தாய்வான் திறந்த தடகள போட்டிகளில் இலங்கை வீரர்கள் 2 தங்கப் பதக்கங்களை வென்றுள்ளனர்.
ஆடவருக்கான 400 மீற்றர் ஓட்டத்தில் அருண தர்ஷன் முதலிடத்தைப் பெற்றுள்ளார். இவர் 45.82 வினாடிகளில் ஓட்டத்தை நிறைவு செய்து தங்கப்பதக்கத்தை வென்றார்.
இதேவேளை, மகளிருக்கான 400 மீற்றர் ஓட்டத்தில் தருஷி கருணாரத்ன தங்கம் வென்றுள்ளார். இவர் ஓட்டத்தை 52.48 வினாடிகளில் நிறைவு செய்தார்.
தாய்வான் திறந்த தடகள போட்டிகளில் 400 மீற்றர் ஓட்டத்தில் ஆடவர் மற்றும் மகளிர் இரு பிரிவுகளிலும் இலங்கை வீர, வீராங்கனைகள் தங்கம் வென்றுள்ளமை சுட்டிக்காட்டத்தக்கது.