தேவையான பொருட்கள்
அரிசி – 250 கிராம், சர்க்கரை – 500 கிராம், நெய் – 100 மில்லி, வறுத்த முந்திரி – 20, ஏலக்காய்த்தூள் – சிறிதளவு, உலர்ந்த திராட்சை(பிளம்ஸ்) – 20, பால் – 200 மில்லி லீட்டர், குங்குமப்பூ – ஒரு சிட்டிகை.

செய்முறை:
அரிசியை லேசான சூட்டில் வறுக்கவும். ஒரு பங்கு அரிசிக்கு… பாலும் தண்ணீரும் சேர்த்து நான்கு பங்கு என்ற அளவில் விட்டு, குக்கரில் வைத்து ஐந்து விசில் வந்ததும் இறக்கவும். சக்கரையை பொடித்து தண்ணீர் விட்டு, சிறிது கொதித்தவுடன் வடிகட்டி, உருட்டும் பதம் வரும்வரை பாகு காய்ச்சவும். வேக வைத்த சாதத்துடன் பாகு சேர்த்து… வறுத்த முந்திரி, ஏலக்காய்த்தூள் சேர்க்கவும். உலர்ந்த திராட்சையை சிறிதளவு நெய்யில் வறுத்துப் போடவும். குங்குமப்பூ மற்றும் மீதமுள்ள நெய்யை சேர்த்து நன்கு கலக்கவும்.

குறிப்பு: அம்மனுக்கு பூஜை செய்யும்போது இந்தப் பொங்கல் மிகவும் சிறந்தது. விருப்பப்பட்டால், சிறிது பச்சைக் கற்பூரம் சேர்க்கலாம்.

The post சர்க்கரைப் பொங்கல் appeared first on V MEDIA.

ஹைதராபாத் சிக்கன் வறுவல்

தேவையான பொருட்கள்

எண்ணெய் – 4 மேசைக்கரண்டி

வெங்காயம் – 3 (நீளவாக்கில் நறுக்கியது)

சிக்கன் – 3/4 கிலோ கிராம்

இஞ்சி பூண்டு பேஸ்ட் – 2 மேசைக்கரண்டி

புளிப்பில்லாத தயிர் – 3 மேசைக்கரண்டி

பச்சை மிளகாய் – 2 (பொடியாக நறுக்கியது)

கறிவேப்பிலை – சிறிது (பொடியாக நறுக்கியது)

கொத்தமல்லி – சிறிது (பொடியாக நறுக்கியது)

புதினா – சிறிது (பொடியாக நறுக்கியது)

மஞ்சள் தூள் – 1/4 தே.கரண்டி

சோம்பு தூள் – 1/2 தே.கரண்டி

சீரகத் தூள் – 1/2 தே.கரண்டி

மிளகுத் தூள் – 1/2 தே.கரண்டி

மிளகாய் தூள் – 1 தே.கரண்டி

கரம் மசாலா – 1/2 தே.கரண்டி

உப்பு – தேவையான அளவு

எலுமிச்சை – பாதி

செய்முறை

முதலில் ஒரு பாத்திரத்தை அடுப்பில் வைத்து,எண்ணெய் ஊற்றி சூடானதும், நறுக்கிய வெங்காயத்தை போட்டு கண்ணாடி பதத்திற்கு நன்றாக வறுத்து தனியாக ஒரு தட்டில் எடுத்து வைத்துக்கொள்ள வேண்டும்.

அதனையடுத்து சிக்கனை சுத்தம் செய்து ஒரு பாத்திரத்தில் எடுத்துக்கொள்ள வேண்டும்.

பின்னர் அத்துடன் இஞ்சி பூண்டு பேஸ்ட், புளிப்பில்லாத தயிர், நறுக்கிய பச்சை மிளகாய், கறிவேப்பிலை, கொத்தமல்லி, புதினா, மஞ்சள் தூள், மிளகாய் தூள், சோம்பு தூள், சீரகத் தூள், மிளகுத் தூள் கரம் மசாலா, சுவைக்கேற்ப உப்பு மற்றும் பாதி எலுமிச்சையை பிழிந்து விட்டு நன்றாக பிசைந்துவிட்டு 30 நிமிடங்கள் வரையில் ஊறவிட வேண்டும்.

அதனையடுத்து வெங்காயம் வறுத்த எண்ணெய் பாத்திரத்தை மீண்டும் அடுப்பில் வைத்து, பட்டை, கிராம்பு, ஏலக்காய் சேர்த்து நன்றாக தாளித்து ,ஊற வைத்துள்ள சிக்கன் துண்டுகளை சேர்த்து, சிக்கனின் நிறம் மாறும் வரையில் நன்றாக வதக்கிக்கொள்ள வேண்டும்.

பின்னர் பாத்திரத்தை மூடி வைத்து 5 நிமிடங்கள் வரையில் மிதமான தீயில் வைத்து சிறிது நேரம் நன்றாக வேகவிட வேண்டும். பின்னர் நன்றாக மசாலாக்களை கிளறிவிட்டு 10-15 நிமிடங்கள் எண்ணெய் பிரியும் வரையில் வேகவிட்டு இறுதியில் கொத்தமல்லியைத் தூவி இறக்கினால், சுவையான ஹைதராபாத் சிக்கன் வறுவல் தயார்…..!

The post ஹைதராபாத் சிக்கன் வறுவல் appeared first on V MEDIA.

இதை நாம் மிக எளிதாக எந்த ஒரு சிரமமுமின்றி குறைந்தநேரத்திலேயே பிரஷர் குக்கரின் மூலம் செய்து விடலாம்.

மட்டன் நெஞ்செலும்பு சூப்பை வெவ்வேறு பகுதிகளில் அங்கு இருக்கும் சமையல் முறைக்கேற்ப சிறு சிறு மாற்றங்களோடு மக்கள் செய்து சுவைக்கிறார்கள். பெரும்பாலும் எந்த வகையில் இதை சமைத்தாலும் இவை அட்டகாசமான சுவையில் தான் இருக்கும். இந்த சூப்பை செய்து முடித்து குக்கர் மூடியை திறக்கும்போது இதன் வாசம் வீட்டில் இருப்பவர்களை தானாக கிச்சனுக்கு கொண்டு வந்துவிடும்.

மட்டன் நெஞ்செலும்பு சூப் செய்யும் முறை

இந்த சூப்பின் ஸ்பெஷல் என்னவென்றால் நெஞ்செலும்பு கறியை நன்கு சுத்தம் செய்து விட்டால் போதும் இதை நாம் மிக எளிதாக எந்த ஒரு சிரமமுமின்றி குறைந்த நேரத்திலேயே பிரஷர் குக்கரின் மூலம் செய்து விடலாம். அது மட்டுமின்றி மட்டன் நெஞ்செலும்பு சூப்பில் அதிக அளவு கல்சியம் மற்றும் புரதச்சத்து இருப்பதினால் இவை நம் எலும்பு மற்றும் தசைகளுக்கு மிகவும் நல்லது. மேலும் சளி மற்றும் இருமல் இருப்பவர்கள் இதில் சிறிது மிளகு தூள் போட்டு அதிகமாக பருகினால் உடம்புக்கு நன்கு இதமாக இருக்கும்.

இப்பொழுது கீழே இந்த சூப் செய்வதற்கு தேவையான பொருட்கள் மற்றும் எளிமையான செய்முறை விளக்கத்தையும் காண்போம்.

இதை நாம் மிக எளிதாக எந்த ஒரு சிரமமுமின்றி குறைந்தநேரத்திலேயே பிரஷர் குக்கரின் மூலம் செய்து விடலாம். பிரஷர் குக்கர் இல்லாதவர்கள் சாதரண தாச்சியில் செய்யலாம்.

Pதயாரிப்பு நேரம் 15 mins

சமையல் நேரம் 20 mins

மொத்த நேரம் 35 mins

Course: Soup

மட்டன் நெஞ்செலும்பு சூப் செய்ய தேவையான பொருட்கள்

• 250 கிராம் நெஞ்செலும்பு கறி
• 12 to 14 சின்ன வெங்காயம்
• 1 தக்காளி
• 4 to 5 பல் பூண்டு
• 3 to 4 கிராம்பு
• ¼ மேசைக்கரண்டி மஞ்சள் தூள்
• 1 மேசைக்கரண்டி சோம்பு
• 1 மேசைக்கரண்டி சீரகம்
• 1 மேசைக்கரண்டி மிளகு
• 1 மேசைக்கரண்டி தனியா
• 1 துண்டு பட்டை
• 1 பிரியாணி இலை
• தேவையான அளவு எண்ணெய்
• தேவையான அளவு உப்பு
• சிறிதளவு வெங்காய பூ
• சிறிதளவு கருவேப்பிலை
• சிறிதளவு கொத்தமல்லி

மட்டன் நெஞ்செலும்பு சூப் செய்முறை

1. முதலில் தக்காளி, ஸ்பிரிங் ஆனியன், கருவேப்பிலை, மற்றும் கொத்தமல்லியை நறுக்கி, வெங்காயம் மற்றும் பூண்டை தட்டி வைத்து, மட்டன் நெஞ்சு எலும்பு கறியை நன்கு சுத்தம் செய்து கழுவி எடுத்து ஒரு பாத்திரத்தில் வைத்து கொள்ளவும்.

2. பின்பு ஒரு மிக்ஸி ஜாரை எடுத்து அதில் மிளகு, தனியா, மற்றும் சீரகத்தை போட்டு அதை நன்கு அரைத்து எடுத்து ஒரு கிண்ணத்தில் வைத்து கொள்ளவும்.
3. அடுத்து ஒரு குக்கரை மிதமான சூட்டில் அடுப்பில் வைத்து அதில் சுமார் 2 மேஜைக்கரண்டி அளவு எண்ணெய் ஊற்றி அதை சுட வைக்கவும்.
4. எண்ணெய் சுட்ட பின் அதில் கிராம்பு, பட்டை, சோம்பு, மற்றும் பிரியாணி இலையை போட்டு அதை சுமார் அரை நிமிடம் வரை வறுக்கவும்.
5. அரை நிமிடத்திற்கு பிறகு அதில் நாம் சுத்தம் செய்து கழுவி வைத்திருக்கும் மட்டன் நெஞ்செலும்பு கறியை போட்டு அதை சுமார் ஒரு நிமிடம் வரை வதக்கவும்.
6. ஒரு நிமிடத்திற்கு பிறகு அதில் நாம் தட்டி வைத்திருக்கும் வெங்காயம் மற்றும் பூண்டை போட்டு அதை நன்கு கலந்து விட்டு சுமார் 2 நிமிடம் வரை வதக்கவும்.
7. 2 நிமிடத்திற்கு பிறகு அதில் நாம் நறுக்கி வைத்திருக்கும் தக்காளி, மஞ்சள் தூள், நாம் அரைத்து வைத்திருக்கும் மிளகு மசாலாவிலிருந்து ஒரு மேஜைக்கரண்டி, கருவேப்பிலை, மற்றும் தேவையான அளவு உப்பு சேர்த்து அதை நன்கு கலந்து விடவும்.
8. பின்பு அதில் தேவையான அளவு தண்ணீர் ஊற்றி மூடி போட்டு அதை சுமார் 10 விசில் வரும் வரை வேக விடவும். (சுமார் மூன்று அல்லது மூன்றரை கப் அளவு தண்ணீர் சேர்த்தால் சரியாக இருக்கும்.)
9. 10 விசில் வந்ததும் குக்கரின் மூடியை திறந்து மட்டன் நெஞ்செலும்பு சூப்பை ஒரு கிளறு கிளறி அதில் நாம் நறுக்கி வைத்திருக்கும் கொத்தமல்லி மற்றும் ஸ்பிரிங் ஆனியனை தூவி அதை எடுத்து ஒரு கின்னத்தில் ஊற்றி சுட சுட பரிமாறவும்.
10. இப்பொழுது உங்கள் சூடான மற்றும் உடம்பிற்கு மிகவும் சத்தான மட்டன் நெஞ்செலும்பு சூப் தயார். இதை கட்டாயம் உங்கள் வீட்டில் செய்து பார்த்து உங்கள் குடும்பத்தாருடன் சேர்ந்து சுவைத்து மகிழுங்கள்.

The post மட்டன் நெஞ்செலும்பு சூப் ரெசிபி appeared first on V MEDIA.

பொட்டேட்டோ கார்லிக் ரிங்ஸ் உலகம் முழுவதும் மிகவும் பிரபலமாக இருக்கும் ஒரு மாலை நேர சிற்றுண்டி. இவை சிறியவர்கள் முதல் பெரியவர்கள் வரை பெரும்பாலும் அனைவருக்கும் பிடித்தமான ஒரு மாலை நேர சிற்றுண்டி. குறிப்பாக இளம் தலைமுறையினர் மத்தியில் இதற்கு இருக்கும் வரவேற்பே தனி தான் என்றால் அது மிகை அல்ல. இதன் அசத்தலான சுவை மற்றும் மொறு மொறுப்பான தன்மையே இதற்கு முக்கிய காரணம்.

Potato Garlic Rings

பொட்டேட்டோ கார்லிக் ரிங்ஸ்ஸின் ஸ்பெஷல் என்னவென்றால் இதை வெகு எளிதாக எந்த ஒரு சிரமமுமின்றி குறைந்த நேரத்திலேயே நாம் செய்து விடலாம். அது மட்டுமின்றி இவை நாம் வீட்டில் இருக்கும் பொருட்களை வைத்தே செய்யக்கூடியவை. மேலும் இதை செய்வதற்கும் குறைந்த பொருட்களே தேவைப்படும். ஸ்கூலில் இருந்து வரும் நம் குழந்தைகளுக்கு இந்த அட்டகாசமான மற்றும் மொறு மொறுப்பாக இருக்கும் பொட்டேட்டோ கார்லிக் ரிங்ஸ்ஸை நாம் செய்து கொடுத்தால் அவர்கள் இதை மிகவும் விரும்பி சுவைப்பார்கள்.

இப்பொழுது கீழே இதை செய்வதற்கு தேவையான பொருட்கள் மற்றும் எளிமையான செய்முறை விளக்கத்தையும் காண்போம்.

பொட்டேட்டோ கார்லிக் ரிங்ஸ் ரெசிபி

பிரபலமாகஇருக்கும் ஒரு மாலை நேர சிற்றுண்டி

Prep Time15 mins

Cook Time15 mins

Total Time30 mins

Course: Snack

Cuisine: Indian

Keyword: potato garlic rings

பொட்டேட்டோ கார்லிக் ரிங்ஸ் செய்ய தேவையான பொருட்கள்

• ½ கப் ரவை
• 2 உருளைக்கிழங்கு
• 2 மேஜைக்கரண்டி சோள மாவு
• 3 பூண்டு பல்
• 1 மேஜைக்கரண்டி சில்லி ஃப்ளேக்ஸ்
• ¼ மேஜைக்கரண்டி சாட் மசாலா
• 2 மேஜைக்கரண்டி வெண்ணெய்
• தேவையான அளவு எண்ணெய்
• தேவையான அளவு உப்பு
• சிறிதளவு கொத்தமல்லி

பொட்டேட்டோ கார்லிக் ரிங்ஸ் செய்முறை

1. முதலில் பூண்டு மற்றும் கொத்தமல்லியை நன்கு பொடியாக நறுக்கி எடுத்து ஒரு தட்டில் வைத்து கொள்ளவும்.

2. அடுத்து ஒரு பாத்திரத்தை மிதமான சூட்டில் அடுப்பில் வைத்து அதில் உருளைக்கிழங்கை வேக வைப்பதற்கு தேவையான அளவு தண்ணீர் ஊற்றி அதில் உருளைக்கிழங்கை போட்டு அதை சுமார் 20 லிருந்து 25 நிமிடம் வரை வேக விடவும்.
3. 25 நிமிடத்துக்கு பிறகு அதை எடுத்து சிறிது நேரம் ஒரு பாத்திரத்தில் வைத்து ஆற விட்டு பின்பு அதை எடுத்து ஒரு bowl ல் வைத்து நன்கு ஒரு கரண்டியின் மூலம் மசித்து விடவும். (தண்ணீர் இதில் சேர்ந்து விடாமல் பார்த்து கொள்வது மிகவும் அவசியம்.)
4. இப்பொழுது ஒரு மிக்ஸி ஜாரை எடுத்து அதில் ரவையை கொட்டி அதை நன்கு நைசாக அரைத்து எடுத்து ஒரு கிண்ணத்தில் வைத்து கொள்ளவும்.
5. பிறகு ஒரு pan ஐ மிதமான சூட்டில் அடுப்பில் வைத்து அதில் சுமார் 2 மேஜைக்கரண்டி அளவு வெண்ணெய் சேர்த்து அதை உருக விடவும்.
6. வெண்ணெய் உருகியதும் அதில் நாம் பொடியாக நறுக்கி வைத்திருக்கும் பூண்டை போட்டு பூண்டின் பச்சை வாசம் போகும் வரை அதை வதக்கவும்.
7. பூண்டின் பச்சை வாசம் போனதும் அதில் சில்லி ஃப்ளேக்ஸ்ஸை போட்டு நன்கு கலந்து விட்டு சுமார் அரை நிமிடம் வரை அதை வதக்கவும்.
8. அரை நிமிடத்திற்கு பிறகு அதில் தேவையான அளவு உப்பு போட்டு அதை நன்கு கலந்து விட்டு பின்பு அதில் தேவையான அளவு தண்ணீர் சேர்த்து அதை நன்கு கலந்து விட்டு அதை கொதிக்க விடவும். (சுமார் அரை கப் அளவு தண்ணீர் சேர்த்தால் சரியாக இருக்கும்.)
9. அது நன்கு கொதிக்க ஆரம்பித்தவுடன் அடுப்பை முற்றிலுமாக குறைத்து வைத்து அதில் நாம் நைசாக அரைத்து வைத்திருக்கும் ரவையை போட்டு அதை நன்கு கலந்து விடவும்.
10. பின்னர் அதில் நாம் வேக வைத்து மசித்து வைத்திருக்கும் உருளைக்கிழங்கு மற்றும் சாட் மசாலாவை போட்டு அதை நன்கு கலந்து விட்டு பின்பு அடுப்பை அணைத்து அதை கீழே இறக்கி வைத்து சிறிது நேரம் ஆற விடவும். (சாட் மசாலாவை விரும்பாதவர்கள் அதை தவிர்த்து விடலாம்.)
11. உருளைக்கிழங்கு கலவை சிறிது ஆறியதும் அதில் நாம் பொடியாக நறுக்கி வைத்திருக்கும் கொத்தமல்லி மற்றும் சோள மாவை போட்டு அதை நன்கு நம் கைகளின் மூலம் கலந்து விட்டு அதை நன்கு சுமார் 5 லிருந்து 6 நிமிடம் வரை பிசையவும்.
12. 6 நிமிடத்திற்கு பிறகு அதை சிறு சிறு உருண்டைகளாக பிடித்து ஒரு தட்டில் வைத்து கொள்ளவும்.
13. பிறகு ஒரு கிண்ணத்தில் சிறிதளவு சோள மாவை கொட்டி வைத்து கொள்ளவும்.
14. அடுத்து நாம் சிறு சிறு உருண்டைகளாக பிடித்து வைத்திருக்கும் உருளைக்கிழங்கு கலவையை எடுத்து நம் கைகளில் வைத்து தட்டி அதை கிண்ணத்தில் இருக்கும் சோள மாவில் இரு புறமும் போட்டு எடுத்து சப்பாத்தி கல்லில் வைத்து நன்கு அனைத்து புறங்களிலும் சமமாக தேய்க்கவும்.
15. பின்பு ஒரு பெரிய சைஸ் டம்ளர் மற்றும் அதற்கு அடுத்த சைஸ் சின்னதாக இருக்கும் டம்ளரை எடுத்து கொள்ளவும்.
16. பின்னர் நாம் தேய்த்து வைத்திருக்கும் மாவில் முதலில் பெரிய டம்ளரை வைத்து அச்சி ஏற்படுத்தவும், பின்பு சிறிய சைஸ் டம்ளரை நாம் ஏற்படுத்திய அச்சின் உள்ளே வைத்து இன்னொரு அச்சியை ஏற்படுத்தி அதில் வரும் ரிங்ஸ்ஸை எடுத்து ஒரு தட்டில் வைத்து கொள்ளவும்.
17. இவ்வாறு மீதமுள்ள ரிங்ஸ்களை செய்து எடுத்து ஒரு தட்டில் தயாராக வைத்து கொள்ளவும்.
18. இப்பொழுது ஒரு கடாயை மிதமான சூட்டில் அடுப்பில் வைத்து அதில் நாம் செய்து வைத்திருக்கும் ரிங்ஸ்களை போட்டு பொரித்து எடுப்பதற்கு தேவையான அளவு எண்ணெய் ஊற்றி அதை சுட வைக்கவும்.
19. எண்ணெய் சுட்ட பின் கடாயின் அளவிற்கேற்ப அதில் நாம் செய்து வைத்திருக்கும் ரிங்ஸ்களை பக்குவமாக போட்டு அது ஒரு புறம் பொன்னிறமானதும் அதை மறு புறம் திருப்பி விட்டு அது பொன்னிறமாகும் வரை அதை பொரிக்கவும்.
20. அது பொன்னிறமானதும் அதை எடுத்து ஒரு தட்டில் வைத்து அதை சுட சுட பரிமாறவும்.
21. இப்பொழுது உங்கள் சூடான மற்றும் மொறு மொறுப்பாக இருக்கும் பொட்டேட்டோ கார்லிக் ரிங்ஸ் தயார். இதை கட்டாயம் உங்கள் வீட்டில் செய்து பார்த்து உங்கள் குடும்பத்தாருடன் சேர்ந்து உண்டு மகிழுங்கள்.

The post பொட்டேட்டோ கார்லிக் ரிங்ஸ் ரெசிபி appeared first on V MEDIA.

குறிப்பாக சிக்கன் கொத்து பரோட்டா, மட்டன் கொத்து பரோட்டா, முட்டை கொத்து பரோட்டா, மற்றும் வெஜிடபிள் கொத்து பரோட்டா மிகவும் பிரபலமானவை. அதில் நாம் இன்று இங்கு காண இருப்பது முட்டை கொத்து பரோட்டா.

Egg Kothu Parotta / முட்டை கொத்து பரோட்டா

முட்டை கொத்து பரோட்டாவின் ஸ்பெஷல் என்னவென்றால் இதை வெறும் 2 அல்லது 3 பரோட்டாக்கள் மற்றும் 4 முட்டை இருந்தால் போதும் மிக எளிதாக எந்த ஒரு சிரமமுமின்றி வீட்டிலேயே செய்து விடலாம். இதில் பரோட்டாவை செய்வதற்கு தான் சற்று நீண்ட நேரம் பிடிக்கும், ஆனால் அதை செய்வதும் எளிது தான். இருப்பினும் பரோட்டாவை வீட்டில் செய்ய விரும்பாதவர்கள் அதை கடைகளிலிருந்து வாங்கி கொள்ளலாம்.

இப்பொழுது கீழே முட்டை கொத்து பரோட்டா மற்றும் சிக்கன் சால்னா செய்வதற்கு தேவையான பொருட்கள் மற்றும் எளிமையான செய்முறை விளக்கத்தையும் காண்போம்.

கொத்துபரோட்டாவிற்க்கு இருக்கும் மவுசே தனி தான். கொத்து பரோட்டாவில் பல வகை உண்டு.

Prep Time15 mins

Cook Time15 mins

Total Time30 mins

Course: Main Course

Cuisine: South Indian, Tamil, Tamil Nadu

Keyword: chicken salna, egg kothu parotta

முட்டை கொத்து பரோட்டா சிக்கன் சால்னா செய்ய தேவையான பொருட்கள்

• 3 பரோட்டா
• ½ கிலோ சிக்கன் எலும்பு
• 4 முட்டை
• 4 பெரிய வெங்காயம்
• 4 தக்காளி
• 2 பச்சை மிளகாய்
• 6 பூண்டு பல்
• 1 இஞ்சி துண்டு
• ½ கப் துருவிய தேங்காய்
• 1 பட்டை துண்டு
• 2 ஏலக்காய்
• 3 கிராம்பு
• 2 மேஜைக்கரண்டி பொட்டுக்கடலை
• 1 மேஜைக்கரண்டி மிளகு
• 1 மேஜைக்கரண்டி சோம்பு
• 1 மேஜைக்கரண்டி சீரகம்
• 1 மேஜைக்கரண்டி கசகசா
• 2 பிரியாணி இலை
• ½ மேஜைக்கரண்டி மஞ்சள் தூள்
• 1 மேஜைக்கரண்டி மல்லி தூள்
• 1 மேஜைக்கரண்டி மிளகு தூள்
• தேவையான அளவு மிளகாய் தூள்
• தேவையான அளவு எண்ணெய்
• தேவையான அளவு உப்பு
• சிறிதளவு கருவேப்பிலை
• சிறிதளவு கொத்தமல்லி

முட்டை கொத்து பரோட்டா சிக்கன் சால்னா செய்முறை

1. முதலில் வெங்காயம், தக்காளி, பச்சை மிளகாய், 3 பல் பூண்டு, கருவேப்பிலை, மற்றும் கொத்தமல்லியை நறுக்கி, இஞ்சி பூண்டை பேஸ்ட் ஆக்கி, மற்றும் சிக்கன் எலும்புகளை நன்கு சுத்தம் செய்து கழுவி எடுத்து ஒரு கிண்ணத்தில் வைத்து கொள்ளவும்.

2. பின்பு ஒரு pan ஐ மிதமான சூட்டில் அடுப்பில் வைத்து அதில் ஒரு மேஜைக்கரண்டி அளவு எண்ணெய் ஊற்றி அதை சுட வைக்கவும்.
3. எண்ணெய் சுட்ட பின் அதில் ஒரு துண்டு பட்டை, ஏலக்காய், கிராம்பு, மிளகு, 2 மேஜைக்கரண்டி சோம்பு, சீரகம், கசகசா, மற்றும் பொட்டுக்கடலையை போட்டு அதை நன்கு வறுக்கவும்.
4. அடுத்து அதில் நாம் துருவி வைத்திருக்கும் தேங்காயை போட்டு அது நன்கு பொன் நிறம் வரும் வரை அதை வறுக்கவும்.
5. தேங்காய் வறுபட்டதும் அடுப்பை அணைத்து விட்டு அதை இறக்கி கீழே வைத்து சிறிது நேரம் ஆற விட்ட பின்பு அதை ஒரு மிக்ஸி ஜாரில் போட்டு அதை நன்கு அரைத்து எடுத்து ஒரு கிண்ணத்தில் வைத்து கொள்ளவும்.
6. பின்னர் ஒரு கடாயை மிதமான சூட்டில் அடுப்பில் வைத்து அதில் 3 மேஜைக்கரண்டி அளவு எண்ணெய் ஊற்றி அதை சுட வைக்கவும்.
7. எண்ணெய் சுட்ட பின் அதில் ஒரு துண்டு பட்டை, பிரியாணி இலை, மற்றும் ஒரு மேஜைக்கரண்டி சோம்பை சேர்த்து அதை வறுக்கவும்.
8. சோம்பு வறுபட்டதும் அதில் நாம் பொடியாக நறுக்கி வைத்திருக்கும் 2 வெங்காயம் மற்றும் ஒரு சிட்டிகை அளவு உப்பு சேர்த்து வெங்காயம் கண்ணாடி பதம் வரும் வரை அதை வதக்கவும்.
9. வெங்காயம் கண்ணாடி பதம் வந்ததும் அதில் நாம் தயார் செய்து வைத்திருக்கும் இஞ்சி பூண்டு பேஸ்ட், பச்சை மிளகாய், மஞ்சள் தூள், மல்லி தூள், அவரவர் விருப்பத்திற்கு ஏற்ப மிளகாய் தூள், மற்றும் நாம் அரைத்து வைத்திருக்கும் மசாலாவை சேர்த்து அதை நன்கு கலந்து விடவும்.
10. பின்பு அதில் நாம் நறுக்கி வைத்திருக்கும் 2 தக்காளியை போட்டு தக்காளி வதங்கியவுடன் அதில் நாம் சுத்தம் செய்து வைத்திருக்கும் சிக்கன் எலும்பு சேர்த்து அது நன்கு மசாலாவுடன் சேருமாறு அதை நன்கு கிளறி விடவும்.
11. பிறகு அதில் தேவையான அளவு தண்ணீர் ஊற்றி ஒரு மூடி போட்டு சிக்கன் எலும்பு நன்கு வேகும் வரை அதை வேக விட்டு பின்பு அடுப்பை அணைத்து விட்டு அதை அப்படியே வைத்து கொள்ளவும்.
12. பின்பு கடையில் வாங்கின அல்லது வீட்டிலே செய்த பரோட்டாவை எடுத்து அதை சிறு சிறு துண்டுகளாக நம் கைகளின் மூலம் பிய்த்து ஒரு கிண்ணத்தில் போட்டு வைத்து கொள்ளவும்.
13. அடுத்து ஒரு pan ஐ மிதமான சூட்டில் அடுப்பில் வைத்து அதில் சுமார் 2 மேஜைக்கரண்டி அளவு எண்ணெய் ஊற்றி அதை சுட வைக்கவும்.
14. எண்ணெய் சுட்ட பின் அதில் நாம் பொடியாக நறுக்கி வைத்திருக்கும் வெங்காயத்தை போட்டு வெங்காயம் கண்ணாடி பதம் வரும் வரை அதை வதக்கவும்.
15. வெங்காயம் கண்ணாடி பதம் வந்ததும் அதில் நாம் பொடியாக நறுக்கி வைத்திருக்கும் பூண்டு, பச்சை மிளகாய், மற்றும் சிறிதளவு கருவேப்பிலையை போட்டு அதை நன்கு கலந்து விட்டு பூண்டின் பச்சை வாசம் போகும் வரை அதை வதக்கவும்.
16. பின்பு அதில் நாம் நறுக்கி வைத்திருக்கும் தக்காளி, தேவையான அளவு உப்பு, அவரவர் விருப்பத்திற்கேற்ப மிளகாய் தூள், மற்றும் ஒரு மேஜைக்கரண்டி அளவு மிளகு தூள் சேர்த்து நன்கு கிளறி விட்டு தக்காளி நன்கு வதங்கும் வரை அதை வதக்கவும்.
17. தக்காளி நன்கு வதங்கியதும் pan ன் நடுவே ஒரு மேஜைக்கரண்டி அளவு எண்ணெய் ஊற்றி அதில் 2 முட்டையை உடைத்து ஊற்றி நன்கு கலந்து விட்டு அதை தக்காளியுடன் சேர்த்து கிளறி விடவும்.
18. பின்னர் அதில் நாம் சிறு சிறு துண்டுகளாக ஆக்கி வைத்திருக்கும் பரோட்டாவை போட்டு நன்கு கிளறி விடவும்.
19. பின்பு அதில் நாம் பொடியாக நறுக்கி வைத்திருக்கும் கொத்தமல்லியை தூவி ஒரு கிளறு கிளறி அதை எடுத்து ஒரு தட்டில் வைத்து நாம் செய்து வைத்திருக்கும் சிக்கன் சால்னாவுடன் அதை சுட சுட பரிமாறவும்.
20. இப்பொழுது உங்கள் சூடான மற்றும் மிகவும் சுவையான முட்டை கொத்து பரோட்டா மற்றும் சிக்கன் சால்னா தயார். இதை கட்டாயம் உங்கள் வீட்டில் செய்து பார்த்து உங்கள் குடும்பத்தாருடன் சேர்ந்து உண்டு மகிழுங்கள்.

The post முட்டை கொத்து பரோட்டா சிக்கன் சால்னா ரெசிபி appeared first on V MEDIA.

மட்டன் மசாலாவின் சிறப்பு என்னவென்றால் இதை செய்வதற்கு சற்று அதிக நேரம் ஆனாலும் இதை செய்வதற்கு எந்த விதமான கடினமான செய்முறையும் கிடையாது. இதை மிக எளிதாக சமைக்க தெரியாதவர்கள் கூட முதல் முறையிலேயே சரியாக செய்து விடலாம். மட்டன் வேக சிறிது நேரம் பிடிக்கும் என்பதால் தான் மட்டன் மசாலாவை செய்வதற்கு சற்று அதிக நேரம் எடுத்து கொள்கிறது.

மட்டன் மசாலா ரெசிபி

இதைமிக எளிதாக சமைக்க தெரியாதவர்கள் கூட முதல் முறையிலேயே சரியாக செய்து விடலாம்

Prep Time15 mins

Cook Time15 mins

Total Time30 mins

Course: Side Dish

Cuisine: South Indian, Tamil, Tamil Nadu

Keyword: mutton masala

மட்டன் மசாலா செய்ய தேவையான பொருட்கள்

• 750 கிராம் மட்டன்
• 5 to 6 பெரிய வெங்காயம்
• 3 தக்காளி
• 6 பூண்டு பல்
• 2 இஞ்சி துண்டு
• ½ கப் தயிர்
• ½ எலுமிச்சம் பழம்
• 3 to 4 ஏலக்காய்
• 2 பிரியாணி இலை
• 3 to 4 கிராம்பு
• 1 துண்டு பட்டை
• 1 மேஜைக்கரண்டி கிரீன் சில்லி பேஸ்ட்
• ½ மேஜைக்கரண்டி மஞ்சள் தூள்
• 2 மேஜைக்கரண்டி மல்லி தூள்
• 1 மேஜைக்கரண்டி கரம் மசாலா
• 1 மேஜைக்கரண்டி எண்ணெய்
• 3 மேஜைக்கரண்டி நெய்
• தேவையான அளவு மிளகாய் தூள்
• தேவையான அளவு தேவையான அளவு உப்பு
• சிறிதளவு கொத்தமல்லி

மட்டன் மசாலா செய்முறை

1. முதலில் வெங்காயம், தக்காளி, மற்றும் கொத்தமல்லியை நறுக்கி, இஞ்சி பூண்டை பேஸ்ட் ஆக்கி, எலுமிச்சம் பழத்தை பிழிந்து சாறை எடுத்து ஒரு கிண்ணத்தில் வைத்து பின்பு மட்டனை நன்கு சுத்தம் செய்து கழுவி அதை ஒரு தட்டில் வைத்து கொள்ளவும்.

2. இப்பொழுது ஒரு bowl லை எடுத்து அதில் நாம் சுத்தம் செய்து கழுவி வைத்திருக்கும் மட்டனை போட்டு அதனுடன் ஒரு மேஜைக்கரண்டி நாம் செய்து வைத்திருக்கும் இஞ்சி பூண்டு பேஸ்ட், ஒரு மேஜைக்கரண்டி எலுமிச்சை சாறு, மற்றும் தேவையான அளவு உப்பு போட்டு அதை நம் கைகளின் மூலம் நன்கு கலந்து விடவும்.
3. பின்பு அதில் அரை கப் அளவு தயிரை ஊற்றி அதை நன்கு கலந்து விட்டு சுமார் 30 நிமிடத்தில் இருந்து 45 நிமிடம் வரை அதை ஊற விடவும்.
4. மட்டன் ஊறுவதற்குல் ஒரு மிக்ஸி ஜாரை எடுத்து அதில் நாம் நறுக்கி வைத்திருக்கும் தக்காளியை போட்டு அதை நன்கு பேஸ்ட் ஆக்கி எடுத்து ஒரு கிண்ணத்தில் வைத்து கொள்ளவும்.
5. பின்னர் அதே மிக்ஸி ஜாரில் பச்சை மிளகாயை போட்டு அதனுடன் சிறிதளவு உப்பு போட்டு அதை நன்கு அரைத்து பேஸ்ட் ஆக்கி ஒரு கிண்ணத்தில் வைத்து கொள்ளவும்.
6. அடுத்து ஒரு pan னை மிதமான சூட்டில் அடுப்பில் வைத்து அதில் சுமார் ஒரு மேஜைக்கரண்டி எண்ணெய் மற்றும் 3 மேஜைக்கரண்டி அளவு நெய் சேர்த்து அதை உருக விடவும்.
7. நெய் உருகியதும் அதில் ஏலக்காய், பிரியாணி இலை, பட்டை, மற்றும் கிராம்பு போட்டு அதை சுமார் அரை நிமிடம் வரை வதக்கவும்.
8. அரை நிமிடத்திற்கு பிறகு அதில் நாம் நறுக்கி வைத்திருக்கும் வெங்காயத்தை போட்டு வெங்காயம் சிறிது பொன்னிறமாகும் வரை அதை வதக்கவும்.
9. வெங்காயம் சிறிது பொன்னிறமானதும் அதில் ஒரு மேஜைக்கரண்டி அளவு நாம் செய்து வைத்திருக்கும் இஞ்சி பூண்டு பேஸ்ட் மற்றும் ஒரு மேஜைக்கரண்டி அளவு சில்லி பேஸ்ட்டை சேர்த்து இஞ்சி பூண்டு பேஸ்ட்டின் பச்சை வாசம் போகும் வரை அதை வதக்கவும்.
10. இஞ்சி பூண்டு பேஸ்ட்டின் பச்சை வாசம் போனதும் அதில் நாம் ஊற வைத்திருக்கும் மட்டனை சேர்த்து அதை சுமார் 10 லிருந்து 12 நிமிடம் வரை நன்கு கலந்து விடவும்.
11. 12 நிமிடத்திற்கு பிறகு அதில் ஒரு மூடி போட்டு அதை சுமார் 20 லிருந்து 25 நிமிடம் வரை அதை வேக விடவும். (அவ்வப்போது மூடியை திறந்து ஒரு கரண்டியின் மூலம் அதை நன்கு கலந்து விடவும்.)
12. 20 நிமிடத்திற்கு பிறகு மூடியை திறந்து அதை ஒரு கிளறு கிளறி விட்டு பின்பு அதில் மஞ்சள் தூள், மல்லி தூள், அவரவர் விருப்பத்திற்கேற்ப மிளகாய் தூள், மற்றும் தேவையான அளவு உப்பு போட்டு அதை நன்கு கலந்து விட்டு சுமார் 15 லிருந்து 20 நிமிடம் வரை அதை வேக விடவும். (அவ்வப்போது ஒரு கரண்டியின் மூலம் அதை நன்கு கலந்து விடவும்.)
13. 20 நிமிடத்திற்கு பிறகு அதில் நாம் அரைத்து வைத்திருக்கும் தக்காளி பேஸ்ட்டை சேர்த்து அதை சுமார் 5 லிருந்து 7 நிமிடம் வரை நன்கு கிளறி விடவும்.
14. 7 நிமிடத்திற்கு பிறகு அதில் தேவையான அளவு தண்ணீர் ஊற்றி அதை நன்கு கலந்து விட்டு சுமார் 10 லிருந்து 12 நிமிடம் வரை வேக விடவும். (சுமார் 200 லிருந்து 250ml தண்ணீர் சேர்த்தால் சரியாக இருக்கும்.)
15. 12 நிமிடத்திற்கு பிறகு மீண்டும் pan ல் மூடி போட்டு அதை சுமார் 20 லிருந்து 25 நிமிடம் வரை அதை வேக விடவும். (அவ்வப்போது மூடியை திறந்து ஒரு கரண்டியின் மூலம் அதை நன்கு கலந்து விடவும்.)
16. 25 நிமிடத்திற்கு பிறகு மூடியை திறந்து ஒரு கிளறு கிளறி அதில் சிறிதளவு தண்ணீர் சேர்த்து அதை நன்கு கிளறி விட்டு அதில் கரம் மசாலா மற்றும் நாம் நறுக்கி வைத்திருக்கும் கொத்தமல்லி சேர்த்து அதை நன்கு கலந்து விட்டு சுமார் 3 நிமிடம் வரை வேக விடவும்.
17. 3 நிமிடத்திற்கு பிறகு அடுப்பை அணைத்து விட்டு மட்டன் மசாலாவை எடுத்து அதை சப்பாத்தியுடனோ அல்லது நாண்வுடனோ வைத்து சுட சுட பரிமாறவும்.
18. இப்பொழுது உங்கள் சூடான மற்றும் மிகவும் அசத்தலாக இருக்கும் மட்டன் மசாலா தயார். இதை கட்டாயம் உங்கள் வீட்டில் செய்து பார்த்து உங்கள் குடும்பத்தாருடன் சேர்ந்து சுவைத்து மகிழுங்கள்.

The post மட்டன் மசாலா ரெசிபி appeared first on V MEDIA.

புடலங்காய் கூட்டு ரெசிபி

புடலங்காய் கூட்டிற்க்கு என ஒரு கூட்டம் கல்யாண விருந்துகளில் பங்கேற்பார்கள் என்றால் அது மிகை அல்ல. கூட்டுகளில் பல வகை உண்டு. குறிப்பாக அதில் காலிஃபிளவர் கூட்டு, சுரக்காய் கூட்டு, கத்திரிக்காய் கூட்டு, பூசணிக்காய் கூட்டு, வெள்ளரிக்காய் கூட்டு, மற்றும் வாழைத்தண்டு கூட்டு மிகவும் பிரபலமானவை. அதில் நாம் இன்று இங்கு காண இருப்பது புடலங்காய் கூட்டு.

புடலங்காய் கூட்டின் ஸ்பெஷல் என்னவென்றால் இதை நாம் வெகு சுலபமாக எந்த ஒரு சிரமமும் இன்றி குறைந்த நேரத்திலேயே செய்து விடலாம். அது மட்டுமின்றி இதை குறைந்த பொருட்களை வைத்தே நாம் செய்து விடலாம். இதை வெறும் புடலங்காய், கடலை பருப்பு, பாசி பருப்பு, மற்றும் வீட்டில் இருக்கும் பொருட்களை வைத்தே நாம் சுலபமாக செய்து விடலாம். மேலும் புடலங்காயில் தண்ணீர் சத்து மற்றும் பைபர் அதிகமாக இருப்பதனால் இவை நம் உடம்பிற்கு மிகவும் நல்லது.

இப்பொழுது கீழே புடலங்காய் கூட்டு செய்வதற்கு தேவையான பொருட்கள் மற்றும் எளிமையான செய்முறை விளக்கத்தையும் காண்போம்.

வெகு சுலபமாக எந்த ஒரு சிரமமும் இன்றி குறைந்தநேரத்திலேயே செய்து விடலாம்

Prep Time15 mins

Cook Time15 mins

Total Time30 mins

Course: Side Dish

Cuisine: South Indian, Tamil, Tamil Nadu

Keyword: chow chow, chow chow kootu, pudalangai kootu

Servings: 2 people

புடலங்காய் கூட்டு செய்ய தேவையான பொருட்கள்

• 1½ கப் புடலங்காய்
• ¼ கப் கடலை பருப்பு
• ¼ கப் துருவிய தேங்காய்
• 1 மேஜைக்கரண்டி அரிசி மாவு
• 2 மேஜைக்கரண்டி பாசி பருப்பு
• 2 சின்ன வெங்காயம்
• 2 பச்சை மிளகாய்
• 1 மேஜைக்கரண்டி சீரகம்
• ½ மேஜைக்கரண்டி சீரக தூள்
• ¼ மேஜைக்கரண்டி மஞ்சள் தூள்
• ½ மேஜைக்கரண்டி உளுத்தம் பருப்பு
• ¼ மேஜைக்கரண்டி கடுகு
• 1 சிட்டிகை பெருங்காய தூள்
• தேவையான அளவு எண்ணெய்
• தேவையான அளவு தேஉப்பு
• சிறிதளவு கருவேப்பிலை

புடலங்காய் கூட்டு செய்முறை

1. முதலில் வெங்காயம், புடலங்காய், பச்சை மிளகாய், மற்றும் கருவேப்பிலையை நறுக்கி, தேங்காயை துருவி, கடலை பருப்பு மற்றும் பாசி பருப்பை நன்கு சுத்தம் செய்து கழுவி அதை சுமார் 30 லிருந்து 45 நிமிடம் வரை ஊற வைக்கவும்.
2. 45 நிமிடத்திற்கு பிறகு ஒரு குக்கரை மிதமான சூட்டில் அடுப்பில் வைத்து அதில் நாம் ஊற வைத்திருக்கும் கடலை பருப்பு மற்றும் பாசி பருப்பை மீண்டும் ஒரு முறை நன்கு சுத்தம் செய்து போடவும்.
3. பின்பு அதில் கடலை பருப்பு முழுகும் அளவிற்கு தண்ணீர் ஊற்றி அதில் மஞ்சள் தூள், சீரக தூள், தேவையான அளவு உப்பு, மற்றும் நாம் நறுக்கி வைத்திருக்கும் புடலங்காயை போட்டு ஒரு மூடி போட்டு சுமார் 2 விசில் வரும் வரை அதை வேக விடவும். (புடலங்காயை கடைசியாகவே போடவும் அப்பொழுது தான் அது குழைந்து விடாமல் இருக்கும்.)
4. 2 விசில் வருவதற்குள் ஒரு மிக்ஸி ஜாரை எடுத்து அதில் நாம் துருவி வைத்திருக்கும் தேங்காய், நறுக்கி வைத்திருக்கும் சின்ன வெங்காயம், பச்சை மிளகாய், சீரகம், அரிசி மாவு, மற்றும் ஒரு சிட்டிகை அளவு பெருங்காயத்தை போடவும்.
5. பின்னர் அதில் தேவையான அளவு தண்ணீர் ஊற்றி அதை நன்கு கொற கொறப்பான பதத்திற்கு அரைத்து எடுத்து ஒரு கிண்ணத்தில் வைத்து கொள்ளவும்.
6. 2 விசில் வந்ததும் அடுப்பை அணைத்து விட்டு மூடியை திறந்து அதை எடுத்து ஒரு தட்டில் வைத்து கொள்ளவும்.
7. பிறகு ஒரு கடாயை மிதமான சூட்டில் அடுப்பில் வைத்து அதில் நாம் வேக வைத்து எடுத்து வைத்திருக்கும் புடலங்காயை போட்டு அதனுடன் நாம் அரைத்து வைத்திருக்கும் தேங்காய் மற்றும் தேவையான அளவு தண்ணீர் சேர்த்து அதை நன்கு கலந்து விட்டு சுமார் 5 லிருந்து 6 நிமிடம் வரை அதை கொதிக்க விடவும்.
8. 6 நிமிடத்திற்கு பிறகு அடுப்பை அணைத்து விட்டு அதை அப்படியே அடுப்பில் வைத்திருக்கவும்.
9. இப்பொழுது ஒரு pan ஐ மிதமான சூட்டில் அடுப்பில் வைத்து அதில் சுமார் 2 மேஜைக்கரண்டி அளவு எண்ணெய் ஊற்றி அதை சுட வைக்கவும்.
10. எண்ணெய் சுட்ட பின் அதில் கடுகை போட்டு கடுகு வெடித்ததும் அதில் உளுத்தம் பருப்பு மற்றும் கருவேப்பிலை போட்டு உளுத்தம் பருப்பு லேசாக பொன்னிறமாகும் வரை அதை வறுக்கவும்.
11. உளுத்தம் பருப்பு லேசாக பொன்னிறமானதும் அடுப்பை அணைத்து விட்டு அதை எடுத்து நாம் செய்து வைத்திருக்கும் புடலங்காய் கூட்டில் சேர்த்து அதை நன்கு கலந்து விட்டு அதை சுட சுட பரிமாறவும்.
12. இப்பொழுது உங்கள் சூடான மற்றும் மிகவும் அட்டகாசமாக இருக்கும் புடலங்காய் கூட்டு தயார். இதை கட்டாயம் உங்கள் வீட்டில் செய்து பார்த்து உங்கள் குடும்பத்தாருடன் சேர்ந்து உண்டு மகிழுங்கள்.

The post புடலங்காய் கூட்டு ரெசிபி appeared first on V MEDIA.

தயிர் சேமியாவின் ஸ்பெஷல் என்னவென்றால் இதை நாம் குறைந்த பொருட்களை வைத்தே எந்த ஒரு சிரமமுமின்றி வெகு எளிதாக குறைந்த நேரத்திலேயே சுலபமாக செய்து விடலாம். அது மட்டுமின்றி இதில் நாம் பால், மாதுளை விதைகள், முந்திரி பருப்பு, மற்றும் உலர் திராட்சையை சேர்த்து செய்வதால் இவை நம் உடம்பிற்கு மிகவும் நல்லது. மேலும் பாலை குடிக்க அடம் பிடிக்கும் குழந்தைகள் கூட அதை இவ்வாறு சேமியாவில் ஊற்றி கொடுத்தாள் அதை விரும்பி உண்பார்கள்.

இப்பொழுது கீழே தயிர் சேமியா செய்வதற்கு தேவையான பொருட்கள் மற்றும் எளிமையான செய்முறை விளக்கத்தையும் காண்போம்.

தயிர் சேமியா ரெசிபி

விருந்துகளின் போது தயிர் சாதத்திற்கு பதிலாக இந்த ஜில்லென்று இருக்கும் தயிர் சேமியாவை பரிமாறி நம் விருந்தினர்களை அசத்தலாம்.

Prep Time15 mins

Cook Time15 mins

Total Time 30 mins

Course: Main Course, Side Dish

Cuisine: South Indian

தயிர் சேமியா செய்ய தேவையான பொருட்கள்

• 150 கிராம் சேமியா
• ½ கப் மாதுளை விதைகள்
• 350 கிராம் தயிர்
• ½ கப் பால்
• 1 மேசைக்கரண்டி பொடியாக நறுக்கிய இஞ்சி
• 2 பச்சை மிளகாய்
• 10 to 12 முந்திரி பருப்பு
• 10 to 12 உலர் திராட்சை
• ¼ மேசைக்கரண்டி கடுகு
• ¼ மேசைக்கரண்டி சீரகம்
• 1 மேசைக்கரண்டி உளுத்தம் பருப்பு
• 1 மேசைக்கரண்டி கடலை பருப்பு
• 1 மேசைக்கரண்டி எண்ணெய்
• தேவையான அளவு உப்பு
• சிறிதளவு கருவேப்பிலை
• சிறிதளவு கொத்தமல்லி

தயிர் சேமியா செய்முறை

1. முதலில் இஞ்சி, பச்சை மிளகாய், கொத்தமல்லி, கருவேப்பிலை, மற்றும் முந்திரியை நறுக்கி ஒரு தட்டில் வைத்து பின்பு மாதுளம் பழத்தை உரித்து மாதுளை விதைகளை எடுத்து ஒரு கிண்ணத்தில் வைத்து கொள்ளவும்.

2. அடுத்து ஒரு பாத்திரத்தை மிதமான சூட்டில் அடுப்பில் வைத்து அதில் பாலை ஊற்றி அதை ஆடை வரும் வரை சுட வைத்து பின்பு அடுப்பை அணைத்து விட்டு அதை கீழே இறக்கி வைத்து சிறிது நேரம் ஆற விடவும்.
4. பின்பு ஒரு pan ஐ மிதமான சூட்டில் அடுப்பில் வைத்து அதில் சேமியாவை வேக வைப்பதற்கு தேவையான அளவு தண்ணீர் ஊற்றி அதை நன்கு கொதிக்க விடவும்.
5. தண்ணீர் நன்கு கொதித்தவுடன் அதில் சேமியாவை போட்டு பிறகு ஒரு மூடி போட்டு அதை சுமார் 2 நிமிடம் வரை வேக விடவும்.
6. 2 நிமிடத்திற்கு பிறகு அடுப்பை அணைத்து விட்டு தண்ணீர் சூட்டிலேயே சேமியாவை சுமார் 2 லிருந்து 3 நிமிடம் வரை வேக விடவும்.
7. 3 நிமிடத்திற்கு பிறகு மூடியை திறந்து ஒரு கரண்டியின் மூலம் சேமியாவை எடுத்து பச்சை தண்ணீரில் போட்டு பின்பு தண்ணீரை நன்கு வடித்து சேமியாவை எடுத்து ஒரு கிண்ணத்தில் வைத்து கொள்ளவும்.
8. இப்பொழுது ஒரு pan ஐ மிதமான சூட்டில் அடுப்பில் வைத்து அதில் சுமார் ஒரு மேஜைக்கரண்டி அளவு எண்ணெய் ஊற்றி அதை சுட வைக்கவும்.
9. எண்ணெய் சுட்ட பின் அதில் கடுகை போட்டு கடுகு வெடித்தவுடன் அதில் சீரகத்தை போட்டு அதை சுமார் அரை நிமிடம் வரை வறுக்கவும். (சீரகத்தை விரும்பாதவர்கள் அதை தவிர்த்து விடலாம்.)
10. அரை நிமிடத்திற்கு பிறகு அதில் உளுத்தம் பருப்பு மற்றும் கடலை பருப்பை போட்டு உளுத்தம் பருப்பு லேசாக நிறம் மாறும் வரை அதை வறுக்கவும்.
11. உளுத்தம் பருப்பு லேசாக நிறம் மாறியதும் அதில் நாம் பொடியாக நறுக்கி வைத்திருக்கும் இஞ்சி மற்றும் பச்சை மிளகாயை போட்டு இஞ்சியின் பச்சை வாசம் போகும் வரை அதை வதக்கவும்.
12. இஞ்சியின் பச்சை வாசம் போனதும் அதில் நாம் நறுக்கி வைத்திருக்கும் முந்திரி பருப்பு மற்றும் உலர் திராட்சையை போட்டு முந்திரி பருப்பு லேசாக நிறம் மாறும் வரை அதை வறுக்கவும்.
13. முந்திரி பருப்பு லேசாக நிறம் மாறியதும் அதில் கருவேப்பிலையை போட்டு அதை நன்கு கலந்து விட்டு அடுப்பை அணைத்து pan ஜ இறக்கி கீழே வைத்து கொள்ளவும்.
14. அடுத்து ஒரு bowl லை எடுத்து அதில் தயிரை ஊற்றி அதை லேசாக கடைந்து விடவும்.
15. பிறகு வேறு ஒரு bowl லை எடுத்து அதில் நாம் வேக வைத்து எடுத்து வைத்திருக்கும் சேமியாவை போட்டு அதனுடன் தேவையான அளவு உப்பு போட்டு அதை நன்கு கலந்து விடவும்.
16. பின்னர் அதில் நம் கடைந்து வைத்திருக்கும் தயிரை ஊற்றி அதை பக்குவமாக நன்கு கலந்து விடவும்.
17. சேமியாவில் தயிரை ஊற்றி கிளறி விடும் போதே அதில் கொஞ்சம் கொஞ்சமாக பாலையும் சேர்த்து கலந்து விடவும்.
18. பின்பு அதில் நாம் வறுத்து வைத்திருக்கும் உளுத்தம் பருப்பு மற்றும் முந்திரி பருப்பு கலவையை சேர்த்து அதை நன்கு கலந்து விடவும்.
19. கடைசியாக அதில் நாம் உரித்து வைத்திருக்கும் மாதுளை விதைகள் மற்றும் கொத்தமல்லியை சேர்த்து நன்கு கலந்து விட்டு அதை எடுத்து சுமார் ஒரு மணி நேரத்தில் இருந்து ஒன்றரை மணி நேரம் வரை ஃப்ரிட்ஜில் வைக்கவும்.
20. ஒன்றரை மணி நேரத்திற்கு பிறகு தயிர் சேமியாவை ஃப்ரிட்ஜில் இருந்து எடுத்து அதை ஜில்லென்று பரிமாறவும்.
21. இப்பொழுது உங்கள் ஜில்லென்று மற்றும் அட்டகாசமாக இருக்கும் தயிர் சேமியா தயார். இதை கட்டாயம் உங்கள் வீட்டில் செய்து பார்த்து உங்கள் குடும்பத்தாருடன் சேர்ந்து உண்டு மகிழுங்கள்

தயிர் சேமியா ரெசிபி

தயிர் சேமியாவின் ஸ்பெஷல் என்னவென்றால் இதை நாம் குறைந்த பொருட்களை வைத்தே எந்த ஒரு சிரமமுமின்றி வெகு எளிதாக குறைந்த நேரத்திலேயே சுலபமாக செய்து விடலாம். அது மட்டுமின்றி இதில் நாம் பால், மாதுளை விதைகள், முந்திரி பருப்பு, மற்றும் உலர் திராட்சையை சேர்த்து செய்வதால் இவை நம் உடம்பிற்கு மிகவும் நல்லது. மேலும் பாலை குடிக்க அடம் பிடிக்கும் குழந்தைகள் கூட அதை இவ்வாறு சேமியாவில் ஊற்றி கொடுத்தாள் அதை விரும்பி உண்பார்கள்.

இப்பொழுது கீழே தயிர் சேமியா செய்வதற்கு தேவையான பொருட்கள் மற்றும் எளிமையான செய்முறை விளக்கத்தையும் காண்போம்.

(பிரதி செய்யப்பட்டது)

The post தயிர் சேமியா சமையல் குறிப்பு appeared first on V MEDIA.