2026 FIFA உலகக்கிண்ணத்தின் மூன்றாம் நாள் போட்டிகளில் பரபரப்பும் ஆச்சரியங்களும் நிறைந்தன. குழு B போட்டியில் கத்தார் மற்றும் சுவிட்சர்லாந்து அணிகள் 1-1 என சமநிலை பெற்றன. சுவிட்சர்லாந்து அணிக்காக எம்போலோ 17 ஆவது நிமிடத்தில் பெனால்டி மூலம் முதல் கோலை பெற்றுக்கொடுத்தார். பெரும்பகுதி நேரம் முன்னிலையில் இருந்த போதிலும், 94 ஆவது நிமிடத்தில் கத்தாரின் கௌக்கி கோல் அடித்து போட்டியை சமநிலை செய்தார். உலகக்கிண்ண வரலாற்றில் கத்தார் தங்களின் முதல் புள்ளியைப் பதிவு செய்தது.

குழு C-இல் பெரும் எதிர்பார்ப்புடன் நடைபெற்ற பிரேசில் – மொரோக்கோ மோதல் 1-1 என முடிவடைந்தது. மொரோக்கோ அணியின் சாய்பரி 21 ஆவது நிமிடத்தில் கோல் அடித்து முன்னிலை பெற்றுக்கொடுத்தார். 32 வினிசியஸ் ஜூனியரின் ஆவது நிமிடத்தில் அபார கோலால் பிரேசில் தோல்வியிலிருந்து தப்பித்தது.

அதே குழுவில் நடைபெற்ற மற்றொரு போட்டியில் ஸ்கொட்லாந்து, ஹைட்டியை 1-0 என வீழ்த்தி 36 ஆண்டுகளுக்குப் பிறகு உலகக்கிண்ணத்தில் தனது முதல் வெற்றியைப் பதிவு செய்தது. ஜோன் மெக்கின் 29 ஆவது நிமிடத்தில் அடித்த கோலே வெற்றியை உறுதி செய்தது. இந்த வெற்றியால் ஸ்கொட்லாந்து குரூப் C புள்ளிப்பட்டியலில் முதலிடத்துக்குச் சென்றுள்ளது.

குரூப் D போட்டியில் அவுஸ்திரேலியா துருக்கியை எதிர்கொண்டு சிறப்பான ஆட்டத்தை வெளிப்படுத்தியது. 27 ஆவது நிமிடத்தில் இரன்குண்டா கோல் அடித்து முன்னிலை பெற்றுக்கொடுத்தார். 75 ஆவது நிமிடத்தில் மெட்கால்ப் மேலும் ஒரு கோல் சேர்த்து 2-0 வெற்றி பெற்றது.

The post பிரேசில் தடுமாற்றம், ஸ்கொட்லாந்து வெற்றி, கத்தார் வரலாறு படைப்பு, அவுஸ்திரேலியா ஆதிக்கம். appeared first on V MEDIA.

இலங்கை மற்றும் மேற்கிந்திய தீவுகள் அணிகளுக்கிடையில் இன்று(14.06) T20 தொடரின் 2 ஆவது போட்டியாக நடைபெற்றது. இந்த போட்டியில் இலங்கை அணி 37 ஓட்டங்களினால் வெற்றி பெற்று தொடரை 1-1 என்று சமநிலை செய்துள்ளது.

நாணய சுழற்சியில் வெற்றி பெற்ற மேற்கிந்திய தீவுகள் அணி களத்தடுப்பை தெரிவு செய்தது.

முதலில் துடுப்பாடிய இலங்கை அணி 20 ஓவர்களில் 6 விக்கெட்களை இழந்து 194 ஓட்டங்களை பெற்றது. இதில் கமில் மிஷார ஆட்டமிழக்காமல் 61(40) ஓட்டங்களையும், தசுன் ஷானக 58(24) ஓட்டங்களையும், குஷல் மென்டிஸ் 31(19) ஓட்டங்களையும் பெற்றனர்.

பந்துவீச்சில் ஷமர் ஜோசப் 3 விக்கெட்களையும், மத்தியூ போர்ட் 2 விக்கெட்களையும், ஷமர் ஸ்ப்ரிங்கர் 1 விக்கெட்டினையும் கைப்பற்றினர்.

பதிலுக்கு துடுப்பாடிய மேற்கிந்திய தீவுகள் அணி 18.1 ஓவர்களில் சகல விக்கெட்களையும் இழந்து 157 ஓட்டங்களை பெற்றது. இதில் ரோவ்மன் பவல் 43(26) ஓட்டங்களையும், ஷிம்ரோன் ஹெட்மயர் 36(26) ஓட்டங்களையும் பெற்றனர்.

பந்துவீச்சில் துஷ்மந்த சமீர, வனிந்து ஹசரங்க ஆகியோர் தலா 3 விக்கெட்களையும், டுனித் வெல்லாலகே 2 விக்கெட்களையும், மஹீஸ் தீக்ஷண 1 விக்கெட்டினையும் கைப்பற்றினர்.

இந்த போட்டியின் நாயகனாக தசுன் ஷானக தெரிவு செய்யப்பட்டார்.

The post தொடரை சமன் செய்தது இலங்கை appeared first on V MEDIA.

தரம்சலாவில் நடைபெற்ற ஆப்கானிஸ்தானுக்கு எதிரான முதல் ஒருநாள் போட்டியில் இந்திய அணி 7 விக்கெட்களினால் வெற்றி பெற்று 3 போட்டிகள் கொண்ட தொடரில் 1-0 என முன்னிலை பெற்றது. மழை காரணமாக போட்டி 25 ஓவர்களாக குறைக்கப்பட்டது.

முதலில் துடுப்பாடிய ஆப்கானிஸ்தான் அணி 24.5 ஓவர்களில் சகல விக்கெட்களையும் இழந்தது 194 ஓட்டங்களை பெற்றது. இதில் ரஹ்மனுல்லா குர்பாஸ் 102(51) ஓட்டங்களையும், ஹஷ்மத்துல்லா ஷஹிதி 27 ஓட்டங்களையும், அஸ்மதுல்லா ஒமர்சை 26 ஓட்டங்களையும் பெற்றனர். இந்திய பந்துவீச்சில் அறிமுக வீரர்களான ஹர்ஷ் துபே மற்றும் குர்னூர் பிரார் தலா 3 விக்கெட்டுகளையும், அர்ஷ்தீப் சிங், நிதீஷ் குமார் ரெட்டி ஆகியோர் தலா 2 விக்கெட்களையும் கைப்பற்றினர். குர்பாஸின் 48 பந்துச் சதம் ஆப்கானிஸ்தான் வீரர் ஒருவரின் அதிவேக ஒருநாள் சதமாகவும், இந்தியாவிற்கு எதிராக வேகமாக அடிக்கப்பட்ட ஒருநாள் சதமாகவும் பதிவாகியுள்ளது.

195 ஓட்டங்கள் என்ற வெற்றி இலக்குடன் துடுப்பாடிய இந்தியா அணி 22.5 ஓவர்களில் 3 விக்கெட்களை இழந்து 195 ஓட்டங்களை பெற்றது. இதில் ஷுப்மன் கில் ஆட்டமிழக்காமல் 84 ஓட்டங்களையும், இஷன் கிஷன் 34 ஓட்டங்களையும், லோகேஷ் ராகுல் ஆட்டமிழக்காமல் 39 ஓட்டங்கயும் பெற்றனர்.

இந்தப் போட்டியில் சுப்மன் கில் ஒருநாள் கிரிக்கெட்டில் 3,000 ஓட்டங்களை மிக வேகமாக எட்டிய இந்திய வீரர் என்ற சாதனையை படைத்தார்.

இந்த போட்டியின் நாயகனாக ஷுப்மன் கில் தெரிவு செய்யப்பட்டார்.

The post தொடரை வெற்றியோடு ஆரம்பித்தது இந்தியா appeared first on V MEDIA.

2026 FIFA உலகக்கிண்ணக் காற்பந்து தொடரில் இணை நடத்துநாடுகளான கனடா மற்றும் அமெரிக்கா தங்களது முதல் குழுநிலைப் போட்டிகளில் வெவ்வேறு முடிவுகளைப் பதிவு செய்தன.

அதிகாலை 12.30 இற்கு நடைபெற்ற குழு B போட்டியில், கனடா மற்றும் பொஸ்னியா & ஹெர்சிகோவினா அணிகள் 1-1 என்ற கோல் கணக்கில் சமநிலையில் முடித்தன. போட்டியின் 21 ஆவது நிமிடத்தில் ஜோவோ லூகிச் அடித்த கோலால் பொஸ்னியா முன்னிலை பெற்றது. எனினும், மாற்று வீரராக களமிறங்கிய சைல் லரின் 76ஆவது நிமிடத்தில் சமநிலை கோலை அடித்து கனடாவை தோல்வியிலிருந்து காப்பாற்றினார்.

அதிகாலை 06.30 இற்கு நடைபெற்ற மற்றொரு குழு D போட்டியில், அமெரிக்கா 4-1 என்ற கோல் கணக்கில் பரகுவேயை வீழ்த்தி உலகக்கிண்ணப் பயணத்தை வெற்றியுடன் ஆரம்பித்தது. 7 ஆவது நிமிடத்தில் பராகுவே அணியின் சுயகோலின் மூலம் முன்னிலை பெற்ற அமெரிக்காவுக்கு, போலரின் பாலோகன் 32 ஆவது நிமிடத்தில் 2 ஆவது கோலையும், 45+ 5 ஆவது நிமிடத்தில் 3 ஆவது கோலை அடித்தார். பரகுவே சார்பில் மொரிசியோ 73 ஆவது நிமிடத்தில் ஆறுதல் கோல் பெற்றார். ஜியோ ரெய்னா 98 ஆவது நிமிடத்தில் 4 ஆவது கோலை அமெரிக்கா அணிக்காக அடித்தார். இந்த வெற்றி உலகக்கிண்ண வரலாற்றில் அமெரிக்கா ஒரு போட்டியில் அடித்த அதிகபட்ச கோல் எண்ணிக்கையாகவும் அமைந்தது.

The post FIFA உலகக்கிண்ணம் 2026: அமெரிக்கா அபார வெற்றி, கனடா, பொஸ்னியா போட்டி சமநிலை appeared first on V MEDIA.

மேற்கிந்தியத் தீவுகள் மற்றும் இலங்கை அணிகளுக்கிடையிலான முதலாவது T20 போட்டியில் மேற்கிந்திய தீவுகள் அணி 7 விக்கெட்களினால் வெற்றி பெற்று மூன்று போட்டிகள் கொண்ட தொடரில் 1-0 என முன்னிலை பெற்றுள்ளது.

சபினா பார்க் மைதானத்தில் நடைபெற்ற இந்தப் போட்டியில் முதலில் துடுப்பாடிய இலங்கை அணி 20 ஓவர்களில் 9 விக்கெட்களை இழந்து 147 ஓட்டங்களை பெற்றது. இதில் கமிந்து மென்டிஸ் 51(39) ஓட்டங்களையும், குஷல் மென்டிஸ் 36(23) ஓட்டங்களையும் பெற்றனர்.

பந்துவீச்சில் ஜேசன் ஹோல்டர், ஷமர் ஜோசப் ஆகியோர் தலா 3 விக்கெட்களையும், ரொஸ்டன் சேஸ் 1 விக்கெட்டினையும் கைப்பற்றினர்.

148 ஓட்டங்கள் என்ற வெற்றி இலக்குடன் துடுப்பாடிய மேற்கிந்தியத் தீவுகள் அணி 19.2 ஓவர்களில் 3 விக்கெட்களை இழந்து 149 ஓட்டங்களை பெற்றது. இதில் ஷெய் ஹோப் ஆட்டமிழக்கமால் 65(54) ஓட்டங்களையும், ப்ரண்டன் கிங் 37(22) ஓட்டங்களையும் பெற்றனர்.

பந்துவீச்சில் வனிந்து ஹசரங்க 2 விக்கெட்களையும், எஷான் மாலிங்க 1 விக்கெட்டினையும் கைப்பற்றினர்.

The post T20 தொடரை வெற்றியுடன் ஆரம்பித்த மேற்கிந்திய தீவுகள் appeared first on V MEDIA.

2026 FIFA உலகக்கிண்ணத்தின் முதல் நாள் போட்டிகளில் மெக்சிகோ மற்றும் தென்கொரியா அணிகள் வெற்றிகளைப் பதிவு செய்து உலகக்கிண்ணத்தை வெற்றியுடன் ஆரம்பித்துள்ளன.

2026 FIFA உலகக்கிண்ணத்தின் முதலாவது போட்டியாக மெக்சிகோ மற்றும் தென்னாபிரிக்கா அணிகளுக்கிடையில் இன்று (12.06) அதிகாலை 12.30 இற்கு நடைபெற்றது. இந்த போட்டியில் மெக்சிகோ அணி 2-0 என்ற கோல் கணக்கில் வெற்றி பெற்றது. ஜூலியன் குயினோன்ஸ் 9 ஆவது நிமிடத்தில் மெக்சிகோ அணிக்காக போட்டியின் முதல் கோலைப் பதிவு செய்ததுடன், ரவுல் ஜிமனெஸ் இரண்டாவது கோலை அடித்து மெக்சிகோவின் வெற்றியை உறுதிப்படுத்தினார். போட்டியின் இரண்டாம் பாதியில் தென்னாபிரிக்க வீரர் ஸ்பெபெலோ சித்தோல் 49 ஆவது நிமிடத்திலும் மற்றும் தெம்பா ஸ்வானே 84 ஆவது நிமிடத்திலும் ஆகியோர் சிவப்பு அட்டை பெற்று வெளியேற்றப்பட்டதால் அந்த அணி ஒன்பது வீரர்களுடன் போட்டியை நிறைவு செய்துகொண்டது. 90 ஆவது நிமிடத்தில் மெக்சிகோ வீரர் செசார் மொன்டெஸ் சிவப்பு அட்டை பெற்று வெளியேறினார்.

இன்று காலை நடைபெற்ற இரண்டாவது போட்டியில் தென் கொரியா மற்றும் செக்கியா அணிகள் மோதின. இந்த போட்டியில் தென் கொரியா அணி 2-1 என்ற கோல் கணக்கில் போராடி வென்றது. லடிஸ்லவ் கிரெய்சி 59 ஆவது நிமிடத்தில் அடித்த கோலால் செக்கியா அணி முன்னிலை பெற்ற போதிலும், இன்-ப்வாம் ஹ்வாங் 67 ஆவது நிமிடத்தில் சமநிலை கோலை அடித்தார். பின்னர் அவர் வழங்கிய பாஸை ஓ ஹ்யோன்-க்யூ 80 ஆவது நிமிடத்தில் கோலாக மாற்றி தென் கொரியாவிற்கு வெற்றியை தேடிக்கொடுத்தார்.

இந்த முடிவுகளின் அடிப்படையில் குழு A இல் மெக்சிகோ மற்றும் தென்கொரியா அணிகள் தலா மூன்று புள்ளிகளுடன் முன்னிலை வகிக்கின்றன.

The post FIFA உலகக்கிண்ணம் 2026: மெக்சிகோ மற்றும் தென்கொரியா வெற்றியுடன் தொடக்கம் appeared first on V MEDIA.

The post இன்று ஆரம்பிக்கிறது காற்பந்து உலகக்கிண்ண திருவிழா appeared first on V MEDIA.

23 வருடங்களின் பின்னர் இலங்கைக்கு தொடர் வெற்றி. கைகொடுக்கும் புதிய மாற்றம்?! இலங்கை, இந்திய போட்டி தம்புள்ளையில் ஆரம்பம்.

The post 23 வருடங்களின் பின்னர் இலங்கைக்கு தொடர் வெற்றி. இந்திய,இலங்கை போட்டி தம்புள்ளையில் ஆரம்பம். appeared first on V MEDIA.

இந்தியா மற்றும் ஆப்கானிஸ்தான் அணிகளுக்கிடையிலான ஒரே ஒரு டெஸ்ட் போட்டியில் இந்திய அணி அபார ஆதிக்கத்தை வெளிப்படுத்தி, இன்னிங்ஸ் மற்றும் 300 ஓட்டங்கள் வித்தியாசத்தில் வெற்றி பெற்று புதிய வரலாறு படைத்தது. இது இந்தியாவின் டெஸ்ட் வரலாற்றிலேயே மிகப்பெரிய வெற்றியாக பதிவானது.

முதலில் துடுப்பெடுத்தாடிய இந்தியா 8 விக்கெட்டுகளை இழந்து 564 ஓட்டங்களை குவித்த பின்னர் தனது துடுப்பாட்டத்தை நிறுத்தியது. இந்திய துடுப்பாட்ட வீரர்கள் ஆப்கானிஸ்தான் பந்துவீச்சாளர்களை முழுமையாக ஆதிக்கம் செலுத்தினர். சுப்மன் கில் ஓட்டங்களையும் லோகேஷ் ராகுல் 100 ஓட்டங்களையும் பெற்றனர். பந்துவீச்சில் மொஹமட் சலீம் 2 விக்கெட்களை கைப்பற்றினார்.

பதிலுக்கு துடுப்பாடிய ஆப்கானிஸ்தான் அணி முதல் இன்னிங்ஸில் 152 ஓட்டங்களுக்கு சகல விக்கெட்டுகளையும் இழந்தது. அறிமுக டெஸ்ட் போட்டியில் விளையாடிய இடதுகை சுழற்பந்து வீச்சாளர் மனவ் சுதார் 6 விக்கெட்டுகளை வீழ்த்தி இந்தியாவின் வெற்றிக்கான அடித்தளத்தை அமைத்தார்.

412 ஓட்டங்கள் பின்தங்கிய நிலையில் ஆப்கானிஸ்தான் மீண்டும் துடுப்பெடுத்தாட கட்டாயப்படுத்தப்பட்டது. இரண்டாவது இன்னிங்ஸிலும் இந்திய சுழற்பந்து வீச்சாளர்கள் ஆதிக்கம் செலுத்தியதால் ஆப்கானிஸ்தான் 112 ஓட்டங்களுக்கு சுருண்டது. வொஷிங்டன் சுந்தர் 4 விக்கெட்டுகளையும் குல்தீப் யாதவ் 3 விக்கெட்டுகளையும் கைப்பற்றினர்.

அறிமுக டெஸ்ட் போட்டியிலேயே சிறப்பாக பந்துவீசி மொத்தமாக 07 விக்கெட்களை கைப்பற்றி 28 ஓட்டங்களை பெற்றதோடு 3 பிடிகளையும் எடுத்த மானவ் சுதார் போட்டி நாயகன் விருதை வென்றார்.

The post இந்தியாவின் வரலாற்று சாதனை வெற்றி appeared first on V MEDIA.

லாகூரில் நடைபெற்ற அவுஸ்திரேலியா – பாகிஸ்தான் அணிகளுக்கிடையிலான மூன்றாவதும் இறுதியான ஒருநாள் சர்வதேசப் போட்டியில் பாகிஸ்தான் அணி 4 விக்கெட்டுகள் வித்தியாசத்தில் அபார வெற்றி பெற்று தொடரை 2-1 என்ற கணக்கில் கைப்பற்றியது.

முதலில் துடுப்பெடுத்தாடிய அவுஸ்திரேலியா, பாகிஸ்தான் பந்துவீச்சாளர்களின் கட்டுப்படுத்தப்பட்ட பந்துவீச்சுக்கு முகங்கொடுக்க முடியாமல் 42 ஓவர்களில் 157 ஓட்டங்களுக்கு சகல விக்கெட்டுகளையும் இழந்தது. ஜோஷ் இங்கிலிஸ் 65 ஓட்டங்கள் பெற்றதுடன், ஏனைய துடுப்பாட்ட வீரர்கள் பெரிய இணைப்பாட்டங்களை ஏற்படுத்தத் தவறினர்.

பாகிஸ்தான் சார்பில் அணித்தலைவர் ஷகின் ஷா அப்ரிடி அதிரடியான பந்துவீச்சை வெளிப்படுத்தி முக்கிய விக்கெட்டுகளை கைப்பற்றினார். அவரது தாக்குதலான பந்துவீச்சே அவுஸ்திரேலிய அணியை குறைந்த ஓட்ட எண்ணிக்கைக்குள் கட்டுப்படுத்த உதவியது.

158 ஓட்டங்கள் என்ற வெற்றி இலக்கை நோக்கி பதிலுக்கு களமிறங்கிய பாகிஸ்தான் அணி, நிதானமான துடுப்பாட்டத்தை வெளிப்படுத்தி 4 விக்கெட்டுகள் மீதமிருக்க வெற்றியை உறுதிப்படுத்தியது. இதன்மூலம் சொந்த மண்ணில் அவுஸ்திரேலியாவுக்கு எதிரான ஒருநாள் தொடரை வென்றது.

The post அவுஸ்திரேலியாவை வென்று தொடரை கைப்பைப்பற்றியது பாகிஸ்தான் appeared first on V MEDIA.