார்,

வைத்தியர் ஒருவர் இலங்கை மருத்துவ சங்கத்தில் பதிவு செய்யப்பட்டிருக்க வேண்டும். அவருக்கு அனுமதி கிடைத்திருக்க வேண்டும். அவர் எங்கு படித்தார் என்பது எமக்கு கவலையில்லை. அவர் படித்த கல்லூரி உலக புத்தகத்தில் இருக்க வேண்டும். உதாரணமாக ரஸ்சியாவில் ஒருவர் படிக்கிறார் என்றால், அவர் கற்கும் பலக்லைக்கழகம், உலக பல்கலைக்கழக புத்தகத்தில் உள்ளதாக என்பதே முக்கியம். அவருக்கு அனுமதியை நாம் வழங்குவோம். அவர் கற்று திரும்பியதும் இலங்கை மருத்தவர் சங்கம் ஏற்றுக்கொள்ள வேண்டும். ஏற்றுக்கொண்ட பிறகு ஒரு வருடத்துக்கான பயிற்சி இங்கே வழங்கப்படும். அதன் பின்னர்தான் அவர்கள் சேவையாற்ற முடியும்.

உயர்தரம் இருந்ததோ இல்லையோ என்பது இங்கே கேள்வியல்ல. இவர்கள் தரமான கல்வி கற்றார்களா என்பதே முக்கியம். உயர்தரம் என்பது எமது நாட்டில் ஒருவரின் வாழக்கையை திசை திருப்பும் ஒரு திருப்பு முனையாக காணப்படுகிறது. உயர்தத்தில் 3 A எடுத்த கொழும்பு மாவட்ட பிள்ளைகள் பலர் மருத்துவம் படிக்கச் இயலாமல் காணப்படுகின்றனர். அவர்களுக்கு நாம் என்ன சொல்லப்போறம் என கேள்வி எழுப்பினார்.

The post A/L சித்தியடையாத வைத்தியர்கள் சர்ச்சை- உயர்கல்வி இராஜாங்க அமைச்சரின் பதில் appeared first on V MEDIA.

இலங்கை பாரளுமன்றத்தில் நேற்று(20.10) இராஜாங்க அமைச்சர் டயானா கமகே, ஐக்கிய மக்கள் சக்தி பாராளுமன்ற உறுப்பினர் சுஜித் சஞ்சய பெரேரா ஆகியோருக்கு இடையில் ஏற்பட்ட மோதல் சம்பவம் கைகலப்பில் நிறைவடைந்தது. இதனை தொடர்ந்து பாராளுமன்றம் 10 நிமிடங்களுக்கு ஓத்தி வைக்கப்பட்து. அதன் பின்னர் சபாநாயர்க் இந்த சம்பவம் தொடர்பில் விசாரணை செய்ய உப சபாநாயகர் தலைமையில் குழு ஒன்றை நியமனம் செய்துள்ளார்.

இவ்வாறன நிலையில் நேற்று இரவு கொழும்பு, ஜெயவர்தனபுர வைத்தியசாலையில் இராஜாங்க அமைச்சர் டயானா கமகே அனுமதிக்கப்பட்டுள்ளார் என தகவல்கள் வெளியாகியுள்ளன. பாராளுன்றத்தில் நடைபெற்ற தாக்குதலில் காயமடிந்ததாக தெரிவித்து அனுமதிக்கப்பட்டுள்ளதாக அறிய முடிகிறது.

பாரளுமன்றத்தில் டயானா கமகே மீது தாக்குதல் நடத்தப்பட்டதாக கூறப்படும் வீடியோ சமூக வலைத்தளங்களில் வெளியாகி அதிகமாக பகிரப்பட்டு வருகின்றது.

The post இராஜாங்க அமைச்சர் டயானா கமகே வைத்தியசாலையில் அனுமதி appeared first on V MEDIA.

மட்டக்களப்பு மயிலாடுதுறை விகாரை கட்டுமானப்பணிகள் ஜனாதிபதியின் கட்டளையை தொடர்ந்து நிறுத்தப்பட்டது. அங்கே அமைக்கப்பட்டிருந்த புத்தர் சிலையும் அகற்றப்பட்டிருந்தது. இவ்வாறான நிலையில் அந்த விகாரைக்கு செல்ல முற்பட்ட சர்ச்சைக்குரிய பிக்கு பொலிஸ் உத்தோயோகஸ்தரினால் தடுக்கப்பட்டார். அதன் போது குறித்த பிக்கு கடுமையான வார்த்தை பிரயோகங்களை மேற்கொண்டார்.

குறித்த பகுதியில் மேற்கொள்ளப்பட்ட சிங்கள குடியேற்றங்களை அகற்றுமாறும் ஜனாதிபதி உத்தரவிட்டுள்ள நிலையில் அங்கு இராணுவ மற்றும் விசேட அதிரடிப்படையினரின் பாதுகாப்பு பலப்படுத்தப்பட்டுள்ளது.

பொலிஸ் உத்தியோகஸ்தருக்கும், பிக்குவுக்குமிடையிலான சம்பாசனை தமிழில்

“விகாரைக்கு செல்ல வேண்டாம் என எப்படி சொல்வீர்கள்? எனக்கு செல்ல வேண்டும். இந்த ஆடைக்கு மரியாதை கொடுங்கள். நான் விகாரைக்கு செல்ல வேண்டும்.

பொலிஸ் – நாங்கள் உங்கள் ஆடைக்கு மதிப்பளிக்கிறோம், எனினும் இப்போது விகாரைக்கு செல்ல வேண்டாம். அங்கு ஒரு சிக்கல் இருக்கிறது.

பிக்கு – என்ன சிக்கல்?

பொலிஸ் – அது உங்களுக்கும் தெரியும் எனக்கும் தெரியும்..

பிக்கு – ஏன் ராணுவம் புத்தர் சிலையை திருட போகிறதா? சாணக்கியனின் ஆணைக்கும், ஜனாதிபதியின் தீர்ப்புக்கும் அடிபணிந்து சிங்கள விகாரையை மூடி, புத்தர் சிலை எடுத்து செல்கிறார்கள். இதை செய்வதற்கு கீழ்த்தரமான செயல்களை செய்யலாம். நாட்டிற்கு சொல்வோம், இவர்கள் செய்வதை. இனக்குழு கிழக்கிற்கு எதுவும் செய்ய முடியாது. இது நல்ல கதை

பொலிஸ் – விவசாயிகள் செல்கிறார்கள் நீங்களும் செல்லலாம். ஆனால் விகாரைக்கு அல்ல.

The post மயிலாடுதுறை பிக்குவின் அடாவடி. ஜனாதிபதி, சாணக்கியன் MP ஆகியோருக்கு எதிராக விசனம். appeared first on V MEDIA.

மன்னார் மாவட்டத்தின் பிரசித்தி பெற்ற தேசிய பாடசாலைகளில் ஒன்றான மன்/புனித சவேரியார் ஆண்கள் கல்லூரியின் 2022 ஆண்டுக்கான சாதனையாளர் கௌரவிப்பு நிகழ்வு மன்/புனித சவேரியார் ஆண்கள் கல்லூரியின் அதிபர் அருட்சகோதரர் சந்தியாகு தலைமையில் பாடசாலை மைதானத்தில் இன்று (12/10)வியாழக்கிழமை மதியம் 2 மணியளவில் இடம் பெற்றது.

இந்த நிகழ்வில் பிரதம விருந்தினராக கடற்றொழில் மற்றும் நீரியல் வள அமைச்சர் டக்ளஸ் தேவானந்தா கலந்துகொண்டு உரையாற்றினார். சிறப்பு விருந்தினர்களாக மன்னார் மறைமாவட்ட குரு முதல்வர் S.கிறிஸ்து நாயகம் அடிகளார், கெளரவ விருந்தினர்களாக மன்னார் வலயக்கல்வி பணிப்பாளர் செல்வி. G.D. தேவராஜா ,வடமாகாண டிலாசால் அருட்சகோதரர் சபையின் இணைப்பாளர் அருட் சகோதரர் ஸ்ரனிஸ்லோஸ் மற்றும் பாடசாலை முன்னாள் அபிவிருத்தி சங்கச் செயலாளர் திரு S. டீன்ஸன் உட்பட பலர் கலந்து கொண்டனர்.

விருந்தினர்கள் வாத்தியங்களுடன் கூடிய ஆசிரிய மாணவர்களின் அணிவகுப்பு நடையோடு கோலாகலமாக மேடைக்கு அழைத்து வரப்பட்டனர்.

2022 ஆம் ஆண்டு தேசிய கல்வி அமைச்சு உட்பட வலய மட்டம்,மாகாண மட்டம் தேசிய மட்டம் உள்ளடங்கலாக விளையாட்டு,கல்வி மற்றும் இணைப்பாடவிதான செயற்பாடுகளில் சாதனை படைத்த மாணவர்கள்,சான்றிதழ்கள்,பதக்கங்கள் மற்றும் வெற்றி கிண்ணங்கள் வழங்கிக் கௌரவிக்கப்பட்டனர்.

வெற்றி பெற்ற மாணவர்கள் தங்களுடைய பெற்றோருடன் மேடைக்கு வந்து சான்றிதழ்கள் மற்றும் ஆசி பெற்றுச் சென்றனர்.

குறிப்பாக கடந்த வருடம் புலமைப்பரிசில் பரீட்சையில் வெட்டுப்புள்ளிகள் அதிகம் பெற்று சித்தியடைந்த மாணவர்கள் மற்றும் உயர்தர பரீட்சையில் 3A தர சித்தி பெற்ற மாணவர்கள்,சாதாரண தர பரீட்சையில் 9A தர சித்தி பெற்று சாதனை புரிந்த மாணவர்களுக்கான கெளரவிப்பும் இடம் பெற்றது.

அத்துடன் கடந்த வருடம் ஜனாதிபதி சாரணர் விருது,சுற்றாடல் தின நிகழ்வு உட்பட தேசிய மட்டத்தில் இடம்பெற்ற உதைபந்தாட்ட போட்டியில் இரண்டாம் இடத்தை பெற்ற மாணவர்களும் விருந்தனர்களால் கெளரவிக்கப் பட்டமை சுட்டிக்காட்டத்தக்கது.

The post மன்னார் புனித சவேரியார் பாடசாலையின் சாதனையாளர் கௌரவிப்பு. appeared first on V MEDIA.

மலையக மக்கள் இலங்கைக்கு வருகை தந்து 200 வருடங்கள் கடந்துள்ள நிலையில், அம்மக்கள் நாட்டுக்கு ஆற்றிய சேவையை பாராட்டியும், அவர்களை கௌரவிக்கும் வகையிலும் ‘நாம் – 200’ நிகழ்வின் அறிமுகவிழாவும், சின்னம் வெளியீடும் இன்று (05.10) நடைபெற்றது.

இலங்கை தொழிலாளர் காங்கிரஸின் பொதுச்செயலாளரும், நீர்வழங்கல் மற்றும் தோட்ட உட்கட்டமைப்பு வசதிகள் அபிவிருத்தி அமைச்சருமான ஜீவன் தொண்டமானின் ஏற்பாட்டில், பிரதமர் தினேஷ் குணவர்தன தலைமையில் இதற்கான நிகழ்வு இடம்பெற்றது.

நீர்வழங்கல் மற்றும் தோட்ட உட்கட்டமைப்பு அமைச்சில் நடைபெற்ற நிகழ்வில் நீர்வழங்கல் இராஜாங்க அமைச்சர் சனத் நிஷாந்த, இலங்கை தொழிலாளர் காங்கிரஸின் தலைவரும், கிழக்கு மாகாண ஆளுநருமான செந்தில் தொண்டமான், இலங்கை தொழிலாளர் காங்கிரஸின் தவிசாளரும், நுவரெலியா மாவட்ட பாராளுமன்ற உறுப்பினருமான எம்.ராமேஷ்வரன், இலங்கை தேசிய தோட்ட தொழிலாளர் சங்கத்தின் பொதுச் செயலாளரும், பதுளை மாவட்ட பாராளுமன்ற உறுப்பினருமான வடிவேல் சுரேஷ், இந்திய உயர்ஸ்தானிக்கராலயத்தின் விசேட பிரதிநிதியாக எல்டோஸ், அமைச்சின் செயலாளர் எஸ்.சமரதிவாகர, பெருந்தோட்ட மனிதவள அபிவிருத்தி நிதியத்தின் தலைவர் உட்பட அதிகாரிகள், தேசிய நீர்வழங்கல் மற்றும் வடிகாலமைப்பு சபையின் தலைவர் உட்பட அதிகாரிகள், அமைச்சின் அதிகாரிகள், இலங்கை தொழிலாளர் காங்கிரஸின் உயர்மட்ட உறுப்பினர்கள், பெருந்தோட்ட கம்பனிகளுடைய நிறைவேற்று அதிகாரிகள், வர்த்தக பிரமுகர்கள் என பலரும் கலந்துகொண்டனர்.

மலையக மக்கள் இலங்கைக்கு வருகை தந்து 200 வருடங்கள் கடந்துள்ள நிலையில், அம்மக்கள் நாட்டுக்கு ஆற்றிய சேவையை பாராட்டியும், அவர்களை கௌரவிக்கும் வகையிலும் நீர்வழங்கல் மற்றும் தோட்ட உட்கட்டமைப்பு வசதிகள் அபிவிருத்தி அமைச்சால் பல வேலைத்திட்டங்கள் முன்னெடுக்கப்பட்டு வருகின்றன.

இதன் ஓர் அங்கமாக முன்னெடுக்கப்பட்டுள்ள ‘நாம் – 200’ திட்டமானது, மலையக பெருந்தோட்ட மக்களின் கலை, கலாச்சார, பண்பாட்டு விழுமியங்களை பிரதிபலிக்கும் வகையில் அமையவுள்ளது.

இலங்கையில் தமிழர்கள் என்றதும் வடக்கு கிழக்கு தமிழர்களை மட்டுமே எல்லோரும் தமிழர்களாக கருதுவதாகவும், மலையக தமிழர்களும் அதற்குள் அடங்க வேண்டும் எனவும் ஆனால் இங்கே அவ்வாறான நிலை இல்லை எனவும் அமைச்சர் ஜீவன் தொண்டமான் தனது உரையில் கவலை வெளியிட்டுள்ளார்.

இந்த நிகழ்வு ஏன் என பலர் கேள்வியெழுப்புவதாக தெரிவித்த ஜீவன், மலையயை மக்ளுக்கான ஒரு அடையாளமாக இந்த நிகழ்வு அமையுமென தனது உரையில் கூறினார். மலையக மக்கள் 15 இலட்சம் பேர் இலங்கையில் வாழ்கின்றனர். இவர்களில் ஒரு இலட்சத்து 50 ஆயிரம் பேர் மட்டுமே தோட்ட தொழிலார்களாக வாழ்கின்றனர். ஏனையோர் பல உயர் பதவிகளில், உயர் நிலைகளில் காணப்படுகின்றனர். கடந்த வருடங்களில் நாம் முன்னேற்றங்களை அடைந்து விட்டோம்” எனவும் ஜீஎவன் தொண்டமான் மேலும் தெரிவித்துள்ளார்.

“26 வயதில் பாராளுமன்றம் சென்றேன். கடந்த காலங்களில் நாட்டின் நிலை காரணமாக மக்களுக்கு எதுவும் செய்யமுடியவில்லை என அதிருப்தியடைந்தேன். தற்போது 28 வயது. அமைச்சராக தற்போது பதவி வகிக்கிறேன். இனி வரும் காலங்களில் மக்களுக்காக வேலை செய்யும் வாய்ப்பு உருவாகியுள்ளது.

எமது கோரிக்கையை ஏற்று ஜனாதிபதி வரவு செலவு திட்டத்தில் 8000 மில்லியன் ரூபாய்களை மலையக உட்கட்டமைப்புக்காக வழங்க சம்மதம் வழங்கியுள்ளார். கடந்த காலங்களில் 3000 மில்லியன் ரூபாய்களில் வீட்டு கடன்களை கட்டவே 2500 மில்லியன் ரூபா முடிந்து விட்டது” எனவும் தெரிவித்திருந்தார்.

வீடுகளை கட்டுவது மட்டுமல்ல அபிவிருத்தி. வருமானத்தை அதிகரித்து அவர்கள் சுயமாக வாழக்கூடிய நிலையை உருவாக்குவது, சமூக மேம்பாடு என்பனவே அபிவிருத்தி எனவும் ஜீவன் கூறினார்.

இந்த நிகழ்வுக்கு சகல மலையக தலைவர்களுக்கும் கட்சிகளுக்கும் அழைப்பு விடுத்த போதும், பாராளுமன்ற உறுப்பினர் வடிவேல் சுரேஷை தவிர வேறு யாரும் கலந்து கொள்ளவில்லை எனவும், எமக்குள் ஒற்றுமை இல்லாவிட்டால் எவ்வாறு எம் மக்களின் முன்னேற்றுக்கு உழைக்க முடியுமெனவும் ஜீவன் தொண்டமான் கவலை வெளியிட்டார்.

The post நாம் – 200′ நிகழ்வின் அறிமுகவிழாவும், சின்னம் வெளியீடும் appeared first on V MEDIA.

கம்பனி காடையர்களை கட்டுக்குள்  கொண்டு வாருங்கள் என பெருந்தோட்ட அமைச்சர் ரமேஷ் பத்திரனவிடம் தமிழ் முற்போக்கு கூட்டணி தலைவரும் பாரளுமன்ற உறுப்பினருமான மனோ கணேசன் கோரிக்கை விடுததுள்ளார்.

“பொலிஸ்காரர்களை போலவும், நீதிமன்ற கட்டளை இருப்பதாகவும் நடித்து அப்பாவிகளின் வீட்டை உடைக்கும் காடையர்கள் இவர்கள் என சற்றுமுன் பெருந்தோட்ட அமைச்சர் ரமேஷ் பத்திரணவிடம் சொன்னேன். கம்பனி காடையர்களை கட்டுக்குள்  கொண்டு வாருங்கள்” என தமிழ் முற்போக்கு கூட்டணி தலைவர் மனோ கணேசன்,  பெருந்தோட்ட அமைச்சர் ரமேஷ் பத்திரணவிடம் கூறியுள்ளார். 

இரத்தினபுரி காவத்தை பிளான்டேசன் வெள்ளந்துரை தோட்டத்தில் நடைபெற்ற சம்பவம் தொடர்பில்  மனோ எம்பி மேலும் கூறியதாவது; 

 
ஒவ்வொருமுறையும் சம்பவம் நடக்கிறது. நாம் கேள்வி எழுப்புகிறோம். நீங்கள் பதில் கூறுகிறீர்கள். அல்லது ஒரு அரசாங்க அரசியல்வாதியை அங்கே அனுப்பி அதன் பின் ஒளிந்து கொள்கிறீர்கள். இதற்கு தீர்வுதான் என்ன? என்று மேலும் பெருந்தோட்ட அமைச்சர் ரமேஷ் பத்திரணரிடம் கேட்டேன்.

The post தோட்ட தொழிலாளர்களின் வீடு உடைப்பு; மனோ கண்டனம் – வீடியோ appeared first on V MEDIA.

நாட்டை, உலகை திரும்பி பார்க்க வைக்கும் மலையக தமிழன் என்று சொல்லுங்கள். தடை செய்யப்பட்ட வார்த்தை பிரயோகம் வேண்டாம் என தமிழ் முற்போக்கு கூட்டணி தலைவர் மனோ கணேசன், கிரிகட் வீரர் முத்தையா முரளிதரனை நோக்கி கூறியுள்ளார். 

கிரிகட் வீரர் முத்தையா முரளிதரனின் வாழ்க்கை சரிதம் என்ற அடிப்படையில் வெளிவர உள்ள முன்னோட்ட காணொளியில் இடம்பெறும் சர்ச்சைக்குரிய சொற்பிரயோகம் தொடர்பில் மனோ எம்பி வெளியிட்டுள்ள வீடியோவில் இந்த விடயத்தை கூறியுள்ளார்.
  

“இந்நாட்டு இந்திய வம்சாவளி மலையக தமிழர் மத்தியில்,  தடை செய்யப்பட்ட  வார்த்தையை உங்கள் பட முன்னோட்ட “ட்ரேலரில்” பயன்படுத்த வேண்டாம். அந்த வார்த்தையை நானே நேரடியாக தடை செய்து காட்டியுள்ளேன்.

கதையம்சத்துக்கு தேவை என என்னிடம் கதைவிட வேண்டாம். நானே ஒரு கதாசிரியர். எனக்கு இது தெரியும்.

அந்த இடத்தில் “நாட்டை திரும்பி பார்க்க வைத்த மலையக தமிழன்” என்று போடுங்கள். சரியாக வரும்” என பாரளுமன்ற உறுப்பினர் மனோ கணேசன் கூறியுள்ளார்.  

The post முரளியின் திரைப்பட வசனம் தொடர்பில் மனோ அதிருப்தி appeared first on V MEDIA.