இங்கிலாந்து மற்றும் இலங்கை அணிகளுக்கு எதிரான டெஸ்ட் தொடருக்கான 14 பேர் கொண்ட இங்கிலாந்து குழாம் அறிவிக்கப்பட்டுள்ளது.
இங்கிலாந்து அணியின் ஆரம்ப துடுப்பாட்ட வீரரான சாக் கிராலி அண்மையில் நிறைவடைந்த மேற்கிந்திய தீவுகள் அணிக்கு எதிரான டெஸ்ட் தொடரின் போது ஏற்பட்ட உபாதை காரணமாக இம்முறை குழாமில் இணைத்துக் கொள்ளப்படவில்லை. இந்த தொடரை இங்கிலாந்து அணி 3 -0 என்ற ரீதியில் கைப்பற்றியிருந்தது.
இலங்கை மற்றும் இங்கிலாந்து அணிகளுக்கு இடையிலான முதலாவது டெஸ்ட் போட்டி எதிர்வரும் 21ம் திகதி இங்கிலாந்து, மான்செஸ்டரில் ஆரம்பமாகவுள்ளது. இந்த டெஸ்ட் தொடர் உலக டெஸ்ட் சம்பியன்ஷிப்பில் உள்ளடக்கப்பட்டுள்ளது. 2023 -2025 உலக டெஸ்ட் சம்பியன்ஷிப் தரவரிசையில் இலங்கை அணி 4ம் இடத்திலும், இங்கிலாந்து அணி 6ம் இடத்தில் உள்ளது.
இங்கிலாந்து குழாம்: பென் ஸ்டோக்ஸ் (தலைவர்), கஸ் அட்கின்சன், சோயிப் பஷீர், ஹாரி புரூக், ஜோர்டான் காக்ஸ், பென் டக்கெட், டான் லாரன்ஸ், ஒல்லி போப், மேத்யூ பாட்ஸ், ஜோ ரூட், ஜேமி ஸ்மித், ஆலி ஸ்டோன், கிறிஸ் வோக்ஸ், மார்க் வூட்
