2024ம் ஆண்டிற்கான மகளிர் டி20 உலகக் கிண்ணத் தொடரில் ஸ்கொட்லாந்துக்கு எதிரான போட்டியில் இங்கிலாந்து வெற்றி பெற்றுள்ளது. இந்த போட்டி ஷார்ஜா கிரிக்கெட் மைதானத்தில் இன்று(13.10) நடைபெற்றது.
போட்டியின் நாணய சுழற்சியில் வெற்றி பெற்ற ஸ்கொட்லாந்து மகளிர் அணி முதலில் துடுப்பெடுத்தாட தீர்மானித்தது. அதன்படி ஸ்கொட்லாந்து 20 ஓவர்கள் நிறைவில் 6 விக்கெட் இழப்பிற்கு 109 ஓட்டங்களை மாத்திரம் பெற்றுக்கொண்டது. ஸ்கொட்லாந்து சார்பில் கேத்ரின் பிரைஸ் 33(28) ஓட்டங்களையும், சாரா பிரைஸ் 27(31) ஓட்டங்களையும் பெற்றுக்கொண்டனர்.
இங்கிலாந்து சார்பில் பந்து வீச்சில் சோபி எக்லெஸ்டோன் 2 விக்கெட்டுக்களை கைப்பற்றினார்.
110 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடிய இங்கிலாந்து மகளிர் அணி 10 ஓவர்களில் விக்கெட் இழப்பின்றி வெற்றியிலக்கை கடந்தது. இங்கிலாந்து சார்பில் மாயா பௌசியர் 62(34) ஓட்டங்களையும், டேனி வயாட்-ஹாட்ஜ் 51(26) ஓட்டங்களையும் பெற்றுக்கொண்டனர்.
இதன்படி, இங்கிலாந்து மகளிர் அணி 10 விக்கெட்டுக்களினால் அபார வெற்றியீட்டியது. போட்டியின் ஆட்ட நாயகியாக இங்கிலாந்தின் மாயா பௌசியர் தெரிவு செய்யப்பட்டார்.
குழு Bயில் உள்ள இங்கிலாந்து மகளிர் அணி பங்கேற்ற மூன்று போட்டிகளிலும் வெற்றியீட்டி புள்ளிப்பட்டியலில் முதல் இடத்திற்கு முன்னேறியது. ஸ்கொட்லாந்து மகளிர் அணி பங்கேற்ற நான்கு போட்டிகளிலும் தோல்வியுற்று மகளிர் டி20 உலகக் கிண்ணத்திலிருந்து வெளியேறியது.
