தலைமன்னார் – ஊருமலை பகுதியில் 4 மில்லியன் ரூபா பெறுமதியான ஐஸ் போதைப்பொருளுடன் இளைஞர் ஒருவர் நேற்று (19/01) கைது செய்யப்பட்டுள்ளார்.
ஊருமலை பகுதியை சேர்ந்த 18 வயதான இளைஞர் ஒருவரே இவ்வாறு ஐஸ் போதைப்பொருளுடன் கைது செய்யப்பட்டுள்ளார்.
கடற்படையினரால் முன்னெடுக்கப்பட்ட விசேட சுற்றிவளைப்பின் போது இவர் கைது செய்யப்பட்டுள்ள நிலையில், சந்தேகத்திற்கிடமான டிங்கி படகொன்றை சோதனைக்குட்படுத்திய போது போதைப்பொருள் கைப்பற்றப்பட்டுள்ளது.
இந்நிலையில், படகிலிருந்து 485 கிராம் ஐஸ் போதைப்பொருள் கைப்பற்றப்பட்டதாக கடற்படையினர் தெரிவித்தனர்.
சம்பவத்துடன் தொடர்புடைய மேலும் இரண்டு சந்தேகநபர்களை தேடி சுற்றிவளைப்புகள் முன்னெடுக்கப்பட்டுள்ளதாக கடற்படையினர் தெரிவித்துள்ளனர்.
