பங்களாதேஷ் சிறந்த பந்துவீச்சு. தடுமாறிய ஆப்கானிஸ்தான்

சர்வதேசக் கிரிக்கெட் பேரவை உலகக்கிண்ண தொடரின் மூன்றாம் நாளின் முதற் போட்டி பங்களாதேஷ் மற்றும் ஆப்கானிஸ்தான் அணிகளுக்கிடையில் நடைபெற்று வருகிறது. இரு அணிகளும் முதற் தடவையாக உலகக்கிண்ண தொடரில் மோதுகின்றன.

இந்தியா, தர்மசாலாவில் நடைபெறும் இந்தப் போட்டியில் நாணய சுழற்சியில் வெற்றி பெற்ற பங்களாதேஷ் அணி களத்தடுப்பை தெரிவு செய்தது.

துடுப்பாட்டத்த்தில் நல்ல ஆரம்பத்தை ஏற்படுத்திய ஆப்கானிஸ்தான் அணி பங்களாதேஷ் அணியின் சிறந்த பந்துவீச்சு மூலம் தடுமாறு முதல் விக்கெட் 47 ஓட்டங்களிலும், இரண்டாவது விக்கெட் 87 ஓட்டங்களிலும் வீழ்த்தப்பட்ட நிலையில் 152 ஓட்டங்களுக்கு ஆப்கானிஸ்தான் அணி சகல விக்கெட்களையும் 37.2 ஓவர்களில் வீழ்ந்தது. ஷகிப் அல் ஹசன் ஆரம்பமா முதலே சிறப்பாக பந்துவீசி விக்கெட்களை கைப்பற்றினார். மெஹதி ஹசன் மிர்ஸாவும் சிறப்பாக பந்துவீசினார்கள். இறுதியில் வேகப்பந்து வீச்சாளர்கள் விக்கெட்களை கைப்பற்ற சகலரது பந்துவீச்சும் சிறப்பாக அமைந்தது.

அணி விபரம்

ஆப்கானிஸ்தான் அணி: ஹஷ்மதுல்லா ஷஹிதி (தலைவர்), ரஹ்மனுல்லா குர்பாஸ், இப்ராஹிம் ஷர்டான், ரஹ்மத் ஷா சுர்மதி, நஜிபுல்லா ஷர்டான், முகமது நபி எய்சகில், அஸ்மதுல்லா ஓமர்சாய், ரஷீட் கான்,முஜீப் உர் ரஹ்மான், அஹமட் லகன்வாய், நவீன் உல் ஹக் முரீத், பஷால்ஹக் பரூக்கி

பங்காளதேஷ் அணி: ஷகிப் அல் ஹசன் (தலைவர்), லிட்டொன் டாஸ், ரன்ஷித் ஹசன் தமீம், நஜ்முல் ஹொசைன் சாண்டோ, ததௌஹித் ரிடோய், முஷ்பிகுர் ரஹீம், மஹ்முதுல்லா ரியாத், மெஹிதி ஹசன் மிராஸ், ரஸ்கின் அஹமட், முஸ்ரபைசூர் ரஹ்மான்,ஷொரிஃபுல் இஸ்லாம்