பாகிஸ்தானுக்கு அதிர்ச்சி வைத்தியம்

சிம்பாவே மற்றும் பாகிஸ்தான் அணிகளுக்கிடையில் இன்று (27.10) பேர்த்தில் நடைபெற்ற பன்னிரண்டாவது நாளின் மூன்றாவது போட்டியில் சிம்பாவே அணி 01 ஓட்டத்தினால் வெற்றி பெற்றுள்ளது.

சிம்பாவே அணி வெற்றி பெறும் நிலையில் இருந்த போது மொஹமட் நவாஸ் போட்டியினை பாகிஸ்தான் அணியின் பக்கமாக திருப்பினார். 3 பந்துகளில் 3 ஓட்டங்கள் தேவை என்ற நிலையில் மொஹமட் நவாஸ் ஆட்டமிழந்தார். அடுத்த பந்தில் ஓட்டம் பெறமுடியவில்லை. இறுதி பந்தில் இரணடாவது ஓட்டம் பெறப்படும் போது ரன் அவுட் முறையில் விக்கெட் வீழ்த்தப்பட்டது.

இரு அணிகளும் துடுப்பாட்டத்தில் தடுமாறி வந்தன. பந்து வீச்சாளர்கள் ஆதிக்கம் செலுத்தினர். சிம்பாவே அணி சார்பாக ஆரம்பம் சிறப்பாக அமைந்தது. அனால் மத்திய வரிசை சரியாக துடுப்பாடவில்லை.

பந்துவீச்சில் மொஹமட் வசிம் சிறப்பாக பந்துவீசினார். ஷதாப் கானும் நல்ல முறையில் பந்துவீசினார்.

பதிலுக்கு துடுப்பாடிய பாகிஸ்தான் அணி ஆரம்பம் முதலே தடுமாறி வந்தது. ஷான் மசூட் நல்ல முறையில் துடுப்பாடிய போதும் மறுபக்கமாக விக்கெட்கள் வீழந்தமை போட்டியில் பாகிஸ்தான் அணி தோல்வியடைய முக்கியமான காரணமாக அமைந்தது.

சிம்பாவே அணி சார்பாக சிகண்டார் ரஷா சிறப்பான பந்துவீச்சை வெளிப்படுத்தினார். இறுதி ஓவர் அடங்கலாக பிரட் இவன்ஸ் நல்ல முறையில் பந்துவீசினார்.

இந்த தோல்வியின் மூலம் பாகிஸ்தான் அணியின் அடுத்து சுற்றுக்கான வாய்ப்புகள் சந்தேகத்துக்கான நிலையினை ஏற்படுத்தியுள்ளது. விளையாடிய இரண்டு போட்டிகளிலும் பாகிஸ்தான் அணி தோல்வியடைந்துள்ளது. தென்னாபிரிக்கா அணியுடன் நடைபெறவுள்ள போட்டியில் கட்டாயம் வெற்றி பெற்றாலேயே அடுத்த சுற்று வாய்ப்பு கிடைக்கும் என்ற நிலை ஏற்பட்டுள்ளது.

நாணய சுழற்சியில் வெற்றி சிம்பாவே அணி துடுப்பாட்டத்தை தெரிவு செய்தது.