கொழும்பு இந்துக் கல்லூரி மற்றும் மஹரகம President கல்லூரி B அணிகளுக்கிடையில் இன்று(29.08) நடைபெற்ற இரண்டாம் சுற்றுப் போட்டியில் இந்துக் கல்லூரி கொழும்பு அணி 90 ஓட்டங்களால் அபார வெற்றி பெற்றுள்ளது.
முதலில் துடுப்பெடுத்தாடிய இந்துக் கல்லூரி அணி 43.2 ஓவர்களில் சகல விக்கெட்டுகளையும் இழந்து 209 ஓட்டங்களைப் பெற்றுக் கொண்டது. இந்துக் கல்லூரி கொழும்பு அணி சார்பில் மிதுஷிகன் 88(74) ஓட்டங்களைப் பெற்றார்.
பதிலுக்கு துடுப்பெடுத்தாடிய President கல்லூரி அணி 34.3 ஓவர்களில் சகல விக்கெட்டுக்களையும் இழந்து 119 ஓட்டங்களை மாத்திரம் பெற்றுத் தோல்வியடைந்தது.
இந்துக் கல்லூரி சார்பில் பந்து வீச்சில், சந்தோஷ் 28 ஓட்டங்களை வழங்கி 5 விக்கட்டுக்களைக் கைப்பற்றினார்.
இதன்படி, கொழும்பு இந்துக் கல்லூரி அணி 90 ஓட்டங்களினால் இந்த போட்டியில் வெற்றியீட்டியதுடன், அடுத்த சுற்றுக்கு முன்னேறியது.
