இலங்கை, அவுஸ்திரேலியா போட்டி ஆரம்பம்

இலங்கை, அவுஸ்திரேலியா அணிகளுக்கிடையிலான உலகக்கிண்ண தொடரின் பதின்நான்காவது போட்டி ஆரம்பித்துள்ளது.

லக்னோவில் ஆரம்பித்துள்ள இந்தப் போட்டியில் நாணய சுழற்சியில் வெற்றி பெற்றுள்ள இலங்கை அணி துடுப்பாட்டத்தை தெரிவு செய்துள்ளது.

இலங்கை அணிக்கு உலகக்கிண்ண தொடரில் குஷல் மென்டிஸ் தலைமை தாங்குகிறார். தஸூன் சாணக இல்லாத நிலையில் சாமிக்க கருணாரட்ன இன்று விளையாடுகிறார். மதீஷ பத்திரனவுக்கு பதிலாக லஹிரு குமார விளையாடுகிறார்.

இரு அணிகளும் விளையாடிய முதல் சுற்றின் இரண்டு போட்டிகளிலும் தோல்வியை சந்தித்துள்ளன. இவ்வாறான நிலையில் இன்றைய போட்டி விறு விறுப்பானதாக இருக்குமென எதிர்பார்க்கப்படுகிறது.

அணி விபரம்

அவுஸ்திரேலியா அணி: பட் கம்மின்ஸ்(தலைவர்) ,டேவிட் வோர்னர், ஸ்டீவன் ஸ்மித், மார்னஸ் லபுஷேன், மிற்செல் மார்ஷ், க்ளன் மக்ஸ்வெல், மார்க்ஸ் ஸ்ரோய்னிஸ், ஜோஷ் இங்கிலிஸ், மிட்செல் ஸ்டார்க், ஜோஸ் ஹெஸல்வூட், அடம் ஷம்பா

இலங்கை அணி: குஷல் மென்டிஸ்(தலைவர்), குசல் பெரேரா, பத்தும் நிஸ்ஸங்க, சதீர சமரவிக்ரம, சரித் அசலங்க, தனஞ்சய டி சில்வா, டுனித் வெல்லாளகே,மஹீஸ் தீக்ஷண, டில்ஷான் மதுஷங்க, சாமிக்க கருணாரட்ன, லஹிரு குமார