அம்பாறை, சம்மாந்துறை பொலிஸ் பிரிவிற்குட்பட்ட வீடொன்றில் நடத்தப்பட்ட துப்பாக்கிச் சூட்டில் நபரொருவர் உயிரிழந்துள்ளார்.
நேற்று இரவு(16.09) இந்த சம்பவம் இடம்பெற்றுள்ளதாக பொலிஸார் தெரிவித்துள்ளனர்.
சகோதரர்களுக்கு இடையில் ஏற்பட்ட துப்பாக்கி பிரயோகத்தில் பக்கீர் முகையதீன் றோஜான் எனும் 28 வயதுடைய நபர் சம்பவ இடத்திலேயே உயிரிழந்துள்ளதாக ஆரம்பக் கட்ட விசாரணைகளில் தெரியவந்துள்ளது.
உயிரிழந்த நபரின் சடலம் சம்மாந்துறை ஆதார வைத்தியசாலையில் வைக்கப்பட்டுள்ளது.
துப்பாக்கி பிரயோகத்தை மேற்கொண்ட மூத்த சகோதரனை சம்மாந்துறை பொலிஸார் கைது செய்துள்ளதுடன், துப்பாக்கி பிரயோகத்திற்கான காரணம் தொடர்பில் மேலதிக விசாரணைகளை முன்னெடுத்துள்ளனர்.