வவுனியாவில் கொரோனா தடுப்பூசிகள் ஏற்றுமிடங்கள் இன்றைய (10.09) & நாளைய (11.09) விபரம்

வவுனியாவில் இன்று நான்காம்  நாளாக தடுப்பூசிகள் ஏற்றப்படவுள்ளன. இன்று முதல் ஆசிரியர்களுக்கான தடுப்பூசிகள் ஏற்றும் பணிகள் ஆரம்பிக்கின்றன. அத்தோடு அரச திணைக்கள ஊழியர்களுக்கு தடுப்பூசிகள் ஏற்றும் பணிகளும் ஆரபிக்கவுள்ளன.

மற்றைய சகல நிலையங்களிலும் 60 வயதுக்கு மேற்பட்டவர்களுக்கான தடுப்பூசிகள் தொடர்ச்சியாக ஏற்றபப்ட்டு வருகின்றன.  நீண்டநாள் நோயாளர்களுக்கு வவுனியா வைத்திய சாலையில் ஊசிகள் ஏற்றப்படவுள்ளன. மகாஇறம்பைக்குளம், காத்தார்சின்னக்குளம், கோவில்குளம் ஆகிய இடங்களுக்கும் இன்றைய தினம் தடுப்பூசிகள் வழங்கபபடவுள்ளன. 

கிராமசேவையாளரிடம் விண்ணப்பபடிவத்தையும் , வரிசை இலக்கத்தையும் (டோக்கன்) பெற்றுக்கொண்டு  தங்களுக்கான தடுப்பூசி நிலையங்களுக்கு செல்வதன் மூலம் தடுப்பூசியினை  பெற்றுக்கொள்ள முடியும்.

கிராமசேவையாளரிடம் விண்ணப்பபடிவத்தினை பூர்த்தி செய்து, வரிசை இலக்கத்தையும்(டோக்கன்) பெற்று காலை 8 மணிமுதல் பிற்பகல் 2 மணிக்குள் தடுப்பூசிகளை பெற்றுக்கொள்ள முடியுமென வவுனியா மாவட்ட தொற்றுயியலாளர் வைத்திய கலாநிதி செ.லவன் வி தமிழுக்கு தெரிவித்துள்ளார்.

ஆசிரியர்கள் தங்களுக்கான விண்ணப்ப படிவங்களை  பூர்த்தி செய்து கிராம சேவையாளரிடம் உறுதி செய்து  வவுனியா சைவப்பிரகாச மகளிர் கல்லூரியில் வரிசை இலக்கத்தை பெற்று ஊசிகளை போடலாம். பாடசாலைகளுக்கான தனி தனியாக நேரம் ஒதுக்கப்படவில்லையென வவுனியா மாவட்ட தொற்றியலாளர்  வைத்திய கலாநிதி செ. லவன் தெரிவித்துள்ளார்.

ஆசிரியர்கள் தங்கள் கிராமசேவகர் பிரவுகளில் வரிசை இலக்கத்தை (டோக்கன்)  பெற்றுக் கொண்டு  தங்கள் கிராமசேவையாளர் பிரிவுக்கு ஒதுக்கப்பட்டுள்ள நிலையத்தில் தடுப்பூசிகளை பெற்றுக்கொள்ள முடியும். கட்டாயம் பாடசாலைக்கு ஒதுக்கப்பட்ட நிலையத்தில்தான் ஊசிகளை பெற்றுக்கொள்ள வேண்டுமென்றில்லை எனவும் சுகாதர தரப்பினர் தெரிவித்துள்ளனர்.

அரச திணைக்களங்களை சேர்ந்தவர்கள் இன்று 10 ஆம் திகதி முதல் வுனியா காமினி மகா வித்தியாலயத்தில் தடுபூசிகளை பெற்றுக்கொள்ள முடியும். வவுனியா பிராந்திய சுகாதர திணைக்களத்தின் தொற்றுயில் பிரிவில் விண்ணப்பபடிவங்களை பெற்று கிராமசேவையாளரிடம் பூர்த்தி செய்து தங்களுக்கான தடுப்பூசிகளை வுனியா காமினி மகா வித்தியாலயத்தில் பெற்றுக்கொள்ளலாம். பிறமாவட்டங்களை சேர்ந்தவர்கள் திணைக்கள தலைவரின் கையொப்பத்தோடு ஊசிகளை பெற்றுகொள்ள முடியும். கிராமசேவகர் பிரிவுக்கான நிலையங்களிலும் ஊசிகளை பெற்றுகொள்ள முடியும்.

நீண்ட நாள் நோயுடையவர்களும், தொற்றா நோயுடையவர்களும் அவர்களுக்கான விசேட வைத்திய நிபுணரின் ஆலோசனையோடு வவுனியா மாவட்ட பொது வைத்தியசாலையில் தடுப்பூசிகளை ஏற்றிக்கொள்ள முடியும். அவர்களுக்கான விண்ணப்ப படிவங்களை வைத்தியசாலையிலேயே பெற்று பூர்த்தி செய்து ஊசிகளை போட்டுக்கொள்ள முடியும்.

ஊசிபோடுதல் தொடர்பில் அறிவித்தல்கள் தொடர்ச்சியாக கிராம சேவையாளரூடாக வழங்கப்படுமெனவும், அறிவிக்கப்படாத பகுதிகள் மற்றும் வயது பிரிவுகள் தொடர்பிலும் கிராமசேவையாளர்கள் ஊடக அறிவித்தல்கள் வழங்கப்பபடுமெனவும் அவற்றினடிப்படையில் செயற்படுமாறும் வவுனியா மாவட்ட தொற்றியலாளர் வைத்தியகலாநிதி செ.லவன் மக்களிடம் வேண்டுகோள் விடுத்துள்ளார். 

வி தமிழ் இணையத்தில் தொடர்ச்சியாக வவுனியாவில் தடுப்பூசிகள் ஏற்றப்படும் விபரங்களை தந்து வருகிறோம். எமக்கு கிடைக்கும் தகவல்களின் அடிப்படையிலேயே தகவல்களை தருகிறோம். 100% தகவல்களை வவுனியா மாவட்ட சுகாதார பணிமனை, தங்களுக்குரிய வைத்ய அதிகாரி பணிமனை கிராம சேவையாளர் ஆகியோரிடம் கேட்டு தெரிந்து கொள்ளலாம். தொடர்ச்சியாக எமது இணையத்தை பார்வையிடுவதன் மூலம் தகவல்களை பெற்றுக்கொள்ளலாம்.

இன்றும் நாளையும் தடுப்பூசிகள் வழங்கப்படும் நிலையங்களும், கிராம சேவகர் பிரிவு விபரங்களும் கீழுள்ள அட்டவணையில் காணப்படுகின்றன.

இன்று (10.09.2021)  தடுப்பூசி வழங்கும் நிலையங்கள்

நாளை (11.09.2021) தடுப்பூசி வழங்கும் நிலையங்கள்