ரோயல் சலஞ்சேர்ஸ் பெங்களூர் மற்றும், டெல்லி கப்பிட்டல்ஸ் அணிகளுக்கிடையில் நடைபெற்ற போட்டியில் விராத் கோலியின் அரைச்சதம் மற்றும் பிடிகள் காரணமாக பெங்களூர் அணி வெற்றி பெற்றுக் கொண்டது.
முதலில் துடுப்பாடிய பெங்களூர் அணி 20 ஓவர்களில் 06 விக்கெட்களை இழந்து 174 ஓட்டங்களை பெற்றுக் கொண்டது. இதில் விராத் கோலி 50(34) ஓட்டங்களையும், மகிப்பல் லொம்ரோர் 26(18) ஓட்டங்களையும், க்ளன் மக்ஸ்வெல் 24(14) ஓட்டங்களையும் பெற்றனர். பந்துவீச்சில் மிற்செல் மார்ஷ், குல்தீப் யாதவ் ஆகியோர் தலா 02 விக்கெட்களையும், அக்ஷர் பட்டேல், லலித் யாதவ் ஆகியோர் தலா ஒவ்வொரு விக்கெட்களையும் கைப்பற்றினார்கள்.
பதிலுக்கு துடுப்பாடிய டெல்லி அணி 20 ஓவர்களில் 09 விக்கெட்களை இழந்து 151 ஓட்டங்களை பெற்றது. இதில் மானிஷ் பாண்டி 50(38) ஓட்டங்களையும், அன்ரிச் நோக்யா 23(14) ஓட்டங்களையும் பெற்றனர். பந்துவீச்சில் விஜயகுமார் வைஷாக் 03 விக்கெட்களையும், மொஹமட் சிராஜ் 02 விக்கெட்களையும், வனிந்து ஹசரங்க, ஹர்ஷால் பட்டேல், வெய்ன் பார்னல் ஆகியோர் தலா ஒவ்வொரு விக்கெட்களையும் கைப்பற்றினர்கள்.
இந்த வெற்றியின் மூலம் பெங்களுர் அணி இரண்டாவது வெற்றியினை பெற்று 04 புள்ளிகளைப் பெற்றுள்ளது. டெல்லி அணி விளையாடிய ஐந்து போட்டிகளிலும் தோல்வியை சந்தித்துள்ளது.
