தொடர்ந்து பெய்து வரும் பலத்த மழை காரணமாக வைரஸ் காய்ச்சல் உள்ளிட்ட தொற்று நோய்கள்
பரவும் அபாயம் உள்ளதாக சுகாதாரத்துறை அதிகாரிகள் எச்சரித்துள்ளனர்.

உணவு மற்றும் பானங்களை கொள்வனவு செய்தல் மற்றும் உட்கொள்ளலின் போது பாதுகாப்பு வழிமுறைகளை பின்பற்றுமாறு சுகாதார சேவைகள் பிரதி பணிப்பாளர் நாயகம் வைத்தியர் ஜி.விஜேசூரிய பொதுமக்களுக்கு அறிவுறுத்தியுள்ளார்.

இதேவேளை,வடகிழக்கு மாகாணத்தில் வெள்ளத்தால் பாதிக்கப்பட்ட பகுதிகளில் விசேட டெங்கு கட்டுப்பாட்டு வேலைத்திட்டம் முன்னெடுக்கப்பட்டு வருகின்றது.

தேசிய டெங்கு கட்டுப்பாட்டுப் பிரிவின் சமூக ஆலோசகர் லஹிரு கொடித்துவக்கு, டெங்கு பரவலைத் தடுப்பதற்கு நுளம்புகள் பெருகும் இடங்களை அகற்றுமாறு பிரதேசவாசிகளிடம் கோரிக்கை விடுத்துள்ளார்.

நாட்டில் இந்த வருடத்தின் இதுவரையான காலப்பகுதியில் 45,448 டெங்கு நோயாளர்கள் பதிவாகியுள்ளதுடன், மேல் மாகாணத்தில் மாத்திரம் 19,487 பேர் டெங்கு நோயால் பாதிக்கப்பட்டுள்ளனர்.

டெங்கு காய்ச்சலால் 22 பேர் உயிரிழந்துள்ளமையும் குறிப்பிடத்தக்கது.

The post தொற்று நோய்கள் குறித்து எச்சரிக்கை appeared first on V MEDIA.

ஜனாதிபதி தேர்தல் – 2024 இரத்தினபுரி மாவட்டத்தின் தபால் மூல தேர்தல் முடிவுகள் தற்போது வெளியாகியுள்ளன.

அனுர – 19,186

ரணில் – 6,641

சஜித் – 4,675

நாமல் – 500

தேர்தல் முடிவுகளை உடனுக்குடன் அறிந்துகொள்ள வீ மீடியா இணையதளத்தை பார்வையிடுங்கள்.

The post இரத்தினபுரி மாவட்டத்திற்கான தபால் மூல தேர்தல் முடிவுகள்! appeared first on V MEDIA.

லங்கா பிரீமியர் லீக் கிரிக்கெட் தொடரின் கிண்ணத்தை ஜப்னா கிங்ஸ் அணி நான்காவது தடவையாக வெற்றி பெற்றுள்ளது. இறுதிப் போட்டி ஜப்னா கிங்ஸ் மற்றும் கோல் மார்வலஸ் அணிகளுகளுக்கிடையில் கொழும்பு ஆர்.பிரேமாதச மைதானத்தில் நடைபெற்றது. நாணய சுழற்சியில் வெற்றி பெற்ற யாழ் அணி களத்தடுப்பை தெரிவு செய்தது.

முதலில் துடுப்பாடிய காலி அணி தடுமாறி பின்னர் வலுவான ஓட்ட எண்ணிக்கையை பெற்றுக்கொண்டது. 185 ஓட்டங்கள் என்ற வெற்றியிலக்குடன் களமிறங்கிய யாழ் அணியின் முதல் விக்கெட் முதல் பந்திலேயே வீழந்தது. பத்தும் நிஸ்ஸங்க வெளியேறினார். அதன் பின்னர் ஜோடி சேர்ந்த குஷல் மென்டிஸ், ரிலி ரொசவ் அதிரடியாக துடுப்பாடி ஓட்ட எண்ணிக்கையை அதிகரித்துக் கொடுக்க யாழ் அணியின் வெற்றி வாய்ப்பு இலகுவானது. சத இணைப்பாட்டத்தையும் பூர்த்தி செய்தனர். அவ்வாறே போட்டியையும் நிறைவு செய்தனர். இவர்கள் பெற்றுக்கொண்ட இணைப்பாட்டமே LPL போட்டியில் பெறப்பட்ட கூடுதல் இணைப்பாட்டமாகும். குஷல் மென்டிஸ் ஆட்டமிழக்காமல் 72 (40) ஓட்டங்களையும், ரிலி ரொசவ் ஆட்டமிழக்காமல் 106(53) ஓட்டங்களையும் பெற்றனர். இது அவரின் எட்டாவது 20-20 சதமாகும்.

15.4 ஓவர்களில் 01 விக்கெட்டை இழந்து 185 ஓட்டங்களை பெற்றுக்கொண்டது.

டுவைன் பிரட்ரோரியஸ் 2.4 ஓவர்களில் 18 ஓட்டங்களை வழங்கி 01 விக்கெட்டை கைப்பற்றினார்.

துடுப்பாட்டத்தை ஆரம்பித்த காலி அணி ஆரம்ப விக்கெட்களை வேகமாக இழந்து தடுமாறியது. ஜேசன் பெஹ்ரன்ட்டொப் ஆரம்ப துடுப்பாட்ட வீரர்கள் நிரோஷன் டிக்வெல்லவை 05(08) ஓட்டங்களுடனும், அலெக்ஸ் ஹேல்ஸ் 06(09) ஓட்டங்களுடனும் ஆட்டமிழக்க செய்தார். ஏழாவது ஓவரில் 24 ஓட்டங்களை பெற்ற வேளையில் அசித்த பெர்னாண்டோவின் பந்துவீச்சில் ஜனித் லியனகே 07(08) ஓட்டங்களுடன் ஆட்டமிழந்தார். பானுக்க ராஜபக்ஷ நிதானமாக ஆரம்பித்து அதிரடி நிகழ்த்தி காலி அணியை மீட்டு எடுத்தார். ரிம் செய்பெர்ட்டும் அவருக்கு கைகொடுத்த்து இணைப்பாட்டம் ஒன்றை வழங்கினார். இருவரும் 62 ஓட்டங்களை பகிர்ந்தனர். செய்பேர்ட் 47(37) ஓட்டங்களுடன் ஆட்டமிழந்தார். அதன் பின்னர் பானுக்கவுடன் ஜோடி சேர்ந்தார் ஷகான் ஆராச்சிகே. 72 ஓட்ட இணைப்பாட்டம் முறியடிக்கப்பட செஹான் ஆராச்சிகே 16(14) ஓட்டங்களுடன் ஆட்டமிழந்தார். பானுக ராஜபக்ஷ 82(33) ஓட்டங்களை பெற்றுக்கொண்டார். டுவைன் பிரட்ரோரியஸ் 12(10) ஓட்டங்களை ஆட்டமிழக்காமல் பெற்றார்.

காலி அணியின் துடுப்பாட்டத்தில் முதல் 10 ஓவர்களில் 48 ஓட்டங்கள் மட்டுமே பெறப்பட்டன. 20 ஓவர்கள் நிறைவில் காலி அணி 06 விக்கெட்களை இழந்து 184 ஓட்டங்களை பெற்றது.

யாழ் அணியின் பந்துவீச்சில் ஜேசன் பெஹ்ரன்ட்ஒப் 4 ஓவர்கள் பந்துவீசி ஓட்டங்களை வழங்கி 02 விக்கெட்களை கைப்பற்றினார். அசித்த பெர்னாண்டோ 4 ஓவர்கள் பந்துவீசி 35 ஓட்டங்களை வழங்கி 03 விக்கெட்களை கைப்பற்றினார். அஹ்மதுல்லா ஒமர்ஷாய் 03 ஓவர்கள் பந்துவீசி ஓட்டங்களை வழங்கி 01 விக்கெட்களை கைப்பற்றினார். வியாஸ்காந்த் 3 ஓவர்களில் 39 ஓட்டங்களை வழங்கினார்.

இரு அணிகளும் மூன்றாவது முறையாக இறுதிப் போட்டியில் சந்தித்துள்ளன. மூன்று தடவைகளும் யாழ் அணியே வெற்றி பெற்றுள்ளது.

அணி விபரம்

ஜப்னா கிங்ஸ் – குஷல் மென்டிஸ், அவிஷ்க பெர்னாண்டோ, சரித் அசலங்க, ரிலி ரொசோவ், அசித்த பெர்னாண்டோ, பத்தும் நிஸ்ஸங்க, பேபியன் அல்லென், தனஞ்சய டி சில்வா, அஸ்மதுல்லா ஒமர்ஷாய், விஜயகாந்த் வியாஸ்காந்த், ஜேசன் பெஹ்ரன்டோப்

கோல் மார்வல்ஸ் – பானுக்க ராஜபக்ஷ, நிரோஷன் டிக்வெல்ல, மஹீஸ் தீக்ஷண, ரிம் ஷெய்பேர்ட், அலெக்ஸ் ஹேல்ஸ், ஜனித் லியனகே, டுவைன் ப்ரட்டோரியஸ், ஷஹான் ஆராச்சிகே, பிரபாத் ஜயசூரிய, இசுரு உதான,கவிந்து நதீஷான்

The post LPL – யாழ் அணிக்கு நான்காவது தடவை கிண்ணம் appeared first on V MEDIA.

வவுனியா, மடுகந்த தேசிய பாடசாலை மைதானத்தில் ஏழு மோட்டார் குண்டுகள் கண்டுப்பிடிக்கப்பட்டுள்ளதாக பொலிஸ் விசேட அதிரடிப்படையினர்.

தெரிவித்துள்ளனர்.பாடசாலை வளாகத்தை சுத்தம் செய்யும் போது நிலத்தடியிலிருந்து வெடிக்காத 81 மில்லிமீற்றர் மோட்டார் குண்டுகள் கண்டுப்பிடிக்கப்பட்டுள்ளன.

இவை யுத்தத்தின் போது பயன்படுத்தப்பட்ட குண்டுகள் என தெரிவிக்கப்படுகின்றது.மோட்டார் குண்டுகள் ஆங்காங்கே சிதறிக் கிடந்ததாகவம் அவை வெடித்திருந்தால் பெரும் சேதம் ஏற்பட்டிருக்கும் எனவும் தெரிவிக்கப்பட்டுள்ளது.

The post வவுனியா பாடசாலையொன்றில் யுத்தத்தின் போது பயன்படுத்தப்பட்ட மோட்டார் குண்டுகள் கண்டுபிடிப்பு appeared first on V MEDIA.

மூலனூர் அண்ணா நகர் இளைஞர் அணியால் கலைஞரின் மாபெரும் நூற்றாண்டு நிறைவு விழா நடாத்தப்பட்டது.

மூலனூர், அண்ணாநகர் சமுதாய கூட்டம் வளாகம் சந்தை அருகில் இந்த விழா 26-01-2024 இரவு 7.00 மணி முதல் 27-01-2024 இரவு 8-30 மணி வரை இடம்பெற்றது.

மின்ஒளியில் மாபெரும் கை பந்து போட்டியும் ஏற்பாடு செய்யப்பட்டிருந்தது.

4ம் மண்டலம் திருப்பூர் மாநகராட்சி தலைவரும் திருப்பூர் தெற்கு மாவட்ட செயலாளருமான பத்மநாதன் அவர்களால் போட்டி ஆரம்பித்து வைக்கப்பட்டது.

திரு மக்கள் தெண்டபாணி அவர்கள், மூலனூர் பேரூராட்சி தலைவர், மற்றும் பேரூர் கழக செயலாளர் ஆகியோர் இந்த நிகழ்விற்கு தலைமை வகித்தனர்.

மேலும், இந்ந நிகழ்வில் திரு. துரை தமிழரசு அவர்கள் மூலனூர் மேற்கு ஒன்றிய திமுக செயலாளர்,திரு.எஸ். கார்த்தி அவர்கள் மாநில விளையாட்டு மேம்பாட்டு அணி துணை ச் செயலாளர்,திரு.சி. விஸ்வநாதன் அவர்கள் மூலனூர் பேரூர் கழக அவைத் தலைவர் திரு.வெ. மனோகரன் அவர்கள் செந்தில் அச்சகம் மூலனூர், திரு. அம்பாள் ரவி அவர்கள் 4வது வார்டு கவுன்சிலர் மூலனூர், முத்தான திரு மக்கள் க.தெண்டபாணி திருமதி சுமதி கார்த்தி மூலனூர் ஒன்றிய குழு தலைவர், திரு பாலமுருகன் 9வது வார்டு செயலாளர் திரு. அருண்மொழிவர்மன் இரண்டாம் வார்டு செயலாளர் மூலனூர், திரு.Palanisamy திரு. செந்தில்குமார் 7-வது வார்டு கவுன்சிலர் மூலனூர், திரு கன்னிமார் செல்வராஜ் ஆறாவது வார்டு செயலாளர் மூலனூர். மற்றும் திரு. எஸ் சரவணன் இளைஞர் அணி அமைப்பாளர் மூலனூர் ஆகியோர் முன்னிலை வகித்தனர்.

The post கலைஞரின் மாபெரும் நூற்றாண்டு நிறைவு விழா..! appeared first on V MEDIA.

மட்டக்களப்பு மாவட்டத்தில் மகளிர் உதைப் பந்தாட்ட அணிகளை ஊக்குவிக்கும் நோக்கில் ஏற்பாடு செய்யப்பட்ட உதைப்பந்தாட்ட சுற்றுப்போட்டியின் ஆரம்ப நிகழ்வு கடந்த (01.07) திகதி மிகவும் கோலாகலமாக இடம்பெற்றது.

வேல்முருகன் டிஸ்ரிபியூட்டர்ஸ் ஸ்தாபனத்தினரின் ஏற்பாட்டில், மட்டக்களப்பு வெபர் மைதானத்தில் கடந்த (02.07) திகதி ஆரம்பித்து வைக்கப்பட்ட நிகழ்வில் 4 கல்வி வலயங்களில் இருந்து 16 பாடசாலைகள் கலந்து கொண்டதுடன், போட்டிகள் கடந்த சனிக்கிழமை ஆரம்பித்து வைக்கப்பட்டு இரண்டு நாட்களாக இடம்பெற்றது.

16 பாடசாலை அணிகள் மோதிய இத்தொடரில் நகர்ப்புற தேசியப் பாடசாலைகளுடன் போட்டியிட்டு பலத்த போட்டியின் மத்தியில் 03/00 கோள் வித்தியாசத்தில் முதலாவது இடத்தை மட்டக்களப்பு மேற்கு கல்வி வலயத்திற்கு உட்பட மட்/பன்சேனை பாரி வித்யாலய அணியினர் பெற்றுக்கொண்டு வெற்றி கிண்ணத்தையும் 100,000/= பெறுமதியான விளையாட்டுப் பொருட்களையும் தம்வசப்படுத்தி கொண்டனர்.

மட்/ முனைக்காடு விவேகானந்தா மகா வித்தியாலய அணியினர் இரண்டாவது இடத்தை பெற்று வெற்றிக் கிண்ணத்தையும் 75,000/= பெருமதியான விளையாட்டு உபகரணங்களையும் பெற்றுக் கொண்டனர்.

மூன்றாவது இடத்தை மட்/கட்டு முறிவு குளம் அ.த.பாடசாலை இத்தொடரில் நான்கு போட்டிகளில் கலந்து கொண்டு 06/00, 05/00, 01/01 ,00/06 கோள்களை பெற்று மொத்தமாக இத்தொடரில் 18 கோள்களை போட்டு மூன்றாவது இடத்தை பெற்று 55,000/= பெருமதியான விளையாட்டு உபகரணங்களை பெற்றுக் கொண்டனர்.

மேலும் இத்தொடரில் கலந்து கொண்ட அனைத்து அணிகளுக்கும் பத்தாயிரம் ரூபாய் பெறுமதியான விளையாட்டு உபகரணங்கள் வழங்கி வைக்கப்பட்டதுடன், இத்தொடரின் சிறந்த தொடர் ஆட்டநாயகியாக ஏஸ்.ரூவனிதா மற்றும் இறுதிப் போட்டியின் சிறந்த ஆட்டநாயகியாக பி.ரேணுஸ்கா மற்றும் இத்தொடரின் சிறந்த கோல் கீப்பர் ஆக ஆர்.பிரியதர்ஷனா ஆகியோர் தெரிவு செய்யப்பட்டனர்.

இத்தொடரில் அதிகூடிய கோள்களை பெற்ற என்.நந்தினிக்கு அவரின் திறமைக்கான அங்கீகாரமாக துவிச்சக்கர வண்டி சிறப்பு பரிசாக வழங்கி வைக்கப்பட்டது.

வேல்முருகன் டிஸ்ரிபியூட்டர்ஸ் ஸ்தாபகர் சண்முகம் காசிப்பிள்ளை,
வேல்முருகன் டிஸ்ரிபியூட்டர்ஸ் பங்குதாரர்களான கா.சதீசன், கா.வித்தியா ஆகியோரின் தலைமையில் இடம்பெற்ற இந்த நிகழ்வின் அதிதிகளாக மட்டக்களப்பு வலயக்கல்வி விளையாட்டுக்கான உதவி உடற்கல்வி பணிப்பாளர் வி.லவக்குமார், கல்குடா உடற்கல்வி உதவிக் கல்விப்பணிப்பாளர் த.ரமேஸ், மட்டக்களப்பு மேற்கு உடற்கல்வி உதவிக் கல்விப்பணிப்பாளர் சதாசிவம் சந்திரகுமார், பட்டிருப்பு உடற்கல்வி உதவி பணிப்பாளர் ஆர். உதயகுமார், உதவி ஆணையாளர் தலைமை அலுவலகம் சந்திர ஸ்ரீ சில்வா ஆகியோர் கலந்து கொண்டனர்.

மேலும், கோட்டமுனை விளையாட்டு கழகத்தின் பணிப்பாளர்களான எஸ்.ரஞ்சன், ஈ.சிவநாதன், கோட்டமுனை விளையாட்டுக்கழகத்தின் தலைவர் பீ.சடாட்சரராஜா, செயலாளர் வீ.ஜெயதாசன், நடுவர்கள், விளையாட்டு பயிற்றுவிப்பாளர்கள் உதவிகளுடன் இத்தொடர் சிறப்பாக நடாத்தி வைக்கப்பட்டது. மேலும் இப்போட்டிகளை பார்வையிட ஆசிரியர்கள், மாணவர்கள், பாடசாலைகளின் பழைய மாணவர்கள், பொதுமக்கள், உள்ளிட்ட பலரும் கலந்துகொண்டிருந்தனர்.

The post மாணவிகளுக்கான உதைப்பந்தாட்ட சுற்றுப்போட்டி – சம்பியன் பட்டம் பன்சேனை பாரி வித்யாலய அணிக்கு! appeared first on V MEDIA.

மின்சாரத்தை துண்டிக்க மாட்டோம் என இலங்கை மின்சார சபை அறிவித்துள்ளது.

நாளைய தினம் (03.02) மனு விசாரணைக்கு எடுத்துக் கொள்ளப்படும் வரை மின்சாரத்தை துண்டிக்க மாட்டோம் என இலங்கை மின்சார சபை இன்று உயர் நீதிமன்றத்தில் உறுதியளித்துள்ளது.

உயர்தர பரீட்சை காரணமாக மின்வெட்டு அமுல்படுத்தக்கூடாது என தெரிவித்த போதிலும், மின் துண்டிப்பை அமுல்படுத்தியமை தொடர்பில் வலுசக்தி அமைச்சின் செயலாளர், மின்சார சபை உள்ளிட்ட தரப்பினருக்கு எதிராக, இலங்கை மனித உரிமைகள் ஆணைக்குழுவினால் தாக்கல் செய்யப்பட்ட மனு இன்று பிரித்தி பத்மன் சூரசேன, யசந்த கோதாகொட மற்றும் ஷிரான் குணரத்ன ஆகியோர் அடங்கிய உயர் நீதிமன்ற குழு முன்னிலையில் விசாரணைக்கு எடுத்துக்கொள்ளப்பட்டது.

இதன்போதே நாளைய தினம் (03.02) மனு விசாரணைக்கு எடுத்துக் கொள்ளப்படும் வரை மின் துண்டிக்கப்படாது என இலங்கை மின்சார சபை இன்று உயர் நீதிமன்றத்தில் தெரிவித்துள்ளது.

The post மின் துண்டிப்பு இல்லை – மின்சார சபை! appeared first on V MEDIA.

துறைமுகங்கள் மற்றும் விமான சேவைகள் இராஜாங்க அமைச்சராக பாராளுமன்ற உறுப்பினர் பிரேமலால் ஜயசேகர இன்று பதவிப்பிரமாணம் செய்துகொண்டுள்ளார்.

அதன்படி, பதவியேற்றுள்ள மொத்த இராஜாங்க அமைச்சர்களின் எண்ணிக்கை 38 ஆகும்.

The post மற்றுமொரு இராஜாங்க அமைச்சர் பதவிப்பிரமாணம் appeared first on V MEDIA.

இலங்கையில் காணப்படும் நெலும் குளுன என அழைக்கப்படும் தாமரை கோபுரம் எதிர்வரும் செப்டம்பர் மாதம் 15 ஆம் திகதி வணிக நோக்கத்திற்காக திறக்கப்படவுள்ளதாக இலங்கை ஜனாதிபதி அலுவகம் தெரிவித்துள்ளது.

மேலும், சாதாரண பாஸ் 500 ரூபாவாகவும் தொடர்ந்தும் ஏனைய பாஸ் 2000 ரூபாவாகவும் வெளிநாட்டவருக்கான பாஸ் 20 அமெரிக்க டொலர்களாகவும் அறிவிக்கப்பட்டுள்ளது.

The post புதிதாக திறக்கப்படும் கோபுரம் – டிக்கெட்டின் விலை appeared first on V MEDIA.

The post Company Registration appeared first on V MEDIA.