தமிழகத்தை சேர்ந்த குகேஷ் இந்தியாவின் நம்பர் 1 செஸ் வீரர் ஆகியுள்ளார். சர்வதேச செஸ் கூட்டமைப்பின் தரவரிசை பட்டியலில் (லைவ் ரேட்டிங்) இந்தியாவின் விஸ்வநாதன் ஆனந்தை அவர் முந்தியதன் மூலம் இந்த சாதனையை படைத்துள்ளார்.
உலக தரவரிசை பட்டியலில் 2755.9 ரேட்டிங் உடன் தற்போது 9ஆவது இடத்தில் உள்ளார். செப்டம்பர் முதலாம் திகதி அடுத்த தரவரிசைப் பட்டியல் வெளியிடப்படும். அதுவரை குகேஷ் ஆனந்தை விட தொடர்ந்து ரேட்டிங்கில் முன்னிலையில் இருந்தால் 1986-க்கு பிறகு உலகத் தரவரிசையில் ஆனந்தை முந்திய முதல் இந்தியர் என்ற பெருமையை குகேஷ் பெறுவார்.
17 வயதான குகேஷ் சென்னையை சேர்ந்தவர் என்பதுடன், இந்திய கிராண்ட் மாஸ்டர்களில் ஒருவருமாவார். மிக இளம் வயதில் 2750 லைவ் ரேட்டிங்கை எட்டிய வீரர் என்ற சாதனையை குகேஷ் அண்மையில் படைத்தார்.
Social Share
