தென்னாபிரிக்கா அணி அதிரடி வெற்றி

ICC T20 உலக கிண்ண கிரிக்கெட் தொடரின் இன்றைய முதற் போட்டியில் தென்னாபிரிக்கா மற்றும் பங்களாதேஷ் அணிகள் மோதின. இந்தப் போட்டியில் அதிரடியாக துடுப்பாடிய தென்னாபிரிக்கா அணி பந்துவீச்சிலும் அபாரமாக செயற்பட்டு பங்களாதேஷ் அணியினை உருட்டி எடுத்துவிட்டது. 104 ஓட்டங்களினால் வெற்றி பெற்று குழு நிலையில் உயரிய சராசரி வேகத்தை தனதாக்கியுள்ளது.

தென்னாபிரிக்கா அணி சார்பாக ரிலி ரொசோவ் சதமடித்தார். குயின்டன் டி கொக் அவருடன் 170 ஓட்டங்களை இணைப்பாட்டமாக பகிர்ந்தார். இருவரது ஆட்டமிழப்பை தொடர்ந்து அடுத்தடுத்த விக்கெட்கள் வீழ்ந்தமையினால் ஓட்டங்கள் மட்டுப்படுத்தப்பட்டன. தென்னாபிரிக்கா அணி அடித்த அடிக்கு 250 ஓட்டங்கள் வரை சென்றிருக்க வேண்டும். ஆனால் தவறிப் போனது.

பங்களாதேஷ் அணியின் துடுப்பாட்டம் சோபிக்க தவறியது. அன்றிச் நோக்யா, ரப்ரைஸ் ஷம்ஸி ஆகியோர் பங்களாதேஷ் அணியின் விக்கெட்களை பதம் பார்த்தனர்.

தென்னாபிரிக்கா, சிம்பாவே அணிகளுக்கிடையிலான போட்டி கைவிடப்பட்ட நிலையில், இந்தப் போட்டியில் அபாரமாக அடிதாடி எதிர்பார்த்தத்துக்கு மேலாக தாம் பலமாக இருப்பதாக தென்னாபிரிக்கா அணி நிரூபித்துள்ளது.