யாழ் அணிக்கு வெற்றி. விஜயஸ்காந் சிறப்பு.

ஜப்னா கிங்ஸ் மற்றும், கோல் க்ளாடியேற்றஸ் அணிகளுக்கிடையிலான லங்கா பிரீமியர் லீக் கிரிக்கெட் தொடரில் யாழ் அணி 16 ஓட்டங்களினால் வெற்றி பெற்றுள்ளது.

காலி அணி 20 ஓவர்கள் நிறைவில் 09 விக்கெட்களை இழந்து 154 ஓட்டங்களை பெற்றுக் கொண்டது.

171 ஓட்டங்கள் என்ற வெற்றியிலக்குடன் துடுப்பாடிய காலி அணிக்கு அதன் தலைவர் குஷல் மென்டிஸ் நல்ல ஆரம்பத்தை வழங்கினார். மறுபக்கம் இரண்டு விக்கெட்கள் வேகமாக பினுர பெர்னான்டோவின் பந்துவீச்சில் வீழ்த்தப்பட தடுமாற்றம் ஏற்பட்டது. வேகமாக துடுப்பாட முடியாத நிலை ஏற்பட்டது. நிதானம் கலந்த வேகமான துடுப்பாட்டத்துடன் குஷல் மென்டிஸ் ஓட்ட எண்ணிக்கையினை உயர்த்தினார்.

நுவனிது பெர்னாண்டோ, இப்திகார் அஹமட், இமாட் வசீம் ஆகியோர் மேன்டிஸ்க்கு இணைப்பாட்டம் வழங்க கடினமான இலக்கை துரத்த ஆரம்பித்தது காலி அணி. ஆனாலும் இணைப்பாடங்கள் முறியடிக்கப்பட வெற்றியினை நோக்கி நகர முடியவில்லை.

யாழ் அணி சார்பாக மத்திய வரிசை இணைப்பாட்டங்களை விஜயகாந்த் விஜயஸ்காந் முறியடித்து கொடுத்தார். இரு சிறந்த பிடிகளையும் பிடித்து யாழ் அணியின் வெற்றிக்கு காரணமானார்.

முன்னதாக யாழ் அணியின் ஆரம்பம் சிறப்பாக அமைய மத்திய வரிசை துடுப்பாட்ட வீரர்கள் அதிரடியாக துடுப்பாடி ஓட்ட எண்ணிக்கையினை உயர்த்தினார். குறிப்பாக அபிப் ஹொசைன் நல்ல முறையில் துடுப்பாடி அரைச்சதத்தை பூர்த்தி செய்தார்.

சாதீர சமரவிக்ரம தொடர்ச்சியாக ஓட்டங்களை பெற்று வருகின்றார். திசர பெரேரா அதிரடியாக அடித்தாடி ஓட்டங்களை இன்றும் உயர்த்தினார்.

காலி அணி அடுத்த சுற்றுக்கு தெரிவாகத நிலையில் பலமான யாழ் அணியினை வெற்றி பெற்றாலே அடுத்த சுற்றுக்கு தெரிவாக முடியும் என்ற நிலையில் இன்றைய தோல்வி அவர்களுக்கு அடுத்த சுற்றுக்கு தெரிவு செய்யப்படுவதனை கடினமாக்கியுள்ளது. தம்புள்ள அணியுடன் வெற்றி பெறவேண்டும் என்ற நிலை உருவாகியுள்ளது. ஆனாலும் கண்டி அணியுடன் தம்புள்ள அணியுடன் தோல்வியடைந்தால் அதிக வாய்ப்புகள் காலி அணிக்கே காணப்படுகிறது.

யாழ் அணி அடுத்த சுற்று வாய்ப்பை பெற்றுள்ள நிலையில் இன்று வெற்றி பெற்றால் அவர்களுக்கு இரண்டாம் இடம் முழுமையாக உறுதியாகிவிடும் என்ற நிலை காணப்படுகிறது.