லங்கா பிரீமியர் லீக் கிரிக்கெட் போட்டி தொடரின் ஐந்தாம் நாளின் முதற் போட்டி, கொழும்பு ஸ்ட்ரைக்கர்ஸ் மற்றும் தம்புள்ள ஓரா அணிகளுக்கு இடையில் கண்டி பல்லேகல கிரிக்கெட் மைதானத்தில் இடம்பெற்று வருகின்றது, இந்த போட்டியில் நாணய சுழற்சியில் வெற்றி பெற்றுள்ள கொழும்பு அணி களத்தடுப்பை தெரிவு செய்தது.
முதலில் துடுப்பெடுத்தாடிய தம்புள்ளை அணி, குஷல் மெண்டிஸ், சதீர சமரவிக்ரம ஆகியோரது 120 ஓட்ட சத இணைப்பட்டதோடு, வெற்றிபெற கூடிய பலமான நிலையை அடைந்த்துள்ளது. 20 ஓவர்களில் 6 விக்கட்டுகளை இழந்து, 192 ஓட்டங்களை தம்புள்ளை அணி பெற்றுள்ளது. இதில் குஷால் மெண்டிஸ் 87 ஓட்டங்களையும், சதீர சமரவிக்ரம 59 ஓட்டங்களை பெற்றுக்கொண்டனர்.
பந்து வீச்சில் கொழும்பு அணி சார்பாக, மதீஷ பத்திரான சிறப்பாக பந்து வீசி 3 விக்கட்டுகளை கைப்பற்றினார். நஸீம் ஷா 2 விக்கட்டுகளை கைப்பற்றினார். இந்த போட்டியில் கொழும்பு அணி வெற்றி பெறுவது கடினமான நிலையில் காணப்படுகிறது.