IPL கிரிக்கெட் போட்டி தொடரின் நேற்றைய போட்டியில் சென்னை சுப்பர் கிங்ஸ் மற்றும் டெல்லி கப்பிட்டல்ஸ் அணிகள் மோதியிருந்தன. இந்தப் போட்டியில் டெல்லி கப்பிட்டல்ஸ் அணி 3 விக்கெட்களினால் வெற்றி பெற்றது.
இந்த வெற்றியின் மூலம் மீண்டும் முதலிடத்தை கைப்பற்றியுள்ளது. தோல்வியின் மூலம் சென்னை சுப்பர் கிங்ஸ் அணி முதலிடத்தை இழந்துள்ளதோடு முதலிடத்தை தக்க வைப்பதிலும் சிக்கல் ஏற்பட்டுள்ளது. இரண்டு அணிகளுக்கும் ஒவ்வொரு போட்டிகள் மீதமுள்ள நிலையில் டெல்லி கப்பிடல்ஸ் தோல்வியடைந்தது, சென்னை வெற்றி பெற்றாலே முதலிடத்தை மீண்டும் கைப்பற்றலாம்.
முதலில் துடுப்பாடிய சென்னை சுப்பர் கிங்ஸ் 20 ஓவர்களில் 5 விக்கெட்களை இழந்து 136 ஓட்டங்களை பெற்றது. இதில் அம்பாத்தி ராயுடு 55(43) ஓட்டங்களை பெற்றார். பந்துவீச்சில் அக்சார் பட்டேல் 2 (4-18) விக்கெட்களை கைப்பற்றினார்.
பதிலுக்கு துடுப்பாடிய டெல்லி கப்பிட்டல்ஸ் அணி 19.4 ஓவர்களில் 7 விக்கெட்களை இழந்து 139 ஓட்டங்களை பெற்றது. இதில் ஷிகர் தவான் 39(35) ஓட்டங்களை பெற்றார். ரவீந்தர் ஜடேஜா 2(4-28), சர்தூல தாகூர் 2 (4-12) விக்கெட்களை கைப்பற்றினர்.
இன்று மும்பை மற்றும் ராஜஸ்தான் அணிகளுக்கிடையிலான போட்டி நடைபெறவுள்ளது. இரண்டு அணிகளுக்கும் வாழ்வா சாவா நிலை. இரண்டு அணிகளும் 12 போட்டிகளில் 10 புள்ளிகள் என்ற நிலையில் காணப்படுகின்றன. தோல்வியடையும் அணிக்கு அடுத்த சுற்று வாய்ப்பு மிகவும் கடினம் என்ற நிலை ஏற்படும். கிட்டத்தட்ட வெளியேறிய நிலை என்றாலும், நான்கு அணிகள் 12 புள்ளிகளை பெறும் நிலை உள்ளதனால் வாய்ப்புகளுக்காக காத்திருக்க வேண்டும்.
