ஹட்டன், நகர பகுதியில் மக்கள் போராட்டத்தில் ஈடுபடுவதனால் போக்குவரத்து தடை ஏற்பட்டுள்ளது. இலங்கை பெற்றோலிய எரிபொருள் நிரப்பு நிலையங்களில் காலையில் டீசல் வழங்கப்படுமென கூறியிருந்த பொழுதும், எரிபொருள் வராமையினால் வீதி மறியல் போராட்டத்தில் ஈடுபடுகின்றனர்.
நேற்று முதல் மக்களும், ஓட்டுநர்களும் எரிபொருள் நிரப்புவதற்காக வீதிகளில் வரிசைகளில் காத்து நிற்கின்றனர். நேற்றைய தினம் எரிபொருள் கிடைக்காத நிலையில் குழப்பமடைந்தனர்.இதன் காரணமாக பதட்ட சூழ் நிலை ஏற்பட்டது.
இன்றைய தினம் காலை முதல் மீண்டும் வரிசையில் காத்திருந்த மக்கள் எரிபொருள் வராத நிலையில்,
வாகனங்களை மறித்து வீதி மறியல் போராட்டங்களில் ஈடுபடுகின்றனர். இந்த போராட்டம் காரணமாக ஹட்டன் நகர பகுதியில் பதட்டமான சூழ்நிலை உருவாகியுள்ளது.
