லங்கா பிரீமியர் லீக் தொடரில் இன்று (10.07) ஜப்னா கிங்ஸ் மற்றும் கொழும்பு ஸ்ட்ரைக்கேர்ஸ் அணிகளுக்கிடையிலான போட்டி தம்புள்ளை, ரங்கிரி சர்வதேசக் கிரிக்கெட் மைதானத்தில் நடைபெற்று வருகின்றது. நாணய சுழற்சியில் வெற்றி பெற்ற யாழ் அணி களத்தடுப்பை தெரிவு செய்தது.
அதிரடியாக ஆரம்பித்த ரஹ்மனுல்லா குர்பாஸ் 27(11) ஓட்டங்களை பெற்று அசித்த பெர்னாண்டோவின் பந்துவீச்சில் ஆட்டமிழந்தார். அதனை தொடர்ந்து ஜோடி சேர்ந்த அஞ்சலோ பெரேரா, கிளன் பிலிப்ஸ் ஆகியயோர் 86 ஓட்டங்களை இரண்டாவது விக்கெட் இணைப்பாட்டமாக பகிர்ந்தனர். அஞ்சலோ பெரேரா அசித்த பெர்னாண்டோவின் பந்துவீச்சில் தலைக்கவச முன் பாதுகாப்பு கம்பிக்குள் பந்து தாக்க மைதானத்தை விட்டு வெளியேறினார். 34(30) ஓட்டங்களை அவர் பெற்றார்.
கிளன் பிலிப்ஸ் தொடர்ந்தும் சிறப்பாக துடுப்பாடினார். தொடர்ச்சியான மூன்றாவது அரைச்சதத்தை அவர் பெற்றுக்கொண்டார். திசர பெரேரா 13(09) ஓட்டங்களுடன் ரப்ரைஸ் ஷம்ஸியின் பந்துவீச்சில் ஆட்டமிழந்தார். சிறிது இடைவெளியில் கிளன் பிலிப்ஸ் அஷ்மதுல்லா ஒமர்ஷாயின் பந்துவீச்சில் 58(32) ஓட்டங்களுடன் ஆட்டமிழந்தார். சதீர சமரவிக்ரம 07(08) ஓட்டங்களுடன் அஷ்மதுல்லா ஒமர்ஷாயின் பந்துவீச்சில் வெளியேறினார்.
அதன் பின்னர் வந்த வரத்தில் ஷதாப் கான் முதற் பந்திலேயே பேபியன் அலனின் பந்துவீச்சில் ஆட்டமிழந்தார். கடந்த போட்டியில் அதிரடி நிகழ்த்திய சாமிக்க கருணாரட்ண 09(09) ஓட்டங்களுடன் ப்ரமோட் மதுஷானின் பந்துவீச்சில் ஆட்டமிழந்தார்.
இறுதி நேரத்தில் டுனித் வெல்லாலகே(13), டஸ்கின் அஹமட்(15) ஆகியோர் இணைந்து பெற்ற ஓட்டங்கள் மூலம் கொழும்பு அணி சவால் வழங்கக்கூடிய இலக்கை தொட்டது.
ஆர்மபத்தில் வேகமாக கொழும்பு அணி துடுப்பாடிய போதும், மத்தியவரிசை விக்கெட்களை யாழ் அணியினர் கைப்பற்ற கொழும்பு அணியின் ஓட்ட எண்ணிக்கை கட்டுப்படுத்தப்பட்டது. 20 ஓவர்களில் 08 விக்கெட்ளை இழந்து 187 ஓட்டங்களை பெற்றது.
அசித்த பெர்னாண்டோ 4 ஓவர்கள் பந்துவீசி 38 ஓட்டங்களை வழங்கி 02 விக்கெட்களை கைப்பற்றினார். ரப்ரைஸ் ஷம்ஸி ஓவர்களில் ஓட்டங்களை வழங்கி விக்கெட்களை கைப்பற்றினார். பேபியன் அலன் 4 ஓவர்களில் 26 ஓட்டங்களை வழங்கி 1 விக்கெட்டை கைப்பற்றினார். அஷ்மதுல்லா ஒமர்ஷாய் 4 ஓவர்களில் 31 ஓட்டங்களை வழங்கி 2 விக்கெட்களை கைப்பற்றினார். ப்ரமோட் மதுஷான் 4 ஓவர்களில் 41 ஓட்டங்களை வழங்கி 1 விக்கெட்டை கைப்பற்றினார்.
கொழும்பு மற்றும் யாழ் அணிகள் இந்த தொடரில் முதற் தடவையாக மோதுகின்றன. கொழும்பு அணி 4 போட்டிகளில் 2 வெற்றிகளை பெற்று 4 புள்ளிகளோடு மூன்றாமிடத்திலும் யாழ் அணி 5 போட்டிகளில் 3 வெற்றிகளை பெற்று முதலாமிடத்திலு காணப்படுகின்றன. இந்த போட்டியில் கொழும்பு அணி வெற்றி பெற்றால் ஓட்ட நிகர சராசரி வேகத்தின் படி அவர்களின் இடம் தீர்மானிக்கப்படும். யாழ் அணி வெற்றி பெற்றால் 8 புள்ளிகளைப் பெற்றுக்கொண்டு முதலாமிடத்திலேயே காணப்படும்.
யாழ் அணி ஒரு மாற்றத்தோடு விளையாடுகிறது. வனுஜ சஹானிற்கு பதிலாக வியாஸ்காந்த் விளையாட்டுகிறார்.
அணி விபரம்
ஜப்னா கிங்ஸ் – குஷல் மென்டிஸ், அவிஷ்க பெர்னாண்டோ, சரித் அசலங்க, ரிலி ரொசோவ், ஹஸ்மதுல்லா ஓமர்சாய், அசித்த பெர்னாண்டோ, பத்தும் நிஸ்ஸங்க, பேபியன் , ப்ரமோட் மதுஷான், ரப்ரைஸ் ஷம்ஸி
கொழும்பு ஸ்ட்ரைக்கர்ஸ் – சாமிக்க கருணாரட்ன, திசர பெரேரா, சதீர சமரவிக்ரம, ஷதாப் கான், க்ளன் பிலிப்ஸ், டுனித் வெல்லாலஹே, ரஹ்மானுள்ளா குர்பாஸ், பினுர பெர்னாண்டோ, மதீஷ பத்திரன, அஞ்சலோ பெரேரா, டஸ்கின் அஹமட்