அமெரிக்காவின் பல இரகசிய தகவல்களை இணையத்தில் வெளியிட்ட சம்பவத்துடன் தொடர்புடைய சந்தேகநபர் கைது செய்யப்பட்டுள்ளதாக சர்வதேச ஊடகங்கள் தெரிவிக்கின்றன.
21 வயதான அமெரிக்க விமானப்படையின் தேசிய காவலர் ஒருவரே இவ்வாறு கைது செய்யப்பட்டுள்ளார்.
சந்தேக நபர் FBI அதிகாரிகளால் கைது செய்யப்பட்டுள்ளதுடன், உளவு சட்டத்தின் கீழ் அவர் மீது வழக்குத் தொடரப்போவதாக அமெரிக்க அதிகாரிகள் தெரிவித்துள்ளனர்.
சமீபத்தில் இணையத்தில் வெளியாகி இருந்த இந்த ரகசிய தரவுகள் மூலம் அமெரிக்காவின் நட்பு நாடுகள், எதிர் நாடுகள் தொடர்பிலான போர் தந்திரங்கள் உள்ளிட்ட பல ரகசிய தகவல்கள் கசிந்திருந்தது.