2024ம் ஆண்டிற்கான மகளிர் டி20 உலகக் கிண்ணத் தொடரில் தென்னாப்பிரிக்காவுக்கு எதிரான போட்டியில் இங்கிலாந்து வெற்றி பெற்றுள்ளது. இந்த போட்டி டுபாய் சர்வதேச கிரிக்கெட் மைதானத்தில் இன்றிரவு(07.10) நடைபெற்றது.
போட்டியின் நாணய சுழற்சியில் வெற்றி பெற்ற தென்னாப்பிரிக்கா மகளிர் அணி முதலில் துடுப்பெடுத்தாட தீர்மானித்தது. அதன்படி தென்னாப்பிரிக்க 20 ஓவர்கள் நிறைவில் 6 விக்கெட் இழப்பிற்கு 124 ஓட்டங்களை மாத்திரம் பெற்றுக்கொண்டது. தென்னாப்பிரிக்கச் சார்பில் லாரா வோல்வார்ட் 42(39) ஓட்டங்களையும், மரிசான் கேப் 26(17) ஓட்டங்களையும், அன்னரி டெர்க்சன் 20(11) ஓட்டங்களையும் பெற்றுக்கொண்டனர்
இங்கிலாந்து சார்பில் பந்து வீச்சில் சோபி எக்லெஸ்டோன் 2 விக்கெட்டுக்களை கைப்பற்றினார்.
125 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடிய இங்கிலாந்து மகளிர் அணி 19.2 ஓவர்களில் 3 விக்கெட்டுக்களை இழந்து வெற்றியிலக்கை கடந்தது. இங்கிலாந்து சார்பில் நட் ப்ரண்ட் 48(36) ஓட்டங்களையும், வியாட் ஹாட்ஜ் 43(43) ஓட்டங்களையும் பெற்றுக்கொண்டனர்.
இதன்படி, இங்கிலாந்து மகளிர் அணி 7 விக்கெட்டுக்களினால் வெற்றியீட்டியதுடன் இங்கிலாந்தின் சோபி எக்லெஸ்டோன் ஆட்ட நாயகியாகத் தெரிவு செய்யப்பட்டார். குழு Bயில் உள்ள இங்கிலாந்து இதுவரை பங்கேற்ற இரண்டு போட்டிகளிலும் வெற்றியீட்டி புள்ளிப் பட்டியலில் முதலிடத்திற்கு முன்னேறியது.
