இலங்கை 19 வயதிற்கு உட்பட்ட மற்றும் மேற்கிந்திய தீவுகள் 19 வயதிற்கு உட்பட்ட அணிகளுக்கிடையில் இன்று (01.09) தம்புள்ளையில் நடைபெற்ற மூன்றாவதும் இறுதியுமான ஒரு நாள் சர்வதேச போட்டியில் இலங்கை அணி 51 ஒரு ஓட்டங்களினால் வெற்றி பெற்று தொடரை 2-1 என கைப்பற்றியுள்ளது.
நாணய சுழற்சியில் வெற்றி பெற்ற இலங்கை அணி துடுப்பாட்டத்தை தெரிவு செய்தது.
முதலில் துடுப்பாடிய இலங்கை அணி 50 ஓவர்களில் 8 விக்கெட்களை இழந்து 304 ஓட்டங்களை பெற்றது. இதில் புலிந்து பெரேரா 155(140) ஓட்டங்களையும், விஹாஸ் தெவ்மிக ஆட்டமிழக்காமல் 28(30) ஓட்டங்களையும் பெற்றனர். பந்துவீச்சில் நேதான் எட்வெர்ட் 3 விக்கெட்களையும், டெஷவ்ன் ஜேம்ஸ், டரிக் எட்வெர்ட் ஆகியோர் தலா 2 விக்கெட்களையும் கைப்பற்றினார்கள்.
பதிலுக்கு துடுப்பாடிய மேற்கிந்திய தீவுகள் அணி 40.3 ஓவர்களில் சகல விக்கெட்களையும் இழந்து 253 ஓட்டங்களை பெற்றது. இதில் ஜெவெல் அன்ட்ரூ 80(64) ஓட்டங்களையும், அன்ட்ரியன் வெய்ர் 52(41) ஓட்டங்களையும் பெற்றனர். பந்துவீச்சில் விஷ்வ லஹிரு 3 விக்கெட்களையும், கருகா சங்கெத், சினெத் ஜயவர்தன, விஹாஸ் தெவ்மிக ஆகியோர் தலா 2 விக்கெட்களையும் கைப்பற்றினார்கள்.