அண்மையில் நிறைவடைந்த இங்கிலாந்து அணிக்கு எதிரான டெஸ்ட் தொடரில் மூன்றாவதும் இறுதியுமான போட்டியில் இலங்கை அணி வெற்றியீட்டியிருந்த நிலையில், 6 இலங்கை வீரர்கள் ஐசிசி டெஸ்ட் தரப்படுத்தலில் முன்னேறியுள்ளனர்
இலங்கை அணித் தலைவர் தனஞ்சய டி சில்வா, கமிந்து மென்டிஸ் மற்றும் பத்தும் நிசங்க ஆகியோரின் அபார ஆட்டத்தில், 10 வருடங்களின் பின்னர் இங்கிலாந்தை, இலங்கை வீழ்த்தியிருந்தது.
போட்டியின் முதலாவது இன்னிங்ஸின் போது இலங்கை அணி சார்பில் 69 ஓட்டங்களைப் பெற்றுக்கொண்ட அணித் தலைவர் தனஞ்சய டி சில்வா, ஆடவருக்கான டெஸ்ட் துடுப்பாட்ட தரவரிசையில் 3 இடங்கள் முன்னேறி 13வது இடத்தில் உள்ளார்.
மேலும், ஆடவருக்கான டெஸ்ட் துடுப்பாட்ட தரவரிசையில் குசால் மென்டிஸ் 6 இடங்கள் முன்னேறி 19வது இடத்திலுள்ளார். பத்தும் நிசங்க 42 இடங்கள் முன்னேறி 39வது இடத்திலுள்ளார்.
இதேவேளை, இலங்கை அணியின் மூன்று வேகப்பந்து வீச்சாளர்களும் ஆடவருக்கான டெஸ்ட் பந்துவீச்சாளர்களின் தரவரிசையில் முன்னேறியுள்ளனர்.
விஷ்வ பெர்னாண்டோ 13 இடங்கள் முன்னேறி 31வது இடத்திலும், லஹிரு குமார 10 இடங்கள் முன்னேறி 32வது இடத்திலும், மிலான் ரத்நாயக்க 26 இடங்கள் முன்னேறி 84வது இடத்திலும் உள்ளனர்.