ஈழத்தில் தயாரிக்கப்பட்ட ”புஷ்பக 27” என்ற திரைப்படம் நேற்று முன்தினம் வெளியாகிய நிலையில், வெற்றிநடை போடுவதாக அறிவிக்கப்பட்டுள்ளது.

சத்தியா மென்டிசின் திரைக்கதையில், காரை சிவநேசனின் இயக்கத்தில் உருவாகியுள்ள இந்த திரைப்படம் தமிழரின் தொன்மையை தேடிச் செல்லும் வகையில் எடுக்கப்பட்டுள்ளது.

தற்போது யாழில் மாத்திரம் திரையிடப்பட்டுள்ள இந்த திரைப்படம் எதிர்வரும் காலங்களில் நாடு முழுவதும் திரையிடப்படும் எனக் கூறப்படுகிறது.

The post யாழில் வெற்றிநடைபோடும் ”புஷ்பக 27” திரைப்படம்! appeared first on V MEDIA.

தென்னிந்திய தனியார் தொலைக்காட்சியில் நடைபெற்று வரும் சரிகமபா இசை நிகழ்ச்சியில் கலந்து கொண்ட இலங்கையை சிறுமிகள் தமது திறமைகளை வெளிப்படுத்தி வருகின்றனர்.

இந்நிலையில் ஈழத்து குயில் என அனைவராலும் செல்லமாக அழைக்கப்படும் கில்மிஷாவுக்கு திரைப்படம் ஒன்றில் பாடுவதற்கான வாய்ப்பு கிடைத்துள்ளது.

பிரபல பாடகரும் இசையமைப்பாளருமான சீனிவாஸ் தனது அடுத்து இசையமைப்பில பாடுவதற்கான வாய்ப்பை வழங்குவதாக உறுதியளித்துள்ளார்.

அதேவேளை பிரபல பின்னணி பாடகரான விஜய் பிரகாஷ் கில்மிஷாவின் திறமையை பாராட்டியுள்ளதுடன் இசைத்துறையில் பெரிய அளவில் சாதிப்பார் எனத் தெரிவித்துள்ளார்.

The post ஈழத்து குயில் கில்மிஷாவுக்கு கிடைத்த வாய்ப்பு! appeared first on V MEDIA.

சொப்பன சுந்தரி திரைப்படம் இன்று(25.08) இலங்கை முழுவதும் வெளியாகியுள்ளது. இலங்கையின் பல பாகங்களிலும் இந்த திரைப்படம் திரையிடப்பட்டுள்ளது.

இந்த திரைப்படத்தின் முன்னோடிக் காட்சி நேற்று(24.08) கொழும்பு சவோய் 3D திரையரங்கில் காட்சிப்படுத்தப்பட்து. இலங்கை திரைப்படம் ஒன்று மிக நேர்த்தியாக தயாரிக்கப்பட்டுள்ளது. பொதுவாக இலங்கை திரைப்படங்களை இந்திய திரைப்படங்களுடன் ஒப்பிட முடியாது. ஆனால் இந்த திரைப்படத்தை ஒப்பிட்டு பார்க்கலாம் என்றே தோன்றுகிறது.

இந்த திரைப்படத்தின் திரைக்கதை மிக சிறப்பாக அமைக்கப்பட்டுள்ளது. குறிப்பாக திரைப்படம் நகர்த்திச் செல்லப்படும் விதம் இந்திய திரைப்படங்களுக்கு ஈடு கொடுக்கும் முகமாக அமைகிறது. ஒரு மசாலா திரைப்படம் எப்படி மக்களை மகிழ்ச்சிப்படுத்த வேண்டுமோ அதனை இந்தப் படம் முழுமையாக பூர்த்தி செய்துள்ளது.

சில படங்களே இரண்டாம் தடவை பார்க்க வேண்டும் என்ற ஆசையை தூண்டும். அல்லது படம் பார்த்தவுடன் மீண்டும் ஒரு தடவை பார்க்க வேண்டும் என்ற மனநிலை மனதுக்குள் ஏற்படும். இந்தப் படத்தில் அது ஏற்படுகிறது.

இலங்கை நடிப்பு துறை மிகவும் சிறப்பாக முன்னேறி வருகிறது. குறிப்பாக தமிழ் நடிகர்கள் மிகவும் சிறப்பாக நடித்து வருகின்றனர். இந்த திரைப்படத்தில் தனிப்பட்ட ரீதியில் எனக்கு தெரிந்த பல முகங்களை நடிகர்களாக பார்த்து இவர்கள் இந்தளவு சிறப்பாக நடிப்பார்களா என பிரமித்து போகும் அளவுக்கு நடித்துள்ளனர். நடிப்பு துறையில் ஆர்வமுள்ளவர்களை சரியாக கணித்து களமிறங்கிய இயக்குனருக்கு பாராட்டுக்கள்.

குறிப்பாக தயாரிப்பாளர், நடிகர் கஜானன் மற்றும் இயக்குனர் நடிகர் மாதவன் ஆகியோர் இயற்கையில் மிகவும் சாந்தமான மென்மையான குணம் படைத்தவர்கள். ஆனால் மாதவன் திரையில் மிரட்டியிருக்கும் விதம், கஜானன் செய்திருக்கும் வித்தைகள் மற்றும் குறும்புகள் நினைத்து பார்க்க முடியாதவை. ரசிக்க வைத்துள்ளார்கள். ஹட்ஸ் ஒப். (Hats Off)

இந்த திரைப்படத்தை இறுதிவரை சுவாரசியம் ககுன்றாது கொண்டு செல்லும் மூன்று ஓட்டுனர்கள்(Drivers) இறுதிவரை ரசிக்க வைக்கிறார்கள். அட பாவிகளா என்று சொல்ல தோன்றுகிறது.

இந்த திரைப்படத்தின் இசைமைப்பாளர் ராம் மிக அபாரமாக கலக்கியுள்ளார். இந்திய திரை பின்னணி இசைக்கு எந்தவிதத்திலும் சோடை போகவில்லை. மிக அபாரம். உண்மையில் இந்திய இசைக்கு நிகராக உள்ளது. பாடல்களை அமைத்து விதம், தமிழ் சினிமாவின் ஹிட் பாடல்களை பாவித்த விதம் ரசிக்க வைக்கிறது. இந்த இசையமைப்பாளர் பல வெற்றிப்படிகளை தொடுவர் என மிகவும் நம்பலாம்.

டப்பிங் மற்றும் இசைக்கலவை கன கச்சிதமாக அமைந்துள்ளது. இந்தளவு தெளிவினை இந்திய தமிழ் படங்களில் கேட்பது கடினம். இது எவ்வாறு இவர்களினால் சாத்தியமானது என்ற கேள்வி எனக்குள் மீண்டும் மீண்டும் வந்து போகிறது. அந்தளவுக்கு தெளிவு மற்றும் நேர்த்தி காணப்படுகிறது.

கமரா மிகவும் சிறப்பாக கையாளப்பட்டுள்ளது. கொழும்பின் அழகை, வெள்ளவத்தையினை இப்படியும் காட்டலாமா என நானே வியந்து போனேன்.

ஒட்டு மொத்தத்தில் அதிகமாக எழுவதிலும் பார்க்க நீங்களே இந்த படத்தை திரையரங்குக்கு சென்று பாருங்கள். வெளியே வரும் போது முழு திருப்தியான படம் பார்த்த அனுபவம் உங்களுக்கு கிடைக்கும்.

இந்திய திரைப்படங்களில் நாம் தேடி பல குறைகளை பிடிப்போம். இது புதியவர்களின் முயற்சியில் உருவாகியுள்ள நம்ம படம். பிழைகளை பிடிக்காமல் விடுவோமோ என்று நினைப்பவர்கள் பிழைகளை பிடிக்கலாம். தூக்கி திரியலாம். ஆனாலும் இது எம்மவர் படைப்பு. இதனை இந்திய திரைப்படங்களோடு ஒப்பிடாமல் நம் திரைப்படமாக பார்க்க வேண்டும்.

இந்த திரைப்படம் 7 வருட உழைப்பு என ஆரம்ப நிகழ்வில் கூறப்பட்டது. உழைப்புக்கு நிச்சயம் ஊதியம் கிடைக்கும். இலங்கையில் கடந்த காலங்களில் வெற்றி படங்களை தந்த குழுவினர் இப்போது எங்கே போய்விட்டார்கள் என்ற நிலை காணப்படுகிறது. இந்த குழுவும் அப்படி போகாமல், இந்த திரைப்படத்துக்கு, 7 வருட உழைப்புக்கு உங்களுக்கு மிகவும் சிறந்த பதில் கிடைத்துள்ளது. மிக விரைவில் அடுத்த பட தயாரிப்புக்கு களமிறங்குங்கள் என எனது வி மீடியா தமிழ் மற்றும் சிங்கள ஊடகம் மூலமாக வாழ்த்துக்களை தெரிவித்துக்கொள்கிறேன்.

திரையரங்கு விபரம்
வெள்ளவத்தை சவோய் 3D
தெஹிவளை – கொன்கோர்ட்
கொழும்பு – PVR சினிமா
தெமட்டகொடை – ரீகல்
யாழ்ப்பாணம் – ரீகல்(கார்கில்ஸ்)
திருகோணமலை – நெல்சன்
வவுனியா – அமுதா
கல்முனை – GK சினிமக்ஸ்

ச.விமல்
பணிப்பாளர்
வி மீடியா

The post சொப்பன சுந்தரி – அழகு சுந்தரி appeared first on V MEDIA.

சுகுமார் இயக்கத்தில் அல்லு அர்ஜுன், ராஷ்மிகா மந்தனா, ஃபகத் பாசில், உள்ளிட்ட பலர் நடிப்பில் உருவாகியுள்ள புஷ்பா – தி ரூல் திரைப்படத்தின் போஸ்டர் ஒன்று வெளியாகி வைரலாகி வருகிறது.

சமீபத்தில் இப்படத்தின் பர்ஸ்ட் லுக் போஸ்டர் மற்றும் டைட்டில் டீசர் வெளியாகி கவனத்தை ஈர்த்த நிலையில் தற்போது புதிய போஸ்டர் வெளியாகியுள்ளது. .

நடிகர் பகத் பாசிலின் பிறந்த தினத்தை முன்னிட்டு வெளியிடப்பட்டுள்ள குறித்த போஸ்டரில், அவருடைய காட்சிகள் படமாக்கி முடிக்கப்பட்டுள்ளதாக அறிவிக்கப்பட்டுள்ளது.

The post புஷ்பா – தி-ரூல் திரைப்படத்தின் புதிய அப்டேட்! appeared first on V MEDIA.

இந்தியாவில் நடைபெற்று வரும் ரியாலிட்டி ஷோவான ”சரிகமபா” என்ற நிகழ்ச்சியில் மலையகத்தை சேர்ந்த மாணவி ஒருவர் கலந்துகொண்டுள்ளார்.

குறித்த நிகழ்ச்சியில் யாழ்ப்பாணத்தை சேர்ந்த கில்மிஸா என்ற சிறுமி ஏற்கனவே பாடி வருகின்ற நிலையில், தற்போது இலங்கையை சேர்ந்த மற்றுமொரு போட்டியளாராக கனகராஜ் அசானி என்ற சிறுமி இணைந்துக்கொண்டுள்ளார்.

இவர் கண்டி, புஸ்ஸலாவைச் சேர்ந்தவராவார். தனது குடும்ப சூழ்நிலை காரணமாக ஆரம்பத்தில் நடைபெற்ற போட்டிகளை தவற விட்டிருந்த அவருக்கு தற்போது நிகழ்ச்சி ஒருங்கிணைப்பாளர்கள் ஒரு வாய்ப்பை கொடுத்துள்ளனர்.

இதன்படி நேற்றைய போட்டியில் அவர் ”ராசவே உன்னநம்பி” என்ற பாடலை பாடியிருந்தார். அவருக்கு அரங்கத்தில் இருந்த பலர் பாராட்டுக்களை தெரிவித்திருந்தனர். இலங்கையைச் சேர்ந்த இரு தமிழ் மாணவர்கள் குறித்த நிகழ்ச்சியில் கலந்துகொண்டது இங்குள்ள அனைவருக்கும் பெருமையை தேடித்தந்துள்ளது.

The post தமிழக தொலைக்காட்சியில் கலக்கிய மலையக சிறுமி! appeared first on V MEDIA.

நடிகர் தனுஷ் தற்போது தனது 51 ஆவது படத்திற்கு தயாராகி வருகிறார். பிரபல தெலுங்கு இயக்குனர் சேகர் கம்முலா இந்த படத்தை இயக்கவுள்ளதாக அறிவிக்கப்பட்டுள்ளது.

தனுஷ், சேகர் கம்முலா ஆகிய இருவருமே தேசிய விருது பெற்றவர்கள் என்பதால் படத்துக்கு எதிர்பார்ப்பு ஏற்பட்டுள்ளது.

சுனில் நாரங், புஸ்கர் ராம் மோகன்ராவ் தயாரிப்பில் உருவாகவுள்ள இந்த படம் தற்போது அதிரடி ஆக்ஷன் படமாக தயாராகி வருகிறது.

தனுஷ் இதுவரை நடிக்காத புதிய கதாபாத்திரத்தில் நடிக்க இருப்பதாகவும், அவருக்கு ஏற்ற கதையை உருவாக்கும் பணியில் சேகர் கம்முலா ஈடுபட்டு வருவதாகவும் படக்குழு அறிவித்துள்ளது.

இந்தப் படத்தில் ராஷ்மிகாவை கதாநாயகியாக நடிக்க வைக்க அவரிடம் பேச்சுவார்த்தை நடத்தி வருவதாக தெரிவிக்கப்பட்டுள்ளது.

The post தனுஷ் நடிக்கவுள்ள புதிய திரைப்படம் குறித்த அறிவிப்பு! appeared first on V MEDIA.

web திரைப்படம் வரும் ஆகஸ்ட் மாதம் 08 ஆம் திகதி திரைக்கு வரவுள்ளது.

போதைப்பொருள் பழக்கவழக்கம், அதற்கு அடிமையாகும் பெண்கள், அதற்காக அவர்கள் செய்யும் விடயம், அதனுடைய பின்புலம் என ஒரு அதிரடி கதையாக உருவாக்கப்பட்டுள்ள இந்த படம் ரசிகர்கள் மத்தியில் எதிர்பார்ப்பை ஏற்படுத்தியுள்ளது.

இந்த படத்திற்கு கார்த்திக் ராஜா இசையமைத்திருக்கிறார். அருண் இயக்கியிருக்கிறார். சுபப்ரியா மலர், ராஜேந்திரன், அனன்யா மணி மற்றும் ஷாஷ்வி பாலா ஆகியோர் முன்னணி கதாபாத்திரங்களில் நடித்துள்ளனர்.

இந்த படம் சிறந்த கமெர்ஷியல் திரைப்படமாக இருக்கும் அதேசமயம், சமூகத்திற்கு ஒரு நல்ல தகவலை வழங்கும் படமாகவும் இருக்கும் என படக்குழுவினர் அறிவித்துள்ளனர்.

இதில் முக்கியமான விடயம் ஷாஷ்வி பாலா இலங்கையைச் சேர்ந்த பெண் என்பதுடன், இலங்கையில் வானொலி தொகுப்பாளினியாகவும், சின்னத் திரை தொகுப்பாளினியாகவும் , மொடலிங் மங்கையாகவும் வலம் வந்துள்ளார்.

கடந்த சில காலமாக சின்ன சின்ன கதாபாத்திரங்களில் நடித்து வந்த அவர் தற்போது, நடிகர் ஆரியுடன் இணைந்து ”எல்லாம் மேலே இருக்கிறவன் பார்த்துப்பான்” என்ற படத்தின் மூலம் மிகப்பெரிய வாய்ப்பை பெற்றுள்ளார்.

இதற்கிடையே தற்போது அருண் இயக்கத்தில் web என்ற திரைப்படத்தில் முன்னணி கதாபாத்திரத்தை ஏற்று நடித்துள்ளார்.

இது குறித்து ஊடகத்திடம் பேசிய அவர், very good script. எல்லாருக்குமே score பண்றதுக்கான space இருக்கு. ஒரு நல்ல message வெளியில போகப் போகுது. அதோட எங்களோட profileக்கு நல்ல ஒரு ரீச்ச கொடுக்கும்” எனத் தெரிவித்துள்ளார்.

The post இலங்கை பெண் நடித்துள்ள web திரைப்படம்! appeared first on V MEDIA.

இலங்கைத் தமிழ் முழுநீளத் திரைப்படமான மணல் திரைப்படத்துக்கு Rotterdam சர்வதேச திரைப்பட விழாவில் சிறப்பு நடுவர் விருது கிடைத்துள்ளது.

பெப்ரவரி 3 ம் திகதி நெதர்லாந்தின் ரோட்டர்டாம் சர்வதேச திரைப்பட விழாவில் ( International Film Festival of Rotterdam – IFFR) விசாகேச சந்திரசேகரம் எழுதி, இயக்கி தயாரித்த மணல் திரைப்படமே இந்த சிறப்பு நடுவர் விருதினை வென்றுள்ளது (special Jury Award)

கதைச்சுருக்கம்

முன்னாள் தமிழ் போராளியான ருத்ரன் இராணுவ காவலில் இருந்து வீடு திரும்புகிறார், போரின் போது காணாமல் போன தனது காதலி வாணியைத் தேடுகிறார். ருத்ரனின் தாயார் செல்லம்மா, குறி சொல்லும் ‘வரம்’ பெற்றவர், அவர்களது உறவினர்கள் உயிருடன் இருக்கிறார்களா அல்லது இறந்துவிட்டார்களா என்று அந்த ஊரைச் சேர்ந்த மக்களிடம் குறி சொல்லி வருகிறார், ஆனால் அவர் வாணியைப் பற்றி சொல்ல மறுக்கிறார். போரில் தோற்கடிக்கப்பட்ட ஆண்களும் பெண்களுமாக இந்துக் கோவில்களில் ஆறுதல் அடையும் போது, ருத்ரன் ஆரம்பத்தில் வழிபாடுகளில் ஈடுபட ஆர்வம் இல்லாதவராக இருக்கிறார், ஆனால் பின்னர் அவரது மன அழுத்தத்தினால் , அவர் தனது காதலியுடன் சேர்ந்து விடுவார் என்ற நம்பிக்கையில் ஐயப்ப கடவுளின் உதவியை நாடி ஒரு மாத கால யாத்திரையை மேற்கொள்கிறார்.

முதற் சிறப்புத் திரையிடல் (World Premiere)

IFFR விழாக்குழு தங்களது 52வது பதிப்பை இந்த வருடம் வெற்றிகரமாக நடத்தி முடித்திருக்கிறது. நெதர்லாந்தின் ரொட்டர்டாம் நகரில் பல்வேறு திரையரங்குகளில் அதிகளவான திரைப்படங்களை திரையிட்டிருந்தனர். இலங்கையில் தயாரிக்கப்பட்ட முழுநீள தமிழ் திரைப்படமான மணல் திரைப்படத்தின் முதற்காட்சியை Pathe IMAX திரையரங்கில் தை மாதம் 28ம் திகதி திரையிட்டதுடன் 29ம் திகதி இரண்டாவது திரையிடலும் நடந்தது. இரண்டு காட்சிகளும் அரங்கம் நிறைந்த பார்வையாளர்களுடன் வெற்றிகரமாக காண்பிக்கப்பட்டிருந்தன. இரண்டு காட்சிகளுக்குமான நுழைவுச் சீட்டுகள் முன்கூட்டியே விற்றுத்தீர்ந்திருந்தது.

படக்குழு முதற்காட்சியை இரண்டு அரசியல் கைதிகளுக்கு சமர்ப்பணம் செய்திருந்ததுடன், ” இந்தப்படத்தை நீங்கள் பார்வையிட வந்திருப்பதன் மூலம் பொழுதுபோக்கு அம்சத்தை தாண்டி மாறாக நீங்கள் உலக ஜனநாயக செயலில் ஈடுபடுகிறீர்கள், ஏனென்றால் நீங்கள் எங்களது கதையை மற்றவர்களுடன் பகிர்ந்து கொள்வதன் மூலம் எங்களது மக்களுக்கு தேவையான நீதியையும் ஜனநாயக உரிமைகளை கோருவதற்கு வழி வகுக்குறீர்கள்” என்று திரைப்பட இயக்குனர் விசகேச சந்திரசேகரம் கூறியிருந்தார். ஜகத் மனுவர்ணவின் சிங்கள மொழி முழுநீள திரைப்படமான “Rahas Kiyana Kandu” திரைப்படமும் இந்தவிழாவில் பங்கேற்று இருந்ததுடன் NETPAC விருதையும் வென்றிருந்தது.

Tiger Award – பிரதான விருது

IFFR விழாவின் முதன்மை பகுதி Tiger போட்டிப் பிரிவாகும். இதில் மூன்று விருதுகள் உள்ளடக்கப்பட்டுள்ளன. இரண்டு நடுவர் விருதுகளில் மணல் திரைப்படமும் ஒரு நடுவர் விருதினை (Jury award) பெற்றுக்கொண்டது. ” புரட்சிக்கும் சர்வாதிகாரத்திற்கும் இடையில் சிக்குண்ட ஒரு இளைஞனை பற்றிய எளிய கதை” என்று விருதினை அளிக்கும்போது நடுவர் குழு தெரிவித்திருந்தது. பெறுமதியான விருதினையும் பத்தாயிரம் யூரோ பரிசுத்தொகையினையும் பெற்றுக்கொண்ட இயக்குனர் ” வார்த்தைகள், ஒளிகள் , நிறங்கள் மற்றும் ஒலியின் மூலம் நாங்கள் எங்களது கருத்துச் சுதந்திரத்தை பயன்படுத்துகிறோம், ஜனநாயக உரிமை இல்லாது எங்களது கருத்துச் சுதந்திரத்தை பயன்படுத்த முடியாது, கருத்துச் சுதந்திரம் இல்லாவிடின் எங்களது ஆன்மாவிலிருந்து எங்களது விருப்பப்படி திரைப்படங்களை உருவாக்க முடியாது” என்று கூறியிருந்தார்.

பின்னணி (Background)

சமீபத்திய அரசியல் மற்றும் பொருளாதார நெருக்கடியில் இருந்து வெளிவந்த ஒரேயொரு இலங்கைத் திரைப்படம் மணல் மட்டுமே. இலங்கையில் குழப்பமான மின்வெட்டு, எரிபொருள் தட்டுப்பாடு மற்றும் வாழ்க்கைச் செலவு அதிகரித்து வரும் போது திரைப்படத்தை வெற்றிகரமாக தயாரிக்க நடிகர்கள் மற்றும் குழுவினர் அனைத்து நெருக்கடிகளுக்கு மத்தியிலும் கடுமையாக உழைத்திருந்தனர்.

இலங்கையின் தெற்கிலும் கொழும்பிலும் தொடர்ந்து வன்முறைச்சம்பவங்கள் நிகழ்ந்து கொண்டிருக்கும்போதே இப்படத்தின் படப்பிடிப்பு வடக்கில் இடம்பெற்றது. அனேகமாக பெரும்பாலான தமிழ் பேசும் நடிகர்கள் மற்றும் படக்குழு உறுப்பினர்களை இலங்கையின் வடகிழக்கில் இருந்து தெரிவு செய்து உள்வாங்கி தயாரிக்கப்பட்ட முதல் தமிழ்த் திரைப்படம் மணல் ஆகும்.

மேலும் இத்திரைப்படம் புகைப்பட இயக்குனர் ரிஷி செல்வம் மற்றும் இசையமைப்பாளர் பத்மயன் சிவானந்தன், போன்ற பல கலைஞர்களையும் சிவகுமார் லிங்கேஸ்வரன் (ருத்ரன்), துர்க்கா மகேந்திரன் (வாணி) உட்பட பல நடிகர்களையும் அறிமுகப்படுத்தியிருந்தது. அத்தோடு உதவி இயக்குனராக ஜெனோசன் ஜெயரட்ணமும், தயாரிப்பு முகாமையாளராக பரத் பஞ்சாட்சரமும் பணியாற்றியிருந்தனர்.

திரைப்பட இயக்குனர் மற்றும் திரைக்கதை எழுத்தாளர் விசாகேச சந்திரசேகரம்

விசாகேச சந்திரசேகரம் வழக்கறிஞராக பணிபுரிகிறார், கல்வியாளர் மற்றும் கலைஞர். அவர் இரண்டு முழுநீள திரைப்படங்களைத் தயாரித்துள்ளார் – சயாபேதி குசுமா (ஃபிராங்கிபானி- frangipani) மற்றும் பாங்ஷு (பூமி- Paangshu) இது பல உள்நாட்டு மற்றும் சர்வதேச விருதுகளை வென்றது. Tigers Don’t Confess மற்றும் The King and the Assassin ஆகிய இரண்டு நாவல்களையம் எழுதி வெளியிட்டுள்ளார். கிரேடியன் பரிசை வென்ற “Forbidden Area” (தடை செய்யப்பட்ட பகுதி) உட்பட பல மேடை நாடகங்களை எழுதி இயக்கியுள்ளார். விசாகேசா இலங்கையில் மனித உரிமைகள் வழக்கறிஞராகவும் அவுஸ்திரேலியாவில் NSW அரசாங்கத்தின் ஆலோசகராகவும் பணியாற்றியுள்ளார். பயங்கரவாத எதிர்ப்புச் சட்டங்களின் கீழ் ஒப்புதல் வாக்குமூல ஆதாரங்களைப் பயன்படுத்துவது குறித்த தனது ஆராய்ச்சிக்காக அவுஸ்திரேலியா தேசிய பல்கலைக்கழகத்தில் முனைவர் பட்டம் பெற்றுள்ளார். அவர் தற்போது கொழும்பு பல்கலைக்கழகத்தில் சட்ட பீடத்தில் சிரேஷ்ட விரிவுரையாளராக பணியாற்றுகிறார்.

மணல்

திரைப்படக்குழு
Screenwriter, Director, Producer: Visakesa Chandrasekaram
Director of Photography: Rishi Selvam
Film Editor: Sithum Samarajeewa
Music Composer: Pathmayan Sivananthan
Art Director: Channa Asanka
Costume Designer: Selvaraj Leelawathy
Makeup Artist: Julius Andrew
Sound Designer: Aruna Kaluarachchi
Digital Colourist: Ananda Bandara
Assistant Director: Jenoshan Jeyaratnam
Production Manager: Barath Panchadsaram
Associate Producers: Rishi Selvam, Jenoshan Jeyaratnam & Barath Panchadsaram

நடிகர்கள்
Rudran: Sivakumar Lingeswaran
Sellamma: Kamala Sri Mohan Kumar
Vaani: Thurkka Magendran
Kajan: Gowtham Sharma
Chandran: Dharu Baalan
Sivaraman: R. Rajah Mahendrasingam
Ponnamma: Francis pathma malini
Defence Lawyer: Selvaraj Leela
Betty: Svitlana Lysovska
Kaarthi: Ramsunthar Kantharuban
Judge: Amalathas Elroy
Prosecutor: Ananthakumar Vakeesan
Thambu: S. R. Thusikaran
Kalyani: Srilekka Perinbakumar
Medical Officer: Sathasivam Kalaiyukan
Shalini: Arunthavarsa Girithya
Baalan: Francis Julies Collin
Shankar: Karuppaiah Saththiyaseelan
Soldiers: Palitha Abeyrathne & Dhananjana Dinuwantha

The post மணல் திரைப்படத்துக்கு சர்வதேச சிறப்பு நடுவர் விருது appeared first on V MEDIA.

இலங்கையின் பழம்பெரும் மேடை மற்றும் தொலைக்காட்சி நடிகரான சம்பத் தென்னகோன் இன்று (03/12) காலை காலமானார்.

மேடை வழியாக கலை உலகில் நுழைந்த இவர், ஹிம கிர, அஹஸ் மாளிகா, சீமா பவுரு, மாதுரி, கினி அவி, சரோஜா, சிரி ராஜா சிரி, பத்தினி என பல பிரபலமான படங்களில் நடித்துள்ளார்.

தனது 61 வயதில் காலமான இவர்,
அவரது கோரிக்கையை ஏற்று ஒரே நாளில் இறுதி சடங்குகள் செய்து முடிக்கப்படும் என உறவினர்கள் தெரிவித்துள்ளனர்.

The post நடிகர் சம்பத் தென்னகோன் காலமானார் appeared first on V MEDIA.

இயக்குநர் இசாக்கின் தயாரிப்பில் உருவாகி வரும் 181 என்ற இத்திரைப்படம் சமீபத்தில் தமிழகத்தில் நடைபெற்ற ஒரு உண்மை சம்பவத்தை அடிப்படையாக கொண்டு உருவாக்கப்பட்டுள்ளதாக இசாக் தெரிவித்துள்ளார்.

இது முழுக்க முழுக்க Horror Movie ஆக கதைக்களம் அமைந்துள்ளது என்றும் புதுமுகங்களான ஜெமினி, ரீனா கிருஷணன், விஜய் சந்துரு என பலர் நடித்துள்ளதாகவும் இயக்குநர் இசாக் தெரிவித்துள்ளார்.

The post ஷமீலின் இசையில் உருவாகும் இந்திய திரைப்படம் appeared first on V MEDIA.