இங்கிலாந்துக்கு எதிராக இலங்கை அபார பந்துவீச்சு.

இலங்கை, இங்கிலாந்து அணிகளுக்கிடையிலான உலகக்கிண்ண தொடரின் இன்றைய போட்டி பெங்களூரு சின்னசுவாமி மைதானத்தில் நடைபெற்று வருகிறது.

நாணய சுழற்ச்சியில் வெற்றி பெற்ற இங்கிலாந்து அணி துடுப்பாட்டத்தை தெரிவு செய்தது.

இலங்கை அணியின் அபார பந்துவீச்சில் இங்கிலாந்து அணியின் துடுப்பாட்ட வீரர்கள் தடுமாறிப்போனார்கள். ஆரம்ப இணைப்பாட்டம் 45 ஓட்டங்களை வழங்கிய போதும் பின்னர் விக்கெட்கள் அடுத்தடுத்து வீழ்த்தப்பட்டன. இந்தப் போட்டிக்காக அழைக்கப்பட்ட லஹிரு குமார, அஞ்சலோ மத்தியூஸ் ஆகியோர் சிறப்பாக பந்துவீசி விக்கெட்களை தகர்த்தனர்.
ஆறாவது விக்கெட் இணைப்பாட்டமாக பென் ஸ்டோக்ஸ் மற்றும் மெயின் அலி இணைந்து தடுமாறிய அணியை மீண்டும் கட்டி எழுப்பினார்கள். இருப்பினும் மத்தியூஸ் அதனை முறியடித்தார். அதன் பின்னர் அடுத்தடுத்து விக்கெட்கள் வீழ்ந்தன.

பென் ஸ்டோக்ஸ் கூடுதலான ஓட்டங்களை பெற்றுக் கொண்டார்.

இலங்கை அணியின் பந்துவீச்சில் லஹிரு குமார கூடிய விக்கெட்களை கைப்பற்றினார். அஞ்சலலோ மத்தியூஸ் மிக சிறப்பாக பந்துவீசி தனது மீள் வருகையை காண்பித்துள்ளார். இவ்வாறு தொடர்ந்து செயற்பட்டால் நல்லதே.

இரு அணிகளும் 4 போட்டிகளில் விளையாடி தலா ஒவ்வொரு போட்டிகளை வெற்றி பெற்றுள்ள நிலையில் இன்றைய போட்டி முக்கியத்துவம்வாய்ந்ததாக அமைந்துள்ளது. இந்தப் போட்டியில் தோல்வியடையுமணி உலகக்கிண்ண அரை இறுதி வாய்ப்பை இழக்கும் அபாய நிலைக்கு செல்வார்கள்.

இலங்கை அணி சார்பாக அஞ்சலோ மத்தியூஸ் மற்றும் லஹிரு குமார ஆகியோர் அணியில் சேர்க்கப்பட்டுள்ளனர்.

அணி விபரம்

இங்கிலாந்து அணி : ஜொனி பாஸ்டோ, டாவிட் மலான், ஜோ ரூட், பென்ஸ் ஸ்ட்ரோக்ஸ், ஜோஸ் பட்லர், லியாம் லிவிங்க்டன், மொயீன் அலி , டேவிட் வில்லி, ஆதில் ரஷீட், மார்க் வூட்

இலங்கை அணி: குஷல் மென்டிஸ்(தலைவர்), குசல் பெரேரா, பத்தும் நிஸ்ஸங்க, சதீர சமரவிக்ரம, சரித் அசலங்க, அஞ்சலோ மத்தியூஸ், தனஞ்சய டி சில்வா, மஹீஸ் தீக்ஷண, டில்ஷான் மதுஷங்க, லஹிரு குமார, கஸூன் ரஜித