அவுஸ்திரேலியாவுக்கு சட்டவிரோதமாக பயணிக்க முயற்சி செய்த வவுனியாவை சேர்ந்த 8 நபர்கள் புத்தளம், கருவலகஸ்வெவ பொலிஸாரினால் கைது செய்யப்பட்டுள்ளனர். இந்த 8 பேரில் ஒரு பெண்ணும், நடுத்தர வயதுடைய ஆணும் அடங்குவதாகவும், மற்றையவர்கள் இளவயது ஆண்கள் எனவும் பொலிஸார் தெரிவித்துள்ளனர்.
கைது செய்யப்பட்டவர்கள் வவுனியா நெடுங்கேணி, கீரிசுட்டான், பாலமோட்டை, குஞ்சுக்குளம், கொந்தகாரன்குளம் பகுதிகளை சேர்ந்தவர்கள் என தெரியவந்துள்ளது.
சந்தேகத்துக்குரிய முறையில் நடமாடியதாக பொலிஸாருக்கு கிடைத்த தகவலை அடுத்து இவர்களை கைது செய்த பொலிஸார் விசாரணைகளை மேற்கொண்டுள்ளனர். நேற்று கைது செய்யப்பட்ட இவர்கள் நீதிமன்றில் முன்னிலைப்படுத்தப்படவுளள்னர்.
