லங்கா பிரீமியர் லீக் கிரிக்கெட் போட்டி தொடருக்கான திகதியினை இலங்கை கிரிக்கெட் அறிவித்துள்ளது. மூன்றாவது LPL தொடர் எதிர்வரும் ஜூலை மாதம் 31 ஆம் திகதி முதல் ஓகஸ்ட் மாதம் 21 ஆம் திகதி வரையும் நடைபெறவுள்ளதாக அறிவிக்கப்பட்டுள்ளது.
இம் முறை தொடரின் ஆரம்ப கட்ட போட்டிகள் கொழும்பு ஆர்.பிரேமதாச கிரிக்கெட் மைதானத்தில் நடைபெறவுள்ளன. இரண்டாம் கட்ட போட்டிகள் ஹம்பாந்தோட்டை மஹிந்த ராஜபக்ஷ சர்வதேச கிரிக்கெட் மைதானத்திலும் நடைபெறவுள்ளன.
ஐந்து அணிகள் பங்குபற்றும் இந்த தொடரில் 24 போட்டிகள் விளையாடப்படவுள்ளன. சர்வதேச வீரர்களுக்கான பதிவுகள் மிக விரைவில் ஆரம்பிக்கவுள்ளதாகவும் இலங்கை கிரிக்கெட் மேலும் அறிவித்துள்ளது.
