வெற்றி பெற்றிருக்க வேண்டிய போட்டியில் தோல்வியடைந்த இலங்கை

இலங்கை, அவுஸ்திரேலியா அணிகளுக்கிடையிலான உலகக்கிண்ண தொடரின் பதின்நான்காவது போட்டியில் அவுஸ்திரேலியா அணி 05 விக்கெட்களினால் வெற்றி பெற்றுள்ளது.
லக்னோவில் நடைபெற்ற போட்டியில் நாணய சுழற்சியில் வெற்றி பெற்ற இலங்கை அணி துடுப்பாடி 210 ஓட்டங்களை வெற்றியிலக்காக நிர்ணயித்தது. அவுஸ்திரேலியா அணி இந்த வெற்றியை பெற்றது என சொல்வதிவும் பார்க்க இலங்கை அணி வெற்றியினை தூக்கி வழங்கியது என சொல்வதே பொருத்தமாக இருக்கும்.

இந்த இலக்கை துரத்திய அவுஸ்திரேலியா அணி ஆரம்ப விக்கெட்கள் இரண்டை டில்ஷான் மதுசங்கவின் பந்துவீச்சில் இழக்க இலங்கை அணிக்கு வாய்ப்ப்பு கிடைக்கும் என்ற நிலை உருவானது. ஆனாலும் மூன்றாவது விக்கெட் இணைப்பாட்டமாக 57 ஓட்டங்களை மிற்செல் மார்ஷ், மார்னஸ் லபுஷேன் ஆகியோர் பகிர்த்து அணியை மீட்டனர். மார்ஷ் விக்கெட்கள் வீழ்ந்த போதும் வேகமாக ஓட்டங்களை பெற்றமை அவுஸ்திரேலியா அணிக்கு வாய்ப்பை வழங்கியது.

அதன் பின்னர் ஜோடி சேர்ந்த லபுஷேன் மற்றும், ஜோஸ் இங்கிலிஷ் ஆகியோர் சிறப்பாக துடுப்பாடி அவுஸ்திரேலியா அணியின் வெற்றியினை இலகுபடுத்தினர். இங்கிலிஷ் அரைச்சதத்தை பூர்த்தி செய்தார்.

அவுஸ்திரேலியா அணி 35.2 ஓவர்களில் 05 விக்கெட்களை இழந்து 215 ஓட்டங்களை பெற்றது.

இலங்கை அணியின் பந்துவீச்சாளர்கள் பெரியளவில் அச்சுறுத்தும் வகையில் பந்துவீசவில்லை. அதன் காரணமாக இலக்கை நோக்கி செல்வதில் அவுஸ்திரேலியா அணிக்கு சிக்கல் ஏற்படவில்லை. இலங்கை அணியில் தடுமாறாமல் 250 இற்கு மேற்பட்ட ஓட்டங்களை பெற்றிருந்தால் வெற்றி பெற்றிருக்க முடியும்.

டில்ஷான் மதுஷங்க சிறப்பாக பந்துவீசினார். அவர் கூட இரண்டாவது தடவையாக தேவையான நேரத்தில் பாவிக்கப்படவில்லை.

இலங்கை அணியின் ஆரம்ப துடுப்பாட்ட வீரர்கள் குஷல் பெரேரா, பத்தும் நிஸ்ஸங்க ஆகியோர் மிகவும் சிறப்பாக துடுப்பாடி 125 ஓட்டங்களை 21.4 ஓவர்களில் இணைப்பாட்டமாக வழங்கினார்கள். இலங்கை அணி 300 ஓட்டங்களை தாண்டுமென எதிர்பார்க்க 41 ஓட்டங்களுக்கு நான்கு விக்கெட்கள் வீழ்ந்தன. இதில் 9 ஓட்டங்களுக்கு மூன்று விக்கெட்களை வீழ்த்தப்பட்டன.

குஷல் பெரேரா போர்முக்கு திரும்பி அரைச்சதம் பூர்த்தி செய்தமை இலங்கைக்கு சாதகமான நிலைமை. கடந்த போட்டிகளில் மிகவும் சிறப்பாக துடுப்பாடிய குஷல் மென்டிஸ் தலைமை பொறுப்பை ஏற்ற நிலையில் 9 ஓட்டங்களுடன் ஆட்டமிழந்தார்.

32.1 ஓவர்கள் நிறைவடைந்த நிலையில் மழை காரணமாக போட்டி சிறிது நேரம் நிறுத்தப்பட்டு மீண்டும் ஆரம்பித்து 3 பந்துகளில் தனஞ்சய டி சில்வா ஆட்டமிழந்தார். 21 ஓட்டங்களுக்கு நான்கு விக்கெட்கள் வீழ்த்தப்பட்டன. இவ்வாறான சிறந்த ஆரம்பத்தை இலங்கை அணியால் மட்டுமே சொதப்ப முடியும். 32 ஓட்டங்களுக்கு ஐந்து விக்கெட்கள் வீழ்ந்தன. ஏழாவது விக்கெட் வீழ்த்தப்படும் போது அணியின் ஓட்ட எண்ணிக்கை 196. 39 ஓட்டங்களுக்கு 6 விக்கெட்கள் வீழ்த்தப்பட்டன. மேலும் 03 ஓட்டங்கள் பெறப்பட்ட நிலையில் எட்டாவது விக்கெட் வீழ்த்தப்பட்டது.

முதல் விக்கெட் வீழ்த்தப்பட்டதிலிருந்து 84 ஓட்டங்களுக்குள் 10 விக்கெட்களும், இரண்டாவது விக்கெட் வீழ்த்தப்பட்டதிலிருந்து 52 ஓட்டங்களுக்கு 9 விக்கெட்களும் வீழ்த்தப்பட்டன.

தஸூன் சாணகவுக்கு பதிலாக அணிக்குள் கொண்டுவரப்பட்ட சாமிக்க கருணாரட்ன பெற்றது 02 ஓட்டங்கள்.

நீண்ட இணைப்பாட்டம் ஒன்றின் பின்னர் இலங்கை அணி இவ்வாறு விக்கெட்களை அடுத்தடுத்து இழப்பது ஒன்றும் புதிதல்ல. இதனை யாரும் கணக்கிலெடுத்து திருத்துவதாக இல்லை. நின்று நிலைத்து துடுப்பாட முடியாதவர்களாகவே இலங்கை அணியின் துடுப்பாட்ட வீரர்கள் காணப்படுகின்றனர்.

சிறப்பாக துடுப்பாடிய குஷல் மென்டிஸின் தலையில் தலைமை பொறுப்பை கட்டி அவரது துடுப்பாட்டத்தையும் முடித்து வைக்கப்பட்டுள்ளது.

அவுஸ்திரேலியா அணியின் பந்துவீச்சு கூறுமளவுக்கு பெரிதாக அச்சுறுத்தும் அளவில் இருக்கவில்லை. இலங்கை அணியின் துடுப்பாட்ட வீரர்கள் தங்களாகவே ஆட்டமிழந்தார்கள் என்று சொல்லுமளவிலேயே காணப்பட்டது. விக்கெட்கள் வீழ்த்தப்பட்ட பின்னர் அடம் ஷம்பா அச்சுறுத்திய பந்துவீச்சாளராக மாறினார்.

தஸூன் சாணக்க உபாதையடைந்த நிலையில் குஷல் மென்டிஸ் இலங்கை அணியின் தலைமை பொறுப்பை ஏற்றுக்கொண்டுள்ளார். தஸூன் சாணக இல்லாத நிலையில் சாமிக்க கருணாரட்ன இன்று அணியில் சேர்க்கப்பட்டார். மதீஷ பத்திரனவுக்கு பதிலாக லஹிரு குமார சேர்க்கப்பட்டார்.

இந்த வெற்றியின் மூலம் அவுஸ்திரேலியா அணி முதல் வெற்றியினை பெற்று எட்டாம் இடத்துக்கு முன்னேறியுள்ளது. இலங்கை அணி இறுதி இடத்துக்கு சென்றுள்ளது.

அணி விபரம்

அவுஸ்திரேலியா அணி: பட் கம்மின்ஸ்(தலைவர்) ,டேவிட் வோர்னர், ஸ்டீவன் ஸ்மித்., மார்னஸ் லபுஷேன், மிற்செல் மார்ஷ், க்ளன் மக்ஸ்வெல், மார்க்ஸ் ஸ்ரோய்னிஸ், ஜோஷ் இங்கிலிஸ் ,மிட்செல் ஸ்டார்க், ஜோஸ் ஹெஸல்வூட், அடம் ஷம்பா

இலங்கை அணி: குஷல் மென்டிஸ்(தலைவர்), , குசல் பெரேரா, பத்தும் நிஸ்ஸங்க, சதீர சமரவிக்ரம, சரித் அசலங்க, தனஞ்சய டி சில்வா, டுனித் வெல்லாளகே,மஹீஸ் தீக்ஷண, டில்ஷான் மதுஷங்க, லஹிரு குமார, சாமிக்க கருணாரட்ன