இலங்கை, இந்தியா அணிகளுக்கிடையில் முக்கிய போட்டி ஆரம்பம்

இலங்கை மற்றும் இந்தியா அணிகளுக்கிடையில் உலககிண்ணத்தொடரின் 33 போட்டி இன்று (02.11) மும்பை, வங்கடே மைதானத்தில் ஆரம்பமாகியுள்ளது.

நாணய சுழற்சியில் வெற்றி பெற்ற இலங்கை அணி களத்தடுப்பைத் தெரிவு செய்துள்ளது.

இலங்கை அணி 6 போட்டிகளில் 2 வெற்றிகள் 4 தோல்விகளுடன் ஏழாமிடத்திலும் இந்தியா அணி விளையாடிய 6 போட்டிகளிலுமே வெற்றி பெற்று இரண்டாமிடத்தில் காணப்படுகின்றன.

இந்தியா அணி இந்த போட்டியில் வெற்றி பெற்றால் அரையிறுதிக்கு தெரிவாகிவிடும். இலங்கை அணி வெற்றி பெற்றுக்கொண்டால் அவர்கள் தங்களது வாய்ப்பை தக்க வைத்துக்கொள்ளும்.

இலங்கை அணி ஒரு மாற்றத்தோடு விளையாடுகிறது. தனஞ்சய டி சில்வாவிற்கு பதிலாக துஷான் ஹேமந்த இன்று விளையாடுகிறார். இந்தியா அணி மாற்றங்களெதுவுமின்றி அதே அணியோடு விளையாடுகிறது.

அணி விபரம்

இலங்கை அணி: குஷல் மென்டிஸ்(தலைவர்), திமுத் கருணாரட்ன, பத்தும் நிஸ்ஸங்க, சதீர சமரவிக்ரம, சரித் அசலங்க, அஞ்சலோ மத்தியூஸ், துஷான் ஹேமந்த, மஹீஸ் தீக்ஷண, டில்ஷான் மதுஷங்க, துஷ்மந்த சமீர, கஸூன் ரஜித

இந்திய அணி: ரோஹித் ஷர்மா(தலைவர்), சுப்மன் கில், விராத் கோலி, ஷ்ரேயாஸ் ஐயர், லோகேஷ் ராகுல், சூர்யகுமார் யாதவ், ரவீந்தர் ஜடேஜா, குல்தீப் யாதவ், ஜஸ்பிரிட் பும்ரா, மொஹமட் சிராஜ், மொஹமட் ஷமி