ஒலிம்பிக்: இலங்கையைின் அருன பங்கேற்கும் 400 மீட்டர் ஓட்டம் இன்றிரவு

பாரிஸ், ஒலிம்பிக்கில் இலங்கையின் தடகள வீரர் அருன தர்ஷன பங்கேற்கும் ஆடவருக்கான 400 மீட்டர் ஓட்டத்தின் ஆரம்ப கட்ட ஓட்டப் போட்டி(Heat 5) இன்று(04.08) இலங்கை நேரடிப்படி இரவு 11.07 மணிக்கு நடைபெறவுள்ளது. 

இம்முறை ஒலிம்பிக்கில் இலங்கையை பிரதிநிதித்துவப்படுத்தி 6 வீர, வீராங்கனைகள் பங்கேற்றிருந்தனர். அவர்களுள் தருஷி கருணரத்ன, மகளிருக்கான 800 மீட்டர் ஓட்டத்தில் ஆரம்ப சுற்றின் போட்டியில் 8ம் இடத்தையும், அரையிறுதி சுற்றுக்குள் நுழைவதற்கான Repechage சுற்றில் 7ம் இடத்தையும் பெற்றுக்கொண்டார். 

கைல் அபேசிங்க ஆடவருக்கான 100 மீற்றர் பிரீஸ்டைல்(Freestyle) பிரிவின் ஆரம்பகட்ட போட்டியில்(Heat 4) இறுதி இடத்தை பெற்று வெளியேறியதுடன், கங்கா செனவிரத்ன மகளிருக்கான 100 மீற்றர் பேக் ஸ்ட்ரோக்(Backstroke) பிரிவின் முதல் சுற்று போட்டியொன்றில் முதலிடத்தை பெற்ற போதும், போட்டியை நிறைவு செய்வதற்கு அதிக நேரம் எடுத்தக்கொண்டதால் அடுத்த சுற்றுக்கு தகுதி பெறும் வாய்ப்பை இழந்தார்.

இலங்கையின் இளம் பூப்பந்தாட்ட வீரர் வீரேன் நெட்டசிங்க பங்கேற்ற முதல் சுற்றில் இரண்டு போட்டியிலும் தோல்வியடைந்து வெளியேறினார். மேலும், தில்ஹானி லேகம்கே பங்கேற்கும் மகளிருக்கான ஈட்டி எறிதல் போட்டியும் எதிர்வரும் நாட்களில் நடைபெறவுள்ளன.

கடந்த 26ம் திகதி ஆரம்பமாகி நடைபெற்று வரும் ஒலிம்பிக் போட்டிகளின் பதக்கப் பட்டியலில் சீனா தொடர்ந்தும் முதலிடத்திலுள்ளது. சீனா 18 தங்கம், 14 வெள்ளி, 9 வெண்கலப் பதக்கங்கள் உள்ளடங்கலாக 41 பதக்கங்களை இதுவரையில் சுவீகரித்துள்ளது. 

அமெரிக்கா 14 தங்கம், 25 வெள்ளி, 25 வெண்கலப் பதக்கங்களுடன் இரண்டாம் இடத்திலுள்ளது. போட்டிகளை நடத்தும் பிரான்ஸ் 12 தங்கம், 14 வெள்ளி, 16 வெண்கலப் பதக்கங்களுடன் மூன்றாம் இடத்திலும் உள்ளது. 

மூன்று வெண்கலப் பதக்கங்களை வென்றுள்ள இந்தியா பதக்கப் பட்டியலில் 57வது இடத்திற்கு பின்தள்ளப்பட்டுள்ளது.

ஒலிம்பிக்: இலங்கையைின் அருன பங்கேற்கும் 400 மீட்டர் ஓட்டம் இன்றிரவு
Social Share
FacebookTwitterRedditLinkedinPinterestMeWeMixWhatsapp

Leave a Reply Cancel reply

Exit mobile version