கொழும்பிலிருந்து கொழும்பு வடக்கு பகுதியினூடாக வெளியேறும் முக்கிய வீதியான பேஸ்லைன் வீதியினை தெமட்டகொட சந்தியில் மறித்து மக்கள் போராட்டத்தில் ஈடுபடுகின்றனர். சமையல் எரிவாயு வேண்டுமென கோரி சிலிண்டர்களை வீதிக்கு குறுக்காக அடுக்கி வைத்து அதற்கு மேல் அமர்ந்திருந்து மக்கள் போராட்டத்தில் ஈடுபடுகின்றனர்.
போராட்டத்தில் ஈடுபடுகின்றவர்கள், வாகன போக்குவரத்தாளர்களிடம் மன்னிப்பினை கோரியுள்ளனர். வேறு வழியின்றி இந்த போராட்டத்தில் ஈடுபடுவதாகவும், இவ்வாறு செய்வதன் மூலமே அரசாங்கத்துக்கு செய்தியினை அனுப்ப முடியுமெனவும் அவர்கள் மேலும் தெரிவித்துள்ளனர். வைத்தியசாலைக்கான வாகனங்களை தவிர வேற எந்த வாகனங்களையும் அனுமதிக்க மாட்டோம் என்ற தகவல்களையும் வழங்கியுள்ளனர்.
சமையல் எரிவாயு கிடைக்கும் வரை தாங்கள் இந்த வீதியினூடாக போக்குவரத்துக்கு இடம் வழங்கப்போவதில்லை எனவும் மேலும் கூறியுள்ளனர். இந்த போராட்டத்தின் மூலமாக தங்களுடைய இலாபத்தை மட்டும், வியாபாரத்த்தை மட்டும் நோக்காக கொண்டு உழைக்கும் கறுப்பு சந்தை வியாபாரிகளுக்கும் இந்த போராட்டத்தின் மூலம் இவ்வாறு செயற்பட வேண்டாமென்ற தகவலையும் வழங்குவதாக தெரிவித்துள்ளனர்.
