ஆசிய ரக்பி ஏற்பாடு செய்துள்ள 18 வயதிற்குப்பட்டோருக்கான அணிக்கு 7 பேர் கொண்ட முதல் பிரிவு ரக்பி போட்டிகள் மலேசியாவில் எதிர்வரும் 28 மற்றும் 29ம் திகதிகளில் நடைபெறவுள்ளன.
இதில் பங்கேற்கவுள்ள இலங்கை ரக்பி அணிக்கு பம்பலப்பிட்டி புனித பேதுரு கல்லூரியின் விஷேங்க சில்வா தலைவராகவும், இசிபதன கல்லூரியின் திரிநேத்ரா தொடங்கொட உபதலைவராகவும் நியமிக்கப்பட்டுள்ளார்.
இந்த ரக்பி தொடரில் ஐக்கிய அரபு அமீரகம், இந்தியா, மலேசியா, சிங்கப்பூர், சவுதி அரேபியா, ஹொங்கொங், தாய்வான், தாய்லாந்து, புருனே ஆகிய நாடுகளும் பங்கேற்கவுள்ளன.
இலங்கை 18 வயதிற்குப்பட்டோருக்கான ரக்பி அணிக்கு மனுஜ நிம்மான முகாமையாளராகவும், ராஜீவ் பெரேரா மற்றும் கே.ஏ.பி.கிரியெல்ல ஆகியோர் பயிற்றுவிப்பார்களாகவும் செயற்படுகின்றனர்.