சமபோஷ மாகாண மட்டப் பாடசாலை போட்டி எதிர்வரும் ஆகஸ்ட் மாதம் 15 ஆம் திகதி முதல் 05 மாகாணங்களில் நடைபெறவுள்ளது.
இதன்படி ஊவா, வடமத்திய மாகாணம், கிழக்கு, வடமேல் மற்றும் தெற்கு மாகாணங்களில் இந்த போட்டி நடைபெறவுள்ளது.
சமபோஷாவின் அணுசரணையுடன், மாகாண கல்வி அலுவலகங்கள் இணைந்து ஏற்பாடு செய்துள்ள இந்த போட்டியில் 650 பாடசாலைகளை பிரதிநிதித்துவப்படுத்தி 18000 வீர, வீராங்கணைகள் கலந்துக்கொள்ளவுள்ளனர். 70இற்கும் மேற்பட்ட போட்டிகள் நடைபெறவுள்ளன.
வடமேல் மாகாணத்தின் முதலாவது போட்டி ஆகஸ்ட் மாதம் 15 ஆம் திகதி முதல், 18 ஆம் திகதிவரை, வென்னப்புவ அல்பேர்ட்.எப்.பீரிஸ் மைதானத்தில் நடைபெறவுள்ளது.
அத்துடன் இரண்டாவது போட்டி ஊவா மாகாணத்தில் நடைபெறவுள்ளதுடன். குறித்த போட்டிகள் பதுளை மாவட்டத்தில் அமைந்துள்ள வின்சண்ட் டயஸ் மைதானத்தில் செப்டம்பர் 01 முதல் 04 ஆம் திகதி வரை நடைபெறவுள்ளதாக தெரிவிக்கப்பட்டுள்ளது.
மூன்றாவதாக வடமத்திய மற்றும் தென் மாகாணங்களுக்கான போட்டிகள் செப்டம்பர் 05 ஆம் திகதி முதல் 08 ஆம் திகதி வரை நடைபெறவுள்ளது. வடத்திய மாகாண போட்டிகள் அநுராதபுர விளையாட்டரங்கிலும், தென் மாகாண போட்டிகள் பெலியத்த டி.ஜே.ராஜபக்ஷ கல்லூரியிலும் நடைபெறவுள்ளன.
மேலும் இறுதி விளையாட்டு நிகழ்வான கிழக்கு மாகாண விளையாட்டு போட்டிகள் செப்டம்பர் 19 ஆம் திகதி முதல், 23ஆம் திகதிவரை கந்தளாய் லீலாரத்ன விளையாட்டரங்களில் நடைபெறவுள்ளது.