(past food) ஏற்கனவே தயாரிக்கப்பட்டு பொதிசெய்து வைக்கப்பட்டுள்ள உணவுகள் மூலம் பல்வேறு உடல்நலப் பிரச்சினைகள் ஏற்படுகின்றன.

இந்நிலையில் தற்போதைய காலப்பகுதியில், இவ்வாறான உணவுகளை பயன்படுத்துவதும் அதிகரித்து வருகின்றது. சில சந்தர்ப்பங்களில் தவிர்க்க முடியாத ஒன்றாக மாறியுள்ளது.

இதற்கிடையில் இவ்வாறாக ஏற்கனவே தயாரிக்கப்பட்டு விற்பனை செய்கின்ற, அல்லது கடைகளில் கொள்வனவு செய்து உண்ணுகின்ற உணவு பழக்கவழக்கம் காரணமாக 220 பேர் உயிரிழந்துள்ளதாக அறிவிக்கப்பட்டுள்ளது.

குறித்த மரணங்கள் கடந்த 02 மாதக்காலப்பகுதியில் பதிவாகியுள்ளதாக கொழும்பு மாநகர மேலதிக மரண விசாரணை அதிகாரி இரேஷா தேஷானி சமரவீர தெரிவித்தார்.

 உயிரிழந்தவர்களில் பெரும்பாலானோர் கொழும்பு உள்ளிட்ட புறநகர் பகுதிகளில் வசிப்பவர்கள் எனவும் 45 முதல் 55 வயதுக்கு இடைப்பட்டவர்கள் என்றும் அவர் கூறியுள்ளார்.

குறிப்பாக நூடுல்ஸ், பிரைட்ரைஸ் உள்ளிட்ட உணவுகளை எடுத்துக்கொண்டவர்கள் இவ்வாறு உயிரிழந்துள்ளதாக அவர் தெரிவித்துள்ளார்.

The post past food உணவினால் நிகழும் மரணங்கள்! appeared first on V MEDIA.

பொதுவாகவே சின்ன வெங்காயம் உடலுக்கு பல நன்மைகளை கொடுக்கிறது. ஊட்டச்சத்து நிபுணர்களும் சின்ன வெங்காயம் சேர்க்க பரிந்துரைப்பார்கள்.

அந்த வகையில் சின்ன வெங்காயத்தை தேனில் ஊற வைத்து சாப்பிட்டால் இன்னும் அதன் நன்மைகளை அதிகமாக பெறலாம் என்று கூறப்படுகிறது. அப்படி என்னென்ன நன்மைகளை பெற முடியும் என்று பார்க்கலாம்.

01. இரத்தத்தை சுத்திகரிக்கும்

02. செரிமானத்தை தூண்டும்

03. நச்சு நீக்கி (உடலில் உள்ள நச்சுக்களை நீக்கும்)

04. தூக்கமின்மை குறைபாடு நீங்கும்

05. நோய் எதிர்ப்பு சக்தி அதிகரிக்கும்

06. நெஞ்சு சளியை போக்க உதவும்

07. தொப்பையை குறைக்க உதவும்

The post தினமும் ஒரு சின்ன வெங்காயம்! appeared first on V MEDIA.

நம் உடலை ஆரோக்கியமாக வைப்பதற்கு உணவு பெரும் பகுதி பங்கை வகிக்கிறது என்பதை நாம் அறிவோம். உணவைப் பொறுத்தவரை காய்கறிகள் மற்றும் பழங்கள் நமது உணவின் பிரதான பகுதியாக இருக்க வேண்டும். எல்லா காய்கறிகளையும் பச்சையாக சாப்பிட முடியாது. அந்த வகையில் பச்சையாக சாப்பிட கூடாத காய்கறிகள் சிலவற்றைப் பற்றி இப்பொழுது தெரிந்து கொள்ளலாம்.

சேப்பங்கிழங்கு இலைகள்

இதனை வேக வைத்துதான் உண்ண வேண்டும். ஏன் என்றால் இந்த இலைகளில் இருக்கக்கூடிய அதிக அளவு ஆக்சலேட் நமது உடலுக்கு தீங்கு விளைவிக்க கூடியது.

முட்டைகோஸ்

இதில் நம் கண்ணுக்கு புலப்படாத சில புழுக்கள் இருக்கும். ஆகையால் இந்த கீரையை நாம் எப்போதும் சுடுதண்ணீரில் ஊறவைத்து, அல்லது வேகவைத்து சாப்பிடலாம்.

குடைமிளகாய்

குடைமிளகாயிலும் புழுக்கள் மற்றும் புழுக்களின் முட்டைகள் தங்கி இருக்கலாம். ஆகவே குடைமிளகாயை நறுக்கி அதனை சுடுநீரில் நன்றாக கழுவிய பிறகு அவற்றை சாப்பிட வேண்டும்.

கத்தரிக்காய்

இதிலும் கண்ணுக்கு தெரியாத புழுக்கள் இருக்கலாம். ஆகவே இதனை சமைத்து உண்ணுவது நல்லது.

The post பச்சையாக சாப்பிடக் கூடாத காய்கறிகள்! appeared first on V MEDIA.

30 வயது முதல் 45 வயது வரை உள்ளவர்களுக்கு மாரடைப்பு வருவதற்கான வாய்ப்புகள் அதிகம் என உடலியல் நிபுணர்கள் கூறுகின்றனர்.

கடந்த 2021 ஆம் ஆண்டிலிருந்து இந்த வயதினருக்கு மாரடைப்பு படிப்படியாக அதிகரித்துள்ளதாகவும் அவர்கள் சுட்டிக்காட்டியுள்ளனர்.

அவர்களில் சிலர் மருத்துவமனையில் அனுமதிக்கப்படுவதற்கு முன்பே இறந்துவிட்டதாகவும், சில மருத்துவமனைகளுக்கு மாதந்தோறும் 10 முதல் 15 மாரடைப்பு நோயாளிகள் வருவதாகவும் கூறப்படுகிறது. இவ்வாறு வருகை தருபவர்களில் 90 வீதமானவர்கள் ஆண்கள் எனவும் தெரிவிக்கப்பட்டுள்ளது.

வழக்கமான உணவு முறையின்மை, உடற்பயிற்சியின்மை, புகைபிடித்தல் மற்றும் போதைப்பொருள் பாவனை, மன உளைச்சல் போன்ற காரணங்களால் மாரடைப்பு ஏற்படுவதாக வைத்தியர்கள் சுட்டிக்காட்டுகின்றனர்.

எவ்வாறாயினும், மாரடைப்பு நோயாளிகளின் அதிகரிப்புக்கு ஒரு குறிப்பிட்ட காரணத்தைக் கண்டறிய முடியவில்லை என்று உடல் நோயியல் நிபுணர்கள் சுட்டிக்காட்டுகின்றனர்.

The post ஆண்களே மாரடைப்பு பிரச்சினைகளை அதிகமாக எதிர்கொள்கின்றனர்! appeared first on V MEDIA.

இன்றைய நாட்களில் அதிக சூரிய ஒளியின் காரணமாக சருமத்தை பாதுகாப்பது மிகவும் அவசியமானது என தோல் நோய் வைத்திய நிபுணர் வைத்தியர் நயனி மதரசிங்க தெரிவித்துள்ளார்.

உறைகள் உள்ளிட்ட பாதுகாப்பு நடவடிக்கைகளை பின்பற்றுவதன் மூலம் சருமத்தில் கடுமையான சூரிய ஒளியின் விளைவுகளை குறைக்க முடியும் எனத் தெரிவித்த அவர், சூரிய ஒளியை வலுவாக வெளிப்படுத்துவதன் மூலம் புற்றுநோயை உருவாக்கும் அபாயம் உள்ளதாகவும் சுட்டிக்காட்டியுள்ளார்.

கடுமையான வெயிலினால், காலை 10 மணி முதல் 2 மணி வரை வெளியில் செல்வதைத் தவிர்ப்பது நல்லது. இருப்பினும் நீங்கள் வெளியே செல்ல வேண்டிய தேவை ஏற்பட்டால், சூரிய ஒளியில் இருந்து உங்கள் சருமத்தை கவனித்துக் கொள்வது அவசியம் என வைத்தியர் வலியுறுத்தியுள்ளார்.

மேலும், சூரிய ஒளி தோலில் குறுகிய கால தோல் நிறமாற்றத்தை ஏற்படுத்தும். அத்துடன் சூரிய ஒளியில் நீண்ட நேரம் வெளிப்படுவதால் சருமம் விரைவில் வயதாகிவிடும் த்ன்மையை பெறுகிறது எனவும் அவர் வலியுறுத்தியுள்ளார்.

இதற்காக ஆரோக்கியமான உணவுகளை எடுத்துக்கொள்வதுடன், Body lotionsகளை பயன்படுத்துவது அவசியம் என்றும் அவர் கூறியுள்ளார்.

The post இந்த நாட்களில் சருமத்தை பாதுகாப்பது அவசியம்! appeared first on V MEDIA.

பெண்கள் தங்களது உடல் ஆரோக்கியத்துககு அவசியமான ஊட்டச்சத்துக்களை பெறுவதற்கு முழு தானியங்கள்,  காய்கறிகள்,  பழங்களுடன் விதைகள்,   பருப்புகள்,   உலர் பழங்களையும் சாப்பிட வேண்டும்.

அந்த வகையில் பாதாம், பிஸ்தா,   உலர் திராட்சை, பேரீச்சம் பழம்,   அத்தி ஆகியவற்றில் உடலுக்கு நன்மை தரும் ஏராளமாக ஊட்டச்சத்துக்கள் அடங்கியுள்ளன.

இதில் பாதாமை தினமும் சாப்பிடுவதால் கிடைக்கும் நன்மைகளை தெரிந்துகொள்வோம். பாதாமை ஊறவைத்து அதன் மேல் தோலை நீக்கிய பின்பு சாப்பிடுவதே சிறந்தது.

ஒரு கைப்பிடி அளவு பாதாமை முதல் நாள் இரவு ஊறவைத்து அடுத்தநாள் காலையில் எழுந்தவுடன் காலை உணவுக்கு முன்பாக சாப்பிடலாம். இவ்வாறு தினமும் சாப்பிட்டு வந்தால் புரதச்சத்து, நார்ச்சத்து,   வைட்டமின்கள்,   தாதுக்கள்  ஆன்டிஆக்சிடென்டுகள் மற்றும் ஒமேகா-3 கொழுப்பு அமிலங்கள் பெறலாம்.

தொடர்ந்து பாதாமை சாப்பிட்டு வருவதன் மூலம் சுவாசக்கோளாறு இதய நோய்,   நீரிழிவு நோய்,   சரும பிரச்சனை,   முடி உதிர்வு உள்ளிட்ட பல பிரச்சினைகளை தீர்க்கலாம். 

 தினமும் 6-7 ஊறவைத்த பாதாம் பருப்புகளை சாப்பிடுவதன் மூலம் மலச்சிக்கலில் இருந்து விடுபடலாம். உடல் எடையை குறைப்பதற்கு முயற்சிப்பவர்கள். தினமும் 5 பாதாம் பருப்புகளை சாப்பிட்டு வரவேண்டும். 

அத்துடன்  வயது முதிர்ச்சியால் வரக்கூடிய ஞாபக மறதி நோயை தடுக்கும் ஆற்றல் பாதாமில் உள்ளது. பாதாம் எண்ணெய் கொண்டு சருமத்தை மசாஜ்  செய்து வந்தால் உடலில் ரத்த ஓட்டத்தின் அளவு அதிகரித்து சருமம ஆரோக்கியமாகவும்,   பொலிவுடனும் இருக்கும்.

தினமும் இரவில் தூங்கச்செல்வதற்கு முன்பு முகத்தில் பாதாம் எண்ணெய் தடவி மென்மையாக மசாஜ் செய்து வந்தால் பொலிவு அதிகரிக்கும். மாதவிடாய் நின்ற பெண்கள் தினமும் பாதாம் பருப்பை சாப்பிட்டு வந்தால் சருமத்தில் ஏற்படும் சுருக்கங்களை போக்க முடியும்.

The post தினமும் பாதாம் சாப்பிடுவதால் இவ்வளவு மாற்றம் நிகழுமா? appeared first on V MEDIA.

தற்போதைய காலத்தில் குழந்தைகள் அழுதாலும் சரி அல்லது அவர்கள் குழப்படி செய்யாமல் இருப்பதற்கும் சரி ஸ்மார்ட் தொலைப்பேசிகளை கொடுத்துவிடுகிறோம். அவர்களும் தொலைப்பேசிக்காகவே அடம்பிடிப்பதும் உண்டு.

இப்போது இளைஞர்கள் மத்தியில் மட்டுமில்லாமல், குழந்தைகளின் மத்திலும் கூட ஸ்மார்ட தொலைப்பேசிகளின் பாவனை அதிகமாகவே உள்ளது.

இதனால் ஏற்படுகின்ற பாதிப்புகள் நீண்டகாலத்திற்க இருக்கும். அப்படி என்ன என்ன பாதிப்புகளை எதிர்கொள்கிறார்கள் என்பதை இந்த பதிவில் பார்க்கலாம்.

ஸ்மார்ட் ஃபோன் பாவனையால் அதிகம் பாதிக்கப்படுவது கண்தான். ஃபோன் திரைகளில் இருக்கும் ஒளி இலகுவாக கண்களில் ஊடுறுவும்.

இதன் மூலம் கண்களில் நீர் கசிவது, தலைவலி,   சிவந்த கண்,   கண் உறுத்தல் என பல்வேறு விதமான பாதிப்புகள் அடிக்கடி ஏற்படுகிறது.

இது போன்ற சூழ்நிலைகளிலிருந்து தப்பிப்பதற்காகக் குழந்தைகளை அடிக்கடி கண்காணித்து ஸ்மார்ட்போன் பயன்பாடுகளின் நேரத்தைக் குறைக்க வேண்டும்.

மேலும் வருடாந்திர பரிசோதனைக்கும் அழைத்துச் சென்று பெண்களின் சோதனை செய்து பார்க்க வேண்டும். மேலும் திரையை பார்க்கக்கூடிய கண்ணாடிகளை அணிவதும் கட்டாயமானது.

The post குழந்தைகளுக்கு ஸ்மார்ட் தொலைப்பேசிகளை கொடுப்பதால் ஏற்படும் விளைவுகள்! appeared first on V MEDIA.

வைத்தியசாலைகளில் தாதியர் சேவை செய்வார்கள். அதேபோல ஆடை தொழிற்ச்சாலையில் உள்ள சிறிய மருத்துவ நிலையத்தில் சேவை செய்யும் தாதிகள் மற்றும் அவர்களது சேவைகள் தொடர்பில் அங்குள்ள தாதி ஜெனோபி தன்னுடைய கருத்துக்களை வீடியோ பதிவாக தந்துள்ளார்.

ஆடை தொழிற்சாலை ஒன்றில் ஆயிர கணக்கான பெண்கள் வேலை செய்கின்றனர். அவர்களுக்கு மருத்துவ சேவைகள் உடனுக்குடன் தேவைப்படும். அதனை செய்து வழங்குகின்றனர் ஒமேகா லைன் வவுனியா நிறுவனத்தில் உள்ள தாதியர்கள்.

வைத்திய பரிசோதனைகள், குடும்ப நலம், அவசர சிகிச்சை, மன நல ஆலோசனை என வைத்தியர் உள்ளடங்கலாக முழுமையான வைத்திய சேவையினை ஒமேகா லைன் வவுனியா தனது நிறுவனத்தில் கடமையாற்றும் ஊழியர்களுக்கும், அவர்களது குடும்பத்தினருக்கும் வழங்குகிறது.

கடுமையாக வேலை செய்யும் பெண்களுக்கு, மருத்துவ சேவை செய்வதனை சிறந்த சேவையாக கருதும் இவர்கள் தங்கள் குழுவில் இணைந்து கொள்ள மேலும் தாதியர்களை அழைத்து நிற்கின்றனர். அங்கு சென்று அவர்கள் வழங்கும் சேவைகளை பார்க்கும் போது தாதியர்கள் இவ்வாறுதான் சேவை செய்ய வேண்டுமென்ற உணர்வு ஏற்படுகிறது.

அவர்களது சேவைகள் தொடர்பில் முழுமையாக அறிந்து கள்ள கீழுள்ள வீடியோவினை பாருங்கள்.

The post ஆடை தொழிற் சாலையில் தாதிகளின் சேவை appeared first on V MEDIA.

பெண் பிள்ளைகளின் வாழ்க்கை முன்னேற்றம் என்பது சமூகத்தில் மிக முக்கியமானது. அவ்வாறான முன்னேற்றத்துக்கு அவர்களுடைய தொழில் முக்கியமானது. அவ்வாறான தொழில் வாய்ப்பு கிடைத்துவிட்டால் பெண்கள் இந்த வானத்தில் சிறக்கடித்து பறப்பார்கள்.

போரில் தனது பெற்றோரை இழந்த பெண் ஒருவர், இல்லத்தில் வளர்ந்து தனக்கான ஒரு வேலையை செய்து, தனக்கான வாழ்க்கையை அமைத்து, குடும்பத்தோடு சந்தோசமாக வாழ்ந்து வருகிறார்.

வேலை செய்யுமிடமே அதற்கான காரணம். கண்ணீர் மல்க கோடீஸ்வரி தனக்கு வாழ்க்கை கொடுத்த ஒமேகா லைன் – வவுனியா பற்றி கூறியுள்ளார். அவருடைய பொருளாதாரம் முன்னோக்கி சென்றுள்ளது. வட்டியில்லாத கடன் மூலமாக வீடு கட்ட முடிந்துள்ளது. இவற்றை விட தனக்கு எதுவுமே தெரியாம இருந்த நிலையில், அனைத்துக்கும் பயந்த ஒருவராக இருந்த நிலையில் அவை எல்லாவற்றையும் பயிற்சி மூலமாக இல்லாமல் செய்து தனக்கு பல விடயங்களை சொல்லி தந்துள்ளதாக பெருமிதம் கொள்கிறார் கோடீஸ்வரி.

ஒரு நிறுவனம் தன்னுடைய தொழிலார்களுக்கு சம்பளம் மட்டுமே வழங்குவது முக்கியமல்ல. அவர்களது தனிப்பட்ட திறமைகளை வளர்த்துவிட வேண்டும். இவ்வாறான பெண்களின் சிக்கல்களை, பிரச்சினைகளை களைய வேண்டும். அவ்வாறு செய்து அவர்களது வாழ்வில் ஒரு பங்காளராக இருப்பது பெரிய விடயமே.

ஒமேகா லைன் – வவுனியா, தொழிலார்களுக்கு தேவையான வசதிகளை வழங்கி வருகிறது. உரிய பயிற்சிகளை வழங்குகிறது. அனுபவமானவர்கள், அனுபவமற்றவர்கள் என யாருமே இங்கு இணைந்து கொள்ளாலாம். இங்கு இணைவதன் மூலம் உங்கள் வாழ்க்கையையும் அடுத்த கட்டத்துக்கு முன்னேற்றி செல்லுங்கள்.

பல வேலைகளுக்கு பெண்கள், ஆண்களென வெற்றிடங்கள் காணப்படுகின்றன. கல்வி அறிவு குறைந்தவர்கள், பல்கலை பட்டம் பெற்றவர்கள் என பலவித வேலைவாய்புகள் காத்திருக்கின்றன. ஒமேகா லைனுக்கு தொடர்பு கொள்ளுங்கள். நீங்களும் உங்கள் வாழ்வில் முன்னேறுங்கள்.

வீடியோவினை முழுமையாக பாருங்கள்.

The post சிங்கப்பெண்ணே – போரினால் தாய், தந்தையரை இழந்து முன்னேறிய பெண் appeared first on V MEDIA.

வவுனியா ஒமேகா லைன் தொழிற்சாலையில் ஐந்து வருடங்களை நிறைவு செய்து ஆறாவது வருடத்தை ஆரம்பித்த்துள்ள திருமதி லோஜி, தன்னுடைய வாழ்க்கை மாறியதாகவும் முன்னேற்றமடைந்துள்ளதாகவும் தெரிவித்துள்ளார்.

வாழ்க்கையினை எவ்வாறு வாழவேண்டுமென அறிந்து கொண்டதே இங்கே வேலைக்கு வந்ததன் பின்னர் என தெரிவித்துள்ள அவர், எதிர்கால வாழ்க்கையினை எவ்வாறு வாழவேண்டும், எவ்வாறு திட்டமிட வேண்டும் என பல விடயங்களை அறிந்து கொண்டதாக கூறியுள்ளார்.

பெண்ணாக இருந்து கொண்டு இந்த சமூகத்தில் போராடவும், குடும்பத்தை நடாத்தி செல்வம் இந்த வேலை பெருமளவில் உதவுவதாகவும், தனியே இங்கே வழங்கப்படும் சம்பளம் மட்டுமன்றி வழங்கப்படும் பயிற்சிகள், முகாமைத்து கையாளுகைகள் வாழ்க்கை முகாமைத்துவதை இலகுபடுத்துவதாகவும் தெரிவித்தார்.

மூன்று பிள்ளைகளோடு, வேலை செய்யவும், குடும்பத்தை பராமரிக்கவும் ஒமேகா லைன் வவுனியாவில் வேலை செய்வது கொடுத்து வைத்துள்ளதாகவும் தெரிவித்தார். சகல வசதிகளும், மிகச் சிறப்பான பாதுகாப்பும், நட்புணர்வான முகாமைத்துவ ஊழியர்களும் ஒமேகா லைனில் கிடைப்பது சிறப்பானது என பெருமை கொள்கிறார் லோஜி.

தனது பிள்ளைகளது எத்ரிகாலத்தை இந்த தொழிற்சாலையில் கிடைக்கும் அனுபவம் மூலம் அவர்களை அடுத்த மேல் கட்டம் நோக்கி தான் நகர்த்தி செல்வதாகவும், அவர்களுக்கு நல்ல வசதிகளை வழங்கி சிறந்த கல்வியினையும் வழங்க முடிவதாகவும் தனது சந்தோஷத்தையும் பெருமையையும் வெளிப்படுத்தினார்.

பெண்கள் சமூகத்தில் தலை நிமிர்ந்து நிற்பதற்கு தொழில் முக்கியம். அழுத்தங்கள் அற்ற சிறந்த தொழில் இடம் கிடைத்து விட்டால் அவர்களது உயரம் எட்ட முடியாத அளவுக்கு உயந்து செல்லும். திருமதி லோஜி கூறும் விடயங்களை பார்க்கும் போது அவர் அனுபவிக்கும் சந்தோசம், திருப்தி என்பனவற்றை உணர முடிகிறது.

இவ்வாறான ஒரு தொழிற்சாலையில் வேலை செய்வது சந்தோசம்தான். பலரது வாழ்க்கையில் ஒரு அங்கமாக ஒமேகா லைன் வவுனியா இனைந்துள்ளது என்பது மிகப்பெரிய விடயமே. இத்தாலி நிறுவனம் இலங்கையில் கால் பதித்து, வவுனியாவில் 8 வருடங்களுக்கு முன்னர் ஆரம்பித்து பலரது வாழ்க்கையில் மிக முக்கியமான இடத்தை பிடித்துள்ளது என்பது சிறந்த சலுகைகளுக்கும், முகாமைத்துவத்துக்கும் முன் மாதிரியாக கூறலாம்.

The post “சிங்க பெண்ணே” தரமுயர்ந்த ஆடை தொழிற்சாலை பெண்ணின் வாழ்க்கை appeared first on V MEDIA.