கட்டாரில் நடைபெற்று வரும் உலக கிண்ண தொடரின் இன்றைய முதற் போட்டியில் கொஸ்டரிக்கா அணி ஜப்பான் அணியினை வெற்றி பெற்றது. இந்த வெற்றியின் மூலம் முதற் போட்டியில் ஸ்பெயின் அணியிடம் மிக மோசமான தோல்வியினை சந்தித்த கொஸ்டரிக்கா அணி மீள் வருகை ஒன்றை வழங்கி அடுத்த சுற்று வாய்ப்பை தக்க வைத்துள்ளது.
ஜப்பான் அணி ஜெர்மனி அணியினை வெற்றி பெற்றதன் மூலம் கொஸ்டரிக்கா அணியினை வெற்றி பெற்று அடுத்த சுற்று வாய்ப்பை ஏற்படுத்தும் என எதிர்பார்க்கப்பட்டது. இவ்வாறான நிலையில் மாறிய இந்த முடிவினால் ஜேர்மனி அடுத்த சுற்றுக்கு தெரிவாகவும் வாய்ப்பும் இலகுவாகியுள்ளது. இந்த குழுவில் 2 போட்டிகளை தோல்வியடைந்த அணி அடுத்த சுற்றுக்கு தெரிவாகும் வாய்ப்பும் காணப்படுகிறது.
ஜப்பான், கொஸ்டரிக்கா அணி போட்டி ஆரம்பம் முதல் விறு விறுப்பாகவும் கடுமையான போட்டியாகவும் அமைந்தது. 81 ஆவது நிமிடத்தில் புலர் ஸ்பென்சர் அடித்த கோல் மூலமாக கொஸ்டரிக்கா அணி 1 -0 என வெற்றி பெற்றது.