பாகிஸ்தான், பங்களாதேஷ் போட்டி ஆரம்பம்

பாகிஸ்தான் மற்றும் பங்களாதேஷ் அணிகளுக்கிடையில் உலககிண்ணத்தொடரின் 31 ஆவது போட்டி கொல்கத்தா ஈடன் கார்டன்ஸ் மைதானத்தில் ஆரம்பித்துள்ளது.

நாணய சுழற்சியில் வெற்றி பெற்ற பங்களாதேஷ் அணி துடுப்பாட்டத்தைத் தெரிவு செய்துள்ளது.

பாகிஸ்தான் அணி விளையாடிய 6 போட்டிகளில் 2 வெற்றிகள் 4 தோல்விகளுடன் ஏழாமிடத்திலும் பங்களாதேஷ் அணி விளையாடிய 6 போட்டிகளில் 1 வெற்றி 5 தோல்விகளுடன் ஒன்பதாம் இடத்திலும் காணப்படுகின்றன.

பங்களாதேஷ் அணி தோல்வியடைந்தால் உலககிண்ண அரை இறுதி வாய்ப்பை இழந்துவிடும். பாகிஸ்தான் அணி தோல்வியடைந்தாலும் வாய்ப்புகள் உள்ளன. ஆனாலும் நடைமுறை சாத்தியமற்ற வாய்ப்புகள்.

பங்களாதேஷ் அணி 5 தொடர் தோல்விகளை சந்த்தித்துள்ளது.

பாகிஸ்தான் அணி 3 மாற்றங்களுடன் விளையாடுகிறது. ஷதாப் கானிற்கு பதிலாக மொஹமட் வசீமும் இமாம் உல் ஹக்கிற்கு பதிலாக பக்கர் சமானும் மொஹமட் நவாஸிற்கு பதிலாக அகா சல்மானும் விளையாடுகின்றனர். பங்களாதேஷ் அணி 2 மாற்றங்களுடன் விளையாடுகிறது. நசும் அஹமடிற்கு பதிலாக தஸ்கின் அஹமட்டும் ஹசன் மஹமுட்டிற்கு பதிலாக தௌஹித் ரிதோயும் விளையாடுகின்றனர்.

அணி விபரம்

பாகிஸ்தான் அணி: பபர் அசாம் (தலைவர்), அகா சல்மான், அப்துல்லா ஷபிக், பக்கர் சமான் , முகமட் ரிஸ்வான், சவுத் ஷகீல், இப்திகார் அகமட், ஹரிஸ் ரவூப், மொஹமட் வசீம், ஷஹீன் அப்ரிடி, உசாமா மிர்

பங்காளதேஷ் அணி: ஷகிப் அல் ஹசன்(தலைவர்), நஜ்முல் ஹொசைன் சாண்டோ, லிட்டொன் டாஸ், தௌஹித் ரிடோய் , ரன்ஷித் ஹசன், முஷ்பிகுர் ரஹீம், மெஹிதி ஹசன் மிராஸ், மஹ்மதுல்லா, தஸ்கின் அஹமட், முஸ்ரபைசூர் ரஹ்மான், ஷொரிபுல் இஸ்லாம்