பாகிஸ்தான் 19 வயதிற்குட்பட்ட மற்றும் ஐக்கிய அரபு அமீரகம் 19 வயதிற்குட்பட்ட அணிகளுக்கிடையில் நேற்று (15.12) 19 வயதிற்குட்பட்ட ஆசிய கிண்ணத்தின் 1 ஆவது அரை இறுதிப் போட்டியாக ICC அக்கடமி, டுபாய் மைதானத்தில் நடைபெற்றது. இந்த போட்டியில் ஐக்கிய அரபு அமீரகம் அணி 11 ஓட்டங்களினால் வெற்றி பெற்று இறுதிப்போட்டிக்கு தெரிவாகியுள்ளது.
நாணய சுழற்சியில் வெற்றி பெற்ற பாகிஸ்தான் அணி களத்தடுப்பை தெரிவு செய்தது.
முதலில் துடுப்பாடிய ஐக்கிய அரபு அமீரகம் அணி 47.5 ஓவர்களில் சகல விக்கெட்களையும் இழந்து 193 ஓட்டங்களை பெற்றது. இதில் ஆயன் அப்சல் கான் 55(57) ஓட்டங்களையும், அர்யன்ஷ் ஷர்மா 46(70) ஓட்டங்களையும், எதன் டி சௌசா 37(63) ஓட்டங்களையும் பெற்றனர். பந்துவீச்சில் உபைத் ஷா 4 விக்கெட்களையும், அலிப் அஸ்பன்ட், அரபத் மின்ஹாஸ் ஆகியோர் தலா 2 விக்கெட்களையும், அமிர் ஹசன், மொஹமட் சீஷான் ஆகியோர் தலா ஒவ்வொரு விக்கெட்களை கைப்பற்றினார்கள்.
பதிலுக்கு துடுப்பாடிய பாகிஸ்தான் அணி 49.3 ஓவர்களில் சகல விக்கெட்களையும் இழந்து 182 ஓட்டங்களை பெற்றது. இதில் சாட் பைக் 50(52) ஓட்டங்களையும், அசன் அவைஸ் 41(71) ஓட்டங்களையும் பெற்றனர். பந்துவீச்சில் அய்மன் அஹமட், ஹர்டிக் பை ஆகியோர் தலா 2 விக்கெட்களையும், அம்மர் படமி, துருவ் பரஷர், ஓமிட் ரஹ்மான் ஆகியோர் தலா ஒவ்வொரு விக்கெட்களை கைப்பற்றினார்கள்.
இந்த போட்டியின் நாயகனாக ஆயன் அப்சல் கான் தெரிவு செய்யப்பட்டார்.
இந்தியா 19 வயதிற்குட்பட்ட மற்றும் பங்களாதேஷ் 19 வயதிற்குட்பட்ட அணிகளுக்கிடையில் நேற்று 19 வயதிற்குட்பட்ட ஆசிய கிண்ணத்தின் 2 ஆவது அரையிறுதிப்போட்டியாக ICC அக்கடமி 2, டுபாய் மைதானத்தில் நடைபெற்றது. இந்த போட்டியில் பங்களாதேஷ் அணி 4 விக்கெட்களினால் வெற்றி பெற்று இறுதிப்போட்டிக்கு தெரிவாகியுள்ளது.
நாணய சுழற்சியில் வெற்றி பெற்ற பங்களாதேஷ் அணி களத்தடுப்பை தெரிவு செய்தது.
முதலில் துடுப்பாடிய இந்தியா அணி 42.4 ஓவர்களில் சகல விக்கெட்களையும் இழந்து 188 ஓட்டங்களை பெற்றது. இதில் முருகன் அபிஷேக் 62(74) ஓட்டங்களையும், முஷீர் கான் 50(61) ஓட்டங்களையும் பெற்றனர். பந்துவீச்சில் மறுப் மிரிதா 4 விக்கெட்களையும், ரொஹனட் டௌல்லா பொர்சன், ஷெய்க் பவீஸ் ஜிபோன் ஆகியோர் தலா 2 விக்கெட்களையும் கைப்பற்றினார்கள்.
பதிலுக்கு துடுப்பாடிய பங்களாதேஷ் அணி 42.5 ஓவர்களில் 6 விக்கெட்களை இழந்து 189 ஓட்டங்களை பெற்றது. இதில் அரிபுல் இஸ்லாம் 94(90) ஓட்டங்களையும், அஹ்ரர் அமின் 44(101) ஓட்டங்களையும் பெற்றனர்.
பந்துவீச்சில் நமன் திவாரி 3 விக்கெட்களையும், ராஜ் லிம்பணி 2 விக்கெட்களையும் கைப்பற்றினார்கள்.
இந்த போட்டியின் நாயகனாக மறுப் மிரிதா தெரிவு’செய்யப்பட்டார்.