விஜஸ்காந்தின் பந்துவீச்சு மூலம் யாழ் அணி இலகு வெற்றி

லங்கா பிரீமியர் லீக் கிரிக்கெட் தொடரின் இரண்டாம் நாளான இன்றைய முதற் போட்டியில் ஜப்னா கிங்ஸ் அணி மிக அபாரமாக விளையாடி, தம்புள்ள ஓரா அணியை வெற்றி பெற்றுள்ளது. விஜயகாந்த் விஜயஸ்காந்தின் சிறந்த பந்துவீச்சு மற்றும் ஜப்னா கிங்ஸ் அணியின் துடுப்பாட்ட வீரர்கள் அவிஷ்க பெர்னாண்டோ மற்றும் சதீர சமரவிக்ரம ஆகியோரின் சிறப்பான துடுப்பாட்டம் யாழ் அணிக்கான வெற்றியினை இலக்கு படுத்தியது.

நாணய சுழற்சியில் வெற்றி பெற்ற தம்புள்ள ஓரா அணி துடுப்பாட்டத்தை தெரிவு செய்து துடுப்பாடி 20 ஓவர்களில் 09 விக்கெட்களை இழந்து 121 ஓட்டங்களை பெற்றது.

122 ஓட்டங்கள் என்ற வெற்றியிலக்குடன் துடுப்பாடிய ஜப்னா கிங்ஸ் அணி 15.4 ஓவர்களில் 01 விக்கெட்டை இழந்து 09 விக்கெட்களினால் வெற்றி பெற்றது.

அவிஷ்க பெர்னாண்டோ இலங்கை அணிக்கு திரும்புவதற்கு இந்த தொடரில் ஓட்டங்களை பெறுவதற்கு முக்கியமானதாக கருதப்படுகிறது. கடந்த போட்டியில் பிரகாசிக்க தவறியவர் இந்தப் போட்டியில் சிறப்பாக துடுப்பாடியுள்ளார். சதீர சமரவிக்ரம ஏற்கனவே LPL தொடரில் சதம் பெற்றுள்ளனர் இந்தப் போட்டியில் சிறப்பாக துடுப்பாடி அரைச்சதத்தை பூர்த்தி செய்தார்.

தம்புள்ள அணி சிறந்த ஆரம்பத்தை பெற்ற போதும், விஜயஸ்காந்த் அதனை முறியடித்தார். அபாரமாக பந்துவீசி அவர் மூன்று விக்கெட்களை கைப்பற்றினார். முக்கியமான முதல் இரண்டு விக்கெட்களை கைப்பற்றி யாழ் அணிக்கு பலம் வழங்கினார். மஹீஸ் தீக்க்ஷண சிறப்பாக பந்துவீசி 3 விக்கெட்களை கைப்பற்றினார்.

தம்புள்ள அணி சார்பாக ஜோர்டான் கொக்ஸ் அதிரடியாக துடுப்பாடி 43 ஓட்டங்களை பெற்றுக் கொடுத்தார்.

ஜப்னா கிங்ஸ்

திசர பெரேரா, அவிஷ்க பெர்னாண்டோ,அஷான் ரண்டிக, தனஞ்சய டி சில்வா, ஜேம்ஸ் புல்லர், சொஹைப் மலிக், சமான் கான், டுனித் வெல்லாளகே, மஹீஸ் தீக்ஷண, விஜயகாந்த் விஜாஸ்காந், சதீர சமரவிக்ரம.      

தம்புள்ள ஓரா

தஸூன் சாணக்க, ஷெவான் டானியல், ஜோர்டான் கொக்ஸ், பானுக்கா ராஜபக்ஷ, ரமேஷ் மென்டிஸ், லஹிரு மதுஷங்க, சிகான்டர் ரஷா, லஹிரு குமாரா, சதுரங்க டி சில்வா, நூர் அஹமட், பவுல் வன் மீகறன்