லங்கா பிரீமியர் லீக் கிரிக்கெட் தொடரின் இன்றைய(14.07) இரண்டாம் போட்டி ஜப்னா கிங்ஸ் மற்றும் கொழும்பு ஸ்ட்ரைக்கேர்ஸ் அணிகளுக்கிடையில் நடைபெற்ற போட்டியில் கொழும்பு அணி வெற்றி பெற்றுள்ளது. இதன் காரணமாக அடுத்த சுற்று வாய்ப்பை அதிகரிக்கச் செய்துள்ளது. நாணய சுழற்சியில் வெற்றி பெற்ற கொழும்பு ஸ்ட்ரைக்கேர்ஸ் அணி களத்தடுப்பை தெரிவு செய்தது.
110 ஓட்டங்கள் என்ற வெற்றியிலக்குடன் துடுப்பாடிய கொழும்பு அணிக்கு ரஹ்மானுல்லா குர்பாஸ் அதிரடி ஆரம்பத்தை வழங்கினார். இதன் மூலம் கொழும்பு அணியின் வெற்றி இலகுவானது. குர்பாஸ் 57(33) ஓட்டங்களை பெற்றுக்கொண்டார். ஆரம்ப துடுப்பாட்ட வீரர் அஞ்சலோ பெரேரா 16(08) ஓட்டங்களுடன் ஆட்டமிழந்தார். மொஹமட் வசீம் 35(18) ஓட்டங்களை பெற்றார்.
9.5 ஓவர்களில் 01 விக்கெட்டை இழந்து 114 ஓட்டங்ககளை பெற்று கொழும்பு ஸ்ட்ரைக்கேர்ஸ் அணி 09 விக்கெட்களினால் வெற்றி பெற்றது.
ப்ரமோட் மதுஷான் 02 ஓவர்கள் பந்துவீசி 02 விக்கெட்களை கைப்பற்றினார்.
யாழ் அணியின் துடுப்பாட்டம் ஆரம்பம் முதலே தடுமாற்றமாக அமைந்தது. பத்தும் நிஸ்ஸங்க 03(03) ஓட்டங்களுடனும், ரிலி ரொசவ் ஓட்டமின்றியும், குஷல் மென்டிஸ் 17(11) ஓட்டங்களுடனும் ஆட்டமிழந்தனர். அதன் பின்னரும் அடுத்ததடுத்து விக்கெட்கள் வீழ்ந்தன. அவிஷ்க பெர்னாண்டோ 11(15) ஓட்டங்களைப் பெற்றார். சரித் அசலங்க 13(12) ஓட்டங்களுடன் ஆட்டமிழந்தார். பேபியன் அலன் முதற் பந்தில் ஆட்டமிழந்தார். தனஞ்சய டி சில்வா 06(08) ஓட்டங்களுடன் வெளியேறினார். ப்ரமோட் மதுஷான் 10 ஓட்டங்களுடன் ஆட்டமிழந்தார். வியாஸ்காந்த் 25(34) ஓட்டங்களை ஆட்டமிழக்காமல் பெற்றார். வியாஸ்காந்தின் துடுப்பாட்டம் மூலமே யாழ் அணி ஓரளவு மீண்டது. எஷான் மாலிங்க ஓட்டங்களை பெற்றார்.
யாழ் அணி 20 ஓவர்களில் 09 விக்கெட்களை இழந்தது 109 ஓட்டங்களைப் பெற்றது. இந்த இலக்கை கொழும்பு அணி பெறுவது கடினமாக இருக்காது என நம்பப்படுகிறது.
பினுர பெர்னாண்டோ 4 ஓவர்களில் 24 ஓட்டங்களை வழங்கி 02 விக்கெட்களை கைப்பற்றினார். ஷதாப் கான் 4 ஓவர்களில் 10 ஓட்டங்களை வழங்கி 04 விக்கெட்களை கைப்பற்றினார். திஸ்ஸர பெரேரா 2 ஓவர்களில் 15 ஓட்டங்களை வழங்கி விக்கெட்களை கைப்பற்றினார். மதீஷ பத்திரன 04 ஓவர்கள் பந்துவீசி 20 ஓட்டங்களை வழங்கி 01 விக்கெட்டை கைப்பற்றினார்.
ஜப்னா கிங்ஸ் அணி முதல் சுற்றின் சகல போட்டிகளையும் நிறைவு செய்துள்ளது. ஓட்ட நிகர சராசரி வீழ்ச்சி காரணமாக முதலிடத்தை இழந்துள்ளது. காலி முதலிடத்தை பெற்றுள்ளது. கொழும்பு அணி வெற்றி பெற்றதன் மூலம் 6 புள்ளிகளோடு மூன்றாமிடத்துக்கு முன்னேறியுள்ளது. யாழ் மற்றும் காலி அணிகள் முதலாவது தெரிவுகாண் போட்டியில் மோதவுள்ளன.
அணி விபரம்
ஜப்னா கிங்ஸ் – குஷல் மென்டிஸ், அவிஷ்க பெர்னாண்டோ, சரித் அசலங்க, ரிலி ரொசோவ், அசித்த பெர்னாண்டோ, பத்தும் நிஸ்ஸங்க, பேபியன் , ப்ரமோட் மதுஷான், விஜயகாந்த் வியாஸ்காந்த், தனஞ்சய டி சில்வா, எஷான் மாலிங்க
கொழும்பு ஸ்ட்ரைக்கர்ஸ் – மொஹமட் வசீம், திசர பெரேரா, சதீர சமரவிக்ரம, ஷதாப் கான், க்ளன் பிலிப்ஸ், டுனித் வெல்லாலஹே, ரஹ்மானுள்ளா குர்பாஸ், பினுர பெர்னாண்டோ, மதீஷ பத்திரன, அஞ்சலோ பெரேரா, இசித்த விஜயசுந்தர