ஆஸியை துரத்தியடித்த இலங்கை

இலங்கை,அவுஸ்திரேலியா அணிகளுக்கிடையில் நடைபெற்ற ஐந்தாவதும்,இறுதியுமான 20-20 போட்டியில் இலங்கை அணி அவுஸ்திரேலியா அணி பெற்ற 154 ஓட்டங்களை துரத்தியடித்து வெற்றி பெற்றது.

இந்தப் போட்டியில் முதலில் துடுப்பாடிய அவுஸ்திரேலியா அணி 20 ஓவர்களில் 6 விக்கெட்களை இழந்து 154 ஓட்டங்களை பெற்றது.இதில் மத்தியூ வேட் ஆட்டமிழக்கமல 43 ஓட்டங்களையும், கிளன் மக்ஸ்வெல் 29 ஓட்டங்களையும் பெற்றனர்.

இலங்கை அணியின் பந்துவீச்சில் லஹிரு குமார, டுஸ்மாந்த சமீர ஆகியோர் தலா 2 விக்கெட்களை கைப்பற்றினார்கள்.

பதிலுக்கு துடுப்பாடிய இலங்கை அணி 19.5 ஓவர்களில் 5 விக்கெட்களை இழந்து 155 ஓட்டங்களை பெற்றது. இதில் குஷல் மென்டிஸ் ஆட்டமிழக்காமல் 69 ஓட்டங்களை பெற்றுக்கொண்டார். தஸூன் சாணக்க 35 ஒட்டங்களையும், சரித் அசலங்க 20 ஓட்டங்களையும் பெற்றனர்.

கேன் ரிச்சர்ட்சன் பந்துவீச்சில் 2 விக்கெட்களை கைப்பற்றினார்.

போட்டியின் நாயகனாக குஷல் மென்டிஸ் தெரிவு செய்யப்பட்ட அதேவேளை, போட்டி தொடர் நாயகனாக கிளன் மக்ஸ்வெல் தெரிவு செய்யப்பட்டார்.

இந்த தொடரை 4-1 என்ற ரீதியில் அவுஸ்திரேலியா அணி வெற்றி பெற்றுள்ளது. அவுஸ்திரேலியா அணி இதுவரையில் 20-20 தொடர்களில் சகல போட்டிகளிலும் வெற்றி பெற்றதில்லை. இந்த தொடரில் அந்த வாய்ப்பு கிடைத்த போதும் இலங்கை அணி அதனை தடுத்துள்ளது.