அவுஸ்திரேலியாவிற்கு எதிராக பங்களாதேஷ் சிறந்த துடுப்பாட்டம்

அவுஸ்திரேலியா மற்றும் பங்களாதேஷ் அணிகளுக்கிடையில் உலககிண்ணத்தொடரின் 43 போட்டி இன்று (11.11) பூனேயில் நடைபெற்று வருகிறது.

நாணய சுழற்சியில் வெற்றி பெற்ற அவுஸ்திரேலியா அணி களத்தடுப்பை தெரிவு செய்தது.

பங்களாதேஷ் அணி ஆரம்பம் முதலே அதிரடி நிகழ்த்தி வந்தது. முதல் விக்கெட் இணைப்பாட்டத்திற்காக ஜோடி சேர்ந்த தன்ஷித் ஹசன் தமீம், லிட்டொன் தாஸ் ஆகியோர் 76 ஓட்டங்களை இணைப்பாட்டமாகா பகிர்ந்து கொண்டனர். முதல் விக்கெட் வீழ்ந்தவுடன் அடுத்த விக்கெட் சம இடைவெளியில் வீழ்த்தப்பட்டது. 3 ஆவது விக்கெட் இணைப்பாட்டத்திற்காக ஜோடி சேர்ந்த தௌஹித் ரிடோய், நஜ்முல் ஹொசைன் ஷாண்டோ ஆகியோர் அதிரடியாக துடுப்பாடி 64 ஓட்டங்களை இணைப்பாட்டமாக பகிர்ந்து கொண்டதுடன் அணியின் ஓட்டஎண்ணிக்கையினையும் உயர்திக்கொடுத்தனர். 3 ஆவது விக்கெட் வீழ்ந்தவுடன் அடுத்த 3 விக்கெட்களும் சம இடைவெளிகளில் வீழ்த்தப்பட்டன. தௌஹித் ரிடோய் அதிரடியாக துடுப்பாடி அவரது 6 ஆவது அரைச்சதத்தையும் இந்த உலககிண்ணத்தில் முதலாவது அரைச்சதத்தையும் பூர்த்தி செய்து கொண்டார்.

பங்களாதேஷ் அணி 50 ஓவர்களில் 8 விக்கெட்களை இழந்து 306 ஓட்டங்களை பெற்றது.

அணி விபரம்

பங்காளதேஷ் அணி: நஜ்முல் ஹொசைன் சாண்டோ(தலைவர்), லிட்டொன் டாஸ், தௌஹித் ரிடோய் , ரன்ஷித் ஹசன், முஷ்பிகுர் ரஹீம், மெஹிதி ஹசன் மிராஸ், மஹ்மதுல்லா, தஸ்கின் அஹமட், முஷ்ரபிகுர் ரஹ்மான், மஹேதி ஹசன், நசும் அஹமட்

அவுஸ்திரேலியா அணி: பட் கம்மின்ஸ்(தலைவர்) ,டேவிட் வோர்னர், மிற்செல் மார்ஷ், ஸ்டீவன் ஸ்மித் மார்னஸ் லபுஷேன், ட்ரவிஸ் ஹெட், மார்கஸ் ஸ்ரொய்னிஸ் , ஜோஷ் இங்கிலிஸ், சீன் அபோட், ஜோஸ் ஹெஸல்வூட், அடம் ஷம்பா