பாக்கிஸ்தானின் பந்துவீச்சில் சுருண்டது பங்களாதேஷ்

பாகிஸ்தான் மற்றும் பங்களாதேஷ் அணிகளுக்கிடையில் உலககிண்ணத்தொடரின் 31 ஆவது போட்டி கொல்கத்தா ஈடன் கார்டன்ஸ் மைதானத்தில் நடைபெற்று வருகிறது.

நாணய சுழற்சியில் வெற்றி பெற்ற பங்களாதேஷ் அணி துடுப்பாட்டத்தைத் தெரிவு செய்து 45.1 ஓவர்களில் சகல விக்கெட்களையும் இழந்து 204 ஓட்டங்களை பெற்றுக்கொண்டது.

பங்களாதேஷ் அணி துடுப்பாட்ட வரிசையில் இன்று சில மாற்றங்களை செய்து துடுப்பாடிய போதும் ஓட்டங்களை அதிகரிக்க முடியவில்லை. ஆரம்பம் முதல் அடுத்தடுத்து விக்கெட்கள் வீழ்த்தப்பட தடுமாறிய வேளையில் ,லிட்டோன் டாஸ், மஹமதுல்லா ஆகியோர் இணைந்து அணியை ஓரளவு மீட்டு எடுத்தனர். 79 ஓட்டங்களை இணைப்பாட்டமாக பெற்ற வேளையில் முறியடிக்கப்பட்டு மீண்டும் தொடர்ந்து விக்கெட்கள் வீழ்ந்தன.

ஷகீன் ஷா அப்ரிடி 3 விக்கெட்களை கைப்பற்றி இந்த தொடரின் கூடுதலான விக்கெட்களை கைப்பற்றியவராக மாறியுள்ளார். பாகிஸ்தான் அணியின் பந்துவீச்சில் சகலரும் சிறப்பாகவே பந்துவீசினார்கள்.

பாகிஸ்தான் அணி விளையாடிய 6 போட்டிகளில் 2 வெற்றிகள் 4 தோல்விகளுடன் ஏழாமிடத்திலும் பங்களாதேஷ் அணி விளையாடிய 6 போட்டிகளில் 1 வெற்றி 5 தோல்விகளுடன் ஒன்பதாம் இடத்திலும் காணப்படுகின்றன.

பங்களாதேஷ் அணி தோல்வியடைந்தால் உலககிண்ண அரை இறுதி வாய்ப்பை இழந்துவிடும். பாகிஸ்தான் அணி தோல்வியடைந்தாலும் வாய்ப்புகள் உள்ளன. ஆனாலும் நடைமுறை சாத்தியமற்ற வாய்ப்புகள்.

பங்களாதேஷ் அணி 5 தொடர் தோல்விகளை சந்த்தித்துள்ளது.

பாகிஸ்தான் அணி 3 மாற்றங்களுடன் விளையாடுகிறது. ஷதாப் கானிற்கு பதிலாக மொஹமட் வசீமும் இமாம் உல் ஹக்கிற்கு பதிலாக பக்கர் சமானும் மொஹமட் நவாஸிற்கு பதிலாக அகா சல்மானும் விளையாடுகின்றனர். பங்களாதேஷ் அணி 2 மாற்றங்களுடன் விளையாடுகிறது. நசும் அஹமடிற்கு பதிலாக தஸ்கின் அஹமட்டும் ஹசன் மஹமுட்டிற்கு பதிலாக தௌஹித் ரிதோயும் விளையாடுகின்றனர்.

அணி விபரம்

பாகிஸ்தான் அணி: பபர் அசாம் (தலைவர்), அகா சல்மான், அப்துல்லா ஷபிக், பக்கர் சமான் , முகமட் ரிஸ்வான், சவுத் ஷகீல், இப்திகார் அகமட், ஹரிஸ் ரவூப், மொஹமட் வசீம், ஷஹீன் அப்ரிடி, உசாமா மிர்

பங்காளதேஷ் அணி: ஷகிப் அல் ஹசன்(தலைவர்), நஜ்முல் ஹொசைன் சாண்டோ, லிட்டொன் டாஸ், தௌஹித் ரிடோய் , ரன்ஷித் ஹசன், முஷ்பிகுர் ரஹீம், மெஹிதி ஹசன் மிராஸ், மஹ்மதுல்லா, தஸ்கின் அஹமட், முஸ்ரபைசூர் ரஹ்மான், ஷொரிபுல் இஸ்லாம்