யாழ் அணிக்கு இலகு வெற்றி. இறுதிப் போட்டிக்குத் தெரிவானது.

ஜப்னா கிங்ஸ் அணி கண்டி பல்கொன்ஸ் அணியினை டக் வேர்த் லூயிஸ் முறைப்படி 24 ஓட்டங்களினால் வெற்றி பெற்று இறுதிப் போட்டிக்குத் தெரிவாகியுள்ளது. கண்டி அணி நிர்ணயித்த 144 ஓட்டங்கள் என்ற இலக்கினை துரத்தி 11 ஓவர்களில் 03 விக்கெட்களை இழந்து 98 ஓட்டங்களை பெற்ற நிலையில் போட்டி மழை காரணமாக இடை நிறுத்தப்பட்டது. மீண்டும் ஆர்மபிக்க முடியாத நிலையில் போட்டி நிறைவு செய்யப்பட்டது. இடை நிறுத்தும் போது 74 ஓட்டங்கள் பெற்றிருந்தால் போதும் என்ற நிலையில் யாழ் அணி 24 ஓட்டங்களினால் வெற்றி பெற்றது.

லங்கா பிரீமியர் லீக் கிரிக்கெட் தொடரின் முதலாவது தெரிவுகாண் போட்டி ஜப்னா கிங்ஸ், கண்டி பல்கொன்ஸ் அணிகளுக்கிடையில் கொழும்பு R.பிரேமதாச மைதானத்தில் நடைபெற்றது.

யாழ் அணி சார்பாக விஜயகாந் வியாஸ்காந்தின் சிறப்பான பந்துவீச்சின் மூலம் கண்டி பல்கொன்ஸ் அணியை ஜப்னா கிங்ஸ் வெற்றி பெற்றுள்ளது. கண்டி பல்கொன்ஸ் அணியின் முக்கியமான மூன்று விக்கெட்களை அவர் கைப்பற்றினார்.

யாழ் அணியின் துடுப்பாட்டம் ஆரம்பம் முதலே அதிரடியாக அமைந்தது. இருப்பினும் தொடர் முழுவதுமே விக்கெட்களை தொடர்ந்த்து கைப்பற்றி முதலிடத்தில் காணப்படும் கார்லோஸ் ப்ராத்வைட் இந்தப் போட்டியிலும் விக்கெட்களை கைப்பற்றி யாழ் அணிக்கு தடுமாற்றத்தை வழங்கினார். மத்திய வரிசையில் டுனித் வெல்லாளகே மற்றும் சதீர சமரவிக்ரம ஆகியோர் பொறுமையாக நிதானம் காத்து இலக்குக்கு ஏற்றபடி துடுப்பாடி ஓட்ட எண்ணிக்கையினை உயர்த்தினார்கள். வெல்லாளகேயிற்க்கு இன்றே சரியான துடுப்பாட்ட இடம் வழங்கப்பட்டுள்ளது. ஆனால் அதனை அவர் தொடர முடியாமல் மழை கெடுத்து விட்டது.

சாமிக்க கருணாரட்ன தசை பிடிப்பு காரணமாக மைதானத்தை விட்டு பந்துவீச்சின் நடுவே வெளியேறினார்.

இந்தப் போட்டியில் நாணய சுழற்சயில் வெற்றி பெற்று துடுப்பாடிய கண்டி அணி 20 ஓவர்களில் 08 விக்கெட்களை இழந்து 143 ஓட்டங்களை பெற்றது.

கண்டி அணியின் முதல் விக்கெட் வேகமாக வீழ்த்தப்பட்ட போதும், இரண்டாவது விக்கெட் இணைப்பாட்டம் சிறப்பாக அமைந்தது. பத்தும் நிஸ்ஸங்க, கமிண்டு மென்டிஸ் இருவரும் இணைந்து 61 ஓட்டங்களை பகிர்ந்த நிலையில் வியாஸ்காந் இணைப்பாட்டத்தை முறியடுத்து இருவரையும் ஆட்டமிழக்க செய்தார். இந்த இணைப்பாட்டம் கண்டி அணிக்கான சிறந்த ஆரம்பமாக அமைந்தது. இந்த இரண்டு விக்கெட்களுமே இந்தப் போட்டியின் போக்கை மாற்றின. மீண்டும் ஒரு இணைப்பாட்டம் உருவாக்கப்பட மீண்டும் அஷேன் பண்டாரவின் விக்கெட்டினை கைப்பற்றி கொடுத்தார் வியாஸ்காந். அதன் பின்னர் கண்டி அணியின் விக்கெட்கள் அடுத்தடுத்து வீழ்த்தப்பட்ட கண்டி அணி ஓட்டங்களை பெற தடுமாறியது.

கண்டி அணியின் பந்துவீச்சு பலமானது. அதன் காரணமாக யாழ்ப்பாணம் அணி இந்த ஓட்ட எண்ணிக்கையினை இலகுவாக பெற முடியாது.

இந்தப் போட்டியில் வெற்றி பெறுமணி இறுதிப் போட்டிக்கு தகுதி பெறும் அதேவேளை, தோல்வியடையும் அணி இரண்டாம் தெரிவுகாண் போட்டிக்கு செல்லும்

அணி விபரம்

ஜப்னா கிங்ஸ்

திசர பெரேரா, அவிஷ்க பெர்னாண்டோ, ரஹ்மனுள்ள குர்பாஸ், அபிப் ஹொசைன், சதீர சமரவிக்ரம சொஹைப் மலிக், டுனித் வெல்லாளகே, மஹீஸ் தீக்ஷண, சுமிந்த லக்ஷன், பினுற பெர்னாண்டோ, ஷமான் கான் , விஜயகாந் வியாஸ்காந்த்

கண்டி பல்கொன்ஸ்

வனிந்து ஹஸரங்க, பத்தும் நிஸ்ஸங்க, அன்றே பிளட்சர், கமிண்டு மென்டிஸ், அஷேன் பண்டாரா, நஜிபுல்லா சர்டான் சாமிக்க கருணாரட்டன, கார்லோஸ் ப்ராத்வைட், இசுரு உதான, சமிந்து விஜயசிங்க, பேபியன் அலன்.