ஜப்னா கிங்ஸ் மற்றும் கொழும்பு ஸ்ட்ரைக்கேர்ஸ் அணிகளுக்கிடையில் நடைபெற்ற LPL தொடரின் முதற் போட்டியில் ஜப்னா கிங்ஸ் அணி 21 ஓட்டங்களினால் வெற்றி பெற்றுள்ளது.
174 ஓட்டங்கள் என்ற வெற்றியிலக்குடன் துடுப்பாடிய கொழும்பு அணியின் ஆரம்ப துடுப்பாட்ட வீரர் நிரோஷன் டிக்வெல்ல அதிரடியான சிறந்த ஆரம்பத்தை வழங்கிய போதும் மறுபக்க விக்கெட்கள் வேகமாக வீழ்த்தப்பட்டன. பாகிஸ்தான் அணியின் தலைவர் பபர் அஸாம் குறைந்த ஓட்டங்களுக்கு ஆட்டமிழந்தமை யாழ் அணிக்கு வாய்ப்பை இலகுவாக்கியது. கொழும்பு அணி இறுக்கமான நிலையில் காணப்பட்ட வேளையில் சாமிக்க கருணாரட்னவின் துடுப்பாட்டம் கொழும்பு அணிக்கு மீண்டும் நம்பிக்கையை வழங்கியது. இருப்பினும் வெற்றிக்கு அது போதுமானதாக அமையவில்லை.
யாழ் அணியின் சுழற்பந்து வீச்சாளர்கள் இறுக்கமாக பந்துவீசியமை அவர்களுக்கான வெற்றி வாய்ப்புக்கு முக்கியமான காரணமாக அமைந்தது. யாழ் அணியின் களத்தடுப்பும் வெற்றிக்கு முக்கியமான காரணமாக அமைந்தது.
வியாஸ்காந் பந்துவீச்சில் 2 விக்கெட்களை கைப்பற்றியது மாத்திரமன்றி, ஒரு பிடி மற்றும் ஒரு ரன் அவுட் ஆட்டமிழப்பை ஏற்படுத்தி முக்கிய பங்கை வழங்கினார். பந்துவீச்சில் இறுக்கமாக பந்துவீசி கொழும்பு அணியை தடுமாற வைத்தார். ஹர்தூஷ் விலோஜன் 3 விக்கெட்களை கைப்பற்றி யாழ் அணிக்காக பந்துவீச்சில் முக்கியமாக கைகொடுத்தார்.
நாணய சுழற்சியில் வெற்றி பெற்ற கொழும்பு அணி களத்தடுப்பை தெரிவு செய்தது. யாழ் அணி 20 ஓவர்களில் 5 விக்கெட்களை இழந்து 173 ஓட்டங்களை பெற்றது.
யாழ் அணிக்காக இறுதி நேரத்தில் சொஹைப் மலிக் அணியுடன் இணையும் வரையுமான காலப்பகுதிக்கு சேர்த்துக்கொள்ளப்பட்ட பங்களாதேஷ் அணியின் இளம் வீரர் தௌபீக் ரிதோய் அபாரமாக துடுப்பாடி அரைச்சதத்தை பூர்த்தி செய்தார். விக்கெட்கள் வீழ்த்தப்பட்ட நிலையில் டுனித் வெல்லாளகேயின் துடுப்பாட்டமும் யாழ் அணிக்கு கை கொடுத்தது.
இந்த ஓட்ட எண்ணிக்கை வெற்றிக்கு போதுமானதாக அமையாத போதும், இறுக்கமான பந்துவீச்சு மற்றும் களத்தடுப்பு யாழ் அணிக்கான வெற்றியினை பெற்றுக் கொடுத்தது.
யாழ் அணி
1 திஸர பெரேரா, 2 விஜயகாந்த் வியாஸ்கந்த, 3 ரஹ்மனுள்ள குர்பாஸ், 4 டுனித் வெல்லாளகே, 5 மஹீஸ் தீக்ஷண, 6 அவிஷ்க பெர்னாண்டோ, 7 நிஷான் மதுஷ்க 8 சரித் அஸலங்க 9 பிரியாமல் பெரேரா 10 ஹர்தூஸ் விலோஜன் 11 தௌஹித் ரிதோய்
கொழும்பு அணி –
1 நிரோஷன் டிக்வெல்ல, 2 பாபர் அஸாம், 3 பத்தும் நிஸ்ஸங்க, 4 நுவனிது பெர்னாண்டோ, 5 மொஹமட் நவாஸ், 6 யஷோத லங்கா, 7 சாமிக்க கருணாரட்ன, 8 ரமேஷ் மென்டிஸ், 9 லக்ஷான் சண்டகன், 10 நசீம் ஷா, 11 மதீஷ பத்திரன
| வீரர் | ஆட்டமிழப்பு | பந்துவீச்சாளர் | ஓ | ப | 4 | 6 |
| நிரோஷன் டிக்வெல்ல | பிடி -வியாஸ்காந்த் | டில்ஷான் மதுசங்க | 58 | 34 | 9 | 1 |
| பாபர் அஸாம் | Bowled | திசர பெரேரா | 07 | 08 | 1 | 0 |
| பத்தும் நிஸ்ஸங்க | பிடி -நிஷான் மதுஷ்க | ஹர்தூஸ் விலோஜன் | 01 | 02 | 0 | 0 |
| நுவனிது பெர்னாண்டோ | பிடி -வியாஸ்காந்த் | விஜயகாந்த் வியாஸ்காந்த் | 17 | 14 | 0 | 2 |
| மொஹமட் நவாஸ் ஹமட் நவாஸ் | பிடி -டில்ஷான் மதுசங்க | ஹர்தூஸ் விலோஜன் | 03 | 06 | 0 | 0 |
| யஷோத லங்கா | Run Out | 11 | 00 | 1 | 0 | |
| சாமிக்க கருணாரட்ன | Run Out | 23 | 15 | 2 | 1 | |
| ரமேஷ் மென்டிஸ் | பிடி -டில்ஷான் மதுசங்க | ஹர்தூஸ் விலோஜன் | 17 | 10 | 1 | 1 |
| நசீம் ஷா | Stump – நிஷான் மதுஷ்க | விஜயகாந்த் வியாஸ்காந்த் | 00 | 03 | 0 | 0 |
| லக்ஷான் சண்டகன் | 02 | 02 | 0 | 0 | ||
| மதீஷ பத்திரன | Bowled | 08 | 08 | 2 | 0 | |
| உதிரிகள் | 05 | |||||
| ஓவர் 19.4 | விக்கெட் 10 | மொத்தம் | 152 |
| பந்துவீச்சாளர் | ஓ | ஓ.ஓ | ஓட்ட | விக் |
| டில்ஷான் மதுசங்க | 2.4 | 00 | 18 | 02 |
| திசர பெரேரா | 03 | 00 | 29 | 01 |
| மஹீஸ் தீக்ஷண | 04 | 00 | 39 | 00 |
| ஹர்தூஸ் விலோஜன் | 04 | 00 | 21 | 00 |
| விஜயகாந்த் வியாஸ்காந்த் | 04 | 00 | 17 | 02 |
| சரித் அஸலங்க | 01 | 00 | 06 | 00 |
| டுனித் வெல்லாளகே | 01 | 00 | 08 | 00 |
| வீரர் | ஆட்டமிழப்பு | பந்துவீச்சாளர் | ஓ | ப | 4 | 6 |
| நிஷான் மதுஷ்க | Run Out | 12 | 13 | 1 | 0 | |
| ரஹ்மனுள்ள குர்பாஸ் | பிடி – ரமேஷ் மென்டிஸ் | நசீம் ஷா | 21 | 11 | 1 | 2 |
| சரித் அஸலங்க | பிடி – பாபர் அஸாம் | லக்ஷான் சண்டகன் | 12 | 14 | 1 | 0 |
| தௌஹித் ரிதோய் | பிடி – நசீம் ஷா | சாமிக்க கருணாரட்ன | 54 | 39 | 4 | 1 |
| பிரியாமல் பெரேரா | பிடி – நிரோஷன் டிக்வெல்ல | மதீஷ பத்திரன | 22 | 16 | 3 | 1 |
| டுனித் வெல்லாளகே | 25 | 23 | 2 | 0 | ||
| திசர பெரேரா | 14 | 07 | 3 | 0 | ||
| உதிரிகள் | 13 | |||||
| ஓவர் 20 | விக்கெட் 05 | மொத்தம் | 173 |
| பந்துவீச்சாளர் | ஓ | ஓ.ஓ | ஓட்ட | விக் |
| நசீம் ஷா | 03 | 00 | 30 | 00 |
| மொஹமட் நவாஸ் | 04 | 00 | 24 | 00 |
| ரமேஷ் மென்டிஸ் | 01 | 00 | 10 | 00 |
| மதீஷ பத்திரன | 04 | 00 | 32 | 01 |
| சாமிக்க கருணாரட்ன | 04 | 00 | 36 | 01 |
| லக்ஷான் சண்டகன் | 04 | 00 | 34 | 01 |