நியூசிலாந்து கிரிக்கெட் அணியின் வீரர்கள் நேற்று இரவு இலங்கையை வந்தடைந்துள்ளனர். இரண்டு 20-20 போட்டிகளிலும், மூன்று ஒரு நாள் சர்வதேசப் போட்டிகளிலும் பங்குபற்ற இலங்கை வந்துள்ளது. இந்தியாவில் டெஸ்ட் தொடர் நிறைவடைந்துள்ள நிலையில் அங்கிருந்து முதற்கட்ட வீரர்கள் இலங்கை வந்துள்ளனர். மிகுதி வீரர்கள் நாளை இலங்கை வரவுள்ளனர்.
நியுசிலாந்து கிரிக்கெட் அணி இலங்கை அணியிடம் இரண்டு டெஸ்ட் போட்டிகளிலும் தோல்வியடைந்து திரும்பியது. இங்கே தோல்விடையடைந்தவர்கள், இந்தியா அணியை துவைத்து எடுத்து இந்தியாவில் வைத்து டெஸ்ட் தொடர் வெற்றியினை பெற்றுள்ளார்கள். இந்த நிலையில் நியூசிலாந்து கிரிக்கெட் அணி மட்டுப்படுத்தப்பட்ட ஓவர்கள் கிரிக்கெட் போட்டிகளில் மோதுவதற்காக இலங்கைக்கு வரவுள்ளது. இரண்டு 20-20 போட்டிகள் மற்றும், மூன்று ஒரு நாள் சர்வதேசப் போட்டிகளிலும் மோதவுள்ளது.
ஒக்டோபர் 09, 10 ஆம் திகதிகளில் இரண்டு 20-20 போட்டிகளும், 13 ஆம் திகதி முதலாவது ஒரு நாள் சர்வதேசப் போட்டியும் தம்புள்ளை ரங்கிரி சர்வதேசக் கிரிக்கெட் மைதானத்தில் நடைபெறவுள்ளன. 17,19 ஆம் திகதிகளில் மேலும் இரண்டு ஒரு நாள் சர்வதேசப் போட்டிகளும் கண்டி பல்லேகல சர்வதேசக் கிரிக்கெட் மைதானத்திலும் நடைபெறவுள்ளன.
இலங்கை அணி அண்மைக்காலமாக சிறப்பாக விளையாடி வரும் நிலையில் நியூசிலாந்து அணியுடன் டெஸ்ட் தொடரை வென்றுள்ள நிலையிலும் இந்த தொடரையும் சிறப்பாக எதிர்கொள்வார்கள் என நம்பலாம்.